Tag: yadda ake

Yadda Za Ka Dawo Da Martabar Batirin Wayarka

Idan battery na wayarka ya yi ƙasa ko ma ya ƙare gaba ɗaya…

Za ka ji idan kuma ka ɗan sanya batiri a kan harshenka kana jin wata wuta;

To ita wannan wutar ko ka taɓa tambayar kanka cewa ta mece ce?

Wannan shi yasa aka gabatar da bincike, aka gano cewa a kowanne battery akwai ɓoyayyar wuta wacce kasonta ya kai 50% cikin 100%. Haka kuma, za ka iya dawo da martabarsa da kaso 50% cikin 100% ta hanyar yin amfani da wata fasahar zamani ta wasu lambobi ta hanyar dannan *3370#, sai ka tura, ka ɗan jira na ɗan wani lokaci.

Martabar batirinka za ta dawo da wancan kaso da na faɗa na 50% bayan ta kashe kanta ta kunna.

Abin Lura

Wannan lambobi (code) yana amfani ne kawai musamman ga wayoyi kirar Nokia da wasu kuma kaɗan da ba Nokia ba;

Sai a kula.

Domin karanta cikakken bayani a kan Yadda za ka Dakatar Da Kowanne Irin Kira Wayarka danna nan

20/10/2021
Yadda Ake Danbun Masara

Danbun masara wani abinci ne na Hausawa wanda ake yi da masara. Kuma masara tana daga cikin nau’in abincin da yake ƙara ƙarfi a jiki.

Kayan Haɗin Danbun Masara

Tsakin masara

Mai

Alayyahu ko Cabbage da karas

Abin ɗanɗano

Albasa da Attaruhu

Yadda za a Haɗa Danbun Masara

A samu madambaci (steamer) a zuba ruwa a ƙasansa, sai a ɗora ruwan a wuta, sai a wanke tsakin masarar sosai, a tsane a mararraki, a sa buhu a saman madambacin, a juye tsakin masara a ciki, a bar shi ya turara kamar awa 1. A kwashe tsakin a faranti a kawo ruwa a yayyafa masa, a saka yankakkiyar albasa da attaruhu da abin ɗanɗano. A sa alayyahu ko carbbage da karas yankakku daidai misali, a mayar da shi wuta, a dinga yayyafa masa ruwa a kai a kai, har sai ya turara sosai, sannan a sauke. Za a iya ci da V.I.P ko da Farfesun kifi da muka yi a baya.

Domin karanta cikakken bayani a kan yadda Ake Burabusko danna nan

20/10/2021
Shinkafa Mai Ƙwai

Shinkafa mai ƙwai wani abinci ne da ake yi da shinkafa tare da ƙwai.

Abubuwan Da Ake Buƙata wajen haɗa shinkafa mai ƙwai

Shinkafa (dafaffiya)
Curry/ kayan ƙamshi
Abin ɗanɗano
Albasa
Ƙwai
Attaruhu
Mai

Yadda Ake Haɗawa

A fara dafa shinkafar sama–sama a tace, a wanke ta a saka ɗan mai a tukunya yadda zai isa, ya ɗanyi zafi a sa shinkafar a dinga juyawa, a sa albasa yankakkiya da attaruhu, sannan a saka abin ɗanɗano da curry da kayan ƙamshi a ci gaba da juyawa, a sa ƙwai da aka ɗan kaɗa shi a ɗan kwano a rinƙa juyawa har ta haɗe jikinta.

Domin karanta cikakken bayani a kan Yadda Ake Danbun Shinkafa danna nan

20/10/2021
Yadda Ake Duba Rijistar Layin Waya
Mafi yawa daga cikin ma’abota amfani da layukan waya; ba su san yadda ake gano layin nada rijista ba ko akasin haka.

Haka ba su san yadda ake amfani da waɗansu lambobi ko kuma hanyoyi ba, wajen duba Rijistar layikansu;

Domin sanin cewar layukan nasu nada rijista ne ko babu.

