Yadda Ake Buɗe Karatun Alƙur’ani Da Bismillah A Cikin Sallah

0
157

Mai yin sallah zai buɗe karatun Alƙur’ani da Bismillah a ɓoye, ba tare da mamu sun ji karatun Bismillah ba, shi ne limami kuma sallah ce da ake bayyana karatu.

A mazhabin Malikiyya kuma zai bayyana karatun Bismillah ne a fili, zai karanta Fatiha sannan ya sake yin wata Bismillah kafin ya karanta surar gaba.

Zai tsaya ne ya ɗora hannunsa na dama a kan hannunsa na hagu; a kan ƙirjinsa ko ƙasan ƙirjinsa saman cibiyarsa; ya ɗora idanunsa biyu a daidai inda yake sujuda, kuma ya bar idanunsa a buɗe, ba tare da lumshe su ko rufe su ba; domin rage yawan tunani da zancen zuci a cikin sallah.

Sannan zai karanta surah ko wani yanki na surah ko wasu ayoyi; gwargwadon abin da Allah ya sanar da shi na Alƙur’ani yana tsaye; yana iya fasa karanta surah ko ya canza surah idan ya ji ya kakare; ko kuma ta ɗauke a cikin ƙwaƙwalwarsa ko ya rasa mai tuna masa ko bai rasa ba, 

Yana iya karanta aya ɗaya koda ba mai tsayi ba ce, wajan karatu ya kula da haƙƙin mamu; kar ya tsawwala musu wajen karanta surori masu tsayi ko yawa idan yana limanci; idan shi kaɗai ne ya tsawaita yadda ya so.

Domin karanta cikakken bayani a kan Yadda Ake Alwala danna nan

labarin da ya wuceYadda Za Ki Kula Da Fatarki
Labarin na GabaYadda Ake Yin Kabbarar Harama
Abu muzaffar Malami ne masanin ilimin zamani da na addini bisa tsaren Ƙur'ani da tafarkin manzon Allah sallallahu alaihi wa sallam, mai hangen nisa a addini da kuma alummma, shugaban Abu Muzaffar foundation.