A wannan ɗan taƙitaccen bayani, za a sanar da al’umma yadda ake duba rijistar kowanne layi kamar haka:
- Yadda Ake Duba Rijistar Layin MTN
Domin duba rijistar layin MTN sai ka shiga wajen da ake rubuta saƙo, ka rubuta kalmar REG sai ka tura zuwa ga 789, da zarar saƙon ya je, za ka ga sun turo maka da wani saƙo wanda ke ɗauke da bayanin cewa rijistarka ta yi, ko kuma ba ta yi ba.
- Yadda Ake Duba Rijistar Layin GLO
Shi ma wannan kamar wancan na baya ne, domin duba rijistar layin, sai ka je wajen rubuta saƙo, ka rubuta kalmar REG sai ka tura zuwa ga 3456, da zarar saƙon ya je, za ka ga sun turo maka da wani saƙo wanda ke ɗauke da bayanin cewa rijistarka ta yi, ko kuma ba ta yi ba.
- Yadda Ake Duba Rijistar Layin Etisalat/9Mobile
Shi ma layin Etisalat ana iya duba rijistarsa ta yi; ko kuma ba ta yi ba ta hanya biyu. Wanda hanyar farko ita ce: A kira lambar kulawa da abokan hulɗa, wato customer care number a kan 200.

Ko kuma a tura musu saƙon neman sanin rijistar layi ta akwatun email kamar haka: care@etisalat.com.ng; bayan wasu ‘yan lokuta za su dawo da saƙon sanin matsayin rijistar na cewar; ta yi ko kuma ba ta yi ba.
- Yadda Ake Duba Rijistar Layin Airtel
Shi ma wannan kamar sauran ne da suka gabata a baya. Domin duba rijistar layin sai rubuta *746# sai ka tura.

Da zarar ya je ya dawo; za ka ga sun turo maka da wani saƙo wanda ke ɗauke da bayanin cewa; rijistar ka ta yi, ko kuma ba ta yi ba.

Haka kuma, za a iya kiran lambar kulawa da aboka nan hulɗa, wato customer care number akan nambar 111 ko kuma a tura da saƙon neman sanin rijistar ta akwatin saƙon email na customercare@ng.airtel.com.

Domin karanta Yadda Ake (Recording) Ɗaukar Videon Abin da Kake Gabatarwa A Fuskar Computer danna nan
20/10/2021
Yadda Hashtag Yake

Hashtag wani abu ne da aka samar da shi domin ƙulla alaƙa tsakanin rubutu masu alaƙa da juna.

Ana amfani da Hashtag wajen neman rubutu masu alaƙa da juna a shafukan yanar gizo.

Ko kuma, wani abu ne da ake amfani da shi a twitter da sauran kafafan sadarwa kamar facebook da makamantan sa;

Wanda zai ba ka damar yin post ko kuma tattaunawa da shi.

Misali wani kan iya yin amfani da #computer hashtag domin ya sanar da wasu ko kuma masu harkar computer. Da ma wani wanda yayi rubutu akan abun da ya shafi ita kan ta computer din.

Hakan nan kuma dukkanin #Hashtag yana farawa ne da wannan alamar “#” kafin kalmar da za a sanya.

Sannan wannan alamar ana iya nemo ta a kan computer keyboard ta hanyar danna madannin Shift haɗi da inda hoton # din yake. Misali shift +

Domin Karanta cikakken bayani a kan Amfani Da Haɗurran Shafukan Sada Zumun ta danna nan

Domin karanta cikakken bayani akan Yadda Ake Dawo Da Abun Da Aka Goge Akan Komfiyuta danna nan

19/10/2021
Yadda Ake Samar Da Website Na Kyauta Ta Hanyar Amfani Da Google Site

Ka san kuwa za ka iya samar da haɗaɗɗe da ƙayataccen shafin yanar gizo, kuma mai sauƙin aiki ta hanyar yin amfani da shafin Google?

Google Site wata mahaɗa ce mai sauƙi kuma mara wahalar aiki, wacce za ta samar maka da ajiyayyen shafin internet kyauta.

Musamman idan kai ɗan ƙaramin ɗan kasuwa ne, kuma ba ka da damar gina babban shafi domin tallata kayanka;

Googe site zai ba ka damar yi ko da kuwa ba ka da ilmin sanin harsunan kwamfuta wato “Programming Languages”.

Ko sanar da mutane ya kasuwancinka yake.

Ga kaɗan daga cikin hanyoyin da ake bi domin aiwatar da Website a Google Site:

Mataki Na Ɗaya

Ziyarci https//sites.google.com/ sai ka shigar da Account ɗinka na Google zai ba ka damar ya zama shi ne kamar jigon shafinka wajen shiga domin aiwatar da gyara ko kuma wani abu makamancin haka.

Mataki Na Biyu

Sai ka danna kan red box, wanda yake nuna ka samar “Create,” za ka gan shi daga sama a hannun hagu na shafin. Waɗansu bayanai za su buɗe nan take.

Mataki na Uku

Sai ka zaɓi “New Sites” wani ɓangaren zai buɗe maka domin ya ba ka damar gyara shafinka.

Idan ka danna kan “Your page title” sai ka canja rubutun da sunan shafin da kake son buɗewa, nan take zai buɗe maka kuma zai zama mai rai akan shafin na google, ba tare da ka rufe shafin ka ƙara buɗewa ba, nan take shafin zai buɗe, haka kuma za ka iya buɗe shi a wani gun domin ganin sa.

Mataki Na Hudu

A ɓangaren hannun dama, a inda sidebar yake, click the “THEMES” tab and select the option you would like to use. In your selected option, you choose the color and font you would like to use for your website.

Mataki Na Biyar

A jikin inda zai buɗe maka wajen sidebar, sai ka buɗe “INSERT”. Za ka iya ganin dukkanin saitin da kake buƙata.

Haka kuma, za ka iya turawa zuwa ga wasu, domin su san cewa ka buɗe shafin ‘content in this sidebar’.

Click the one you want and it will appear in the body of the page live, where you can edit the content.

Want to move the item? Move your cursor to the left of it until it turns into a four-point of arrows. Then click, drag and drop it.

Mataki Na Shida

Once you are happy with the content and style of your website.

Click the eye symbol at the top of the body of the page to preview how it will look.

Mataki Na Bakwai

Click the person symbol, also above the body, and choose others to appoint as editors by adding their email addresses and a message. Be sure to select “Send a copy to myself” for your records and then click “Save.” This is much safer than having everyone access the website as one user and access your sensitive email account.

Mataki Na Takwas

Under “Who can edit,” select “Change” to make the website public or choose another privacy option. Once you’ve made your option, click “Save”.

Domin Karanta Cikakken Bayani A kan Tarihin Samuwar Shafukan Sada Zumunta danna koren rubutu

19/10/2021
Yadda Za Ka Lalata Wayarka Idan Ta Ɓata

Dazarar wayarka ta ɓata, ko an sace,to tabbas kana da damar lalata wayar ta hanya mafi sauƙi kamar haka:

Za ka yi hanzari ka nemi waya musamman Nokia 3310, sai ka shiga inda ake rubuta saƙo(messages);

ka yi maza ka rubuta serial number na wayar, wanda ake kira IMEI number;

Sai ka tura zuwa ga Emergency call number, ko kuma layin wayar da ta ɓace a ciki. Domin ganin IMEI number danna *#06#

Domin karanta cikakken bayani a kan Yadda Ake Duba Rijistar Layin Waya danna nan

19/10/2021
Yadda Za Ka Dakatar Da Kowanne Irin Kira Wayarka

Idan kana ko kina son hana shigowar kira kowannne iri ne cikin wayarka a sakamakon wasu dalilai;

Sai a yi amfani da waɗannan lambobi a kan layin wayar da ba a son kiran ya shigo**21*999999#;

Sannan a danna madannin kiran waya wato (send), shi kenan wato duk wanda ya kira za a ce masa lambar da ya kira ba daidai ba ce (the number you call does not exist).

Domin fita daga wannan tsarin sai a danna ##21# domin warwarewa.

Domin karanta cikakken bayani a kan Yadda Za ka Lalata WayarKa Idan Ta Ɓace danna nan

Don karanta bayani akan Yadda Za Ka Dawo Da Martabar Batirin Wayarka danna nan

19/10/2021
Kafar Sadarwa ta WhatsApp: Yadda Ake Amfani Da Kafar Sadarwa ta WhatsApp

Kafar Sadarwa ta WhatsApp; Sau da yawa mutane na mu’amala da kafar social media ta whatsapp; amma akwai tarin abubuwa da ba su san yadda ake amfani da su ba yadda ya dace; ko kuma ba su san yadda za su aiwatar da wasu abubuwa ba. Ga waɗanda ba su da WhatsApp a wayarsu, za su iya hawa kan Google Play Store https://play.google.com/ su sauke shi.

Waɗannan wasu kaɗan ne daga cikin irin abubuwan da ake iya aiwatarwa; wanda ba kowa ya sani ba a Kafar Sadarwa ta WhatsApp:

• Tura Saƙo Guda Ɗaya Ga Mutane Da Yawa (Broadcasting)

Wannan wata hanya ce da ake tura saƙo guda ɗaya zuwa ga mutane da yawa; da zarar ana son a yi wannan, sai a je kan MENU, inda ke da wasu alamomi guda uku. Sai mutum ya zaɓi Broadcast wanda a nan ne zai ba ka damar tura saƙon zuwa ga mutane da yawa; wanda idan za ka aiwatar da wannan, zai ba ka damar ƙara wanda za ka turawa ta hanyar zaɓar alamar + sai ka zaɓi sunan da za ka ƙara.

• Sauya Nau’in Rubutu

Wanna ma wata alama ce da za ka iya sauya nau’in rubutu; misali ya tafi a kwance ko kuma ya yi kauri ko ya zama a cikin alamar sokewa

Domin tafiyar da rubutu a kwance sai a rubuta _rubutu_ sai a tura. Ø
Domin sanya rubutu ya yi kauri sai a yi amfani da *rubutu* sai a tura.Ø
Domin sanya alamar sokewa sai a yi amfani da ~rubutu~ sai a tura.Ø

Domin Karanta Cikakken bayani a kan Yadda Ake Amfani Da MyMTN App Danna nan

17/10/2021
Tatsuniyar Yarinya Da Dodanni

Ga ta nan ga ta nan ku.

Tatsuniya : Wata yarinya ce dai mai tsananin kyau, duk garinsu babu mai kyanta, ta ce ba ta son kowa sai marar tabo. Sai dodanni suka ji labari.

Sai suka yi wanka a gidan tururuwa. sai suka zama samari kyawawa da su.
Da ta gan su, sai ta ce, “Ta sami mazajen aure”. sai duk ta duba jikinsu, sai ta ga jikin wannan da ɗan tabo ɗan mitsitsi, sai ta ce, “Ba ta son sa”. Da ta duba jikin ɗayan ta gan shi sumul, ba ko ɗigon tabo a jikinsa, sai ta ce, “Shi take so”.
Shi ke nan, sai aka shirya aka yi biki.

Sai suka ce, “Za su tafi da ita garinsu, su ba mazauna ba ne”, sai aka ce; “To za a ba ta ƙanwarta ta taya ta zaman ɗaki”. Sai ta ce, “Ita ba ta so, ta zauna ita kaɗai”. Shi ke nan, aka yi aka yi su tafi da ƙanwarta ta ƙi; sai ƙanwar ta zama ƙuda ta maƙale mata.

Shi ke nan, da suka je gidan dodanni; sai dare ya yi suka shiga ɗaka suka rufe ƙofa, sai ta ga ƙanwarta, sai ta rufe ta da faɗa, ta ce, “Ke wa ya kawo ki nan?”

Ita kuwa ƙanwar sai ta yi shiru.
Shi ke nan sai yar ta ƙyale ta.
Ita yar kamar sokuwa take. In dare ya yi, sai ta yi ta shirgar barci. Ita kuwa ƙanwar, sai ta zauna tangar har gari ya waye.

Sai uwar mijinta ta zo da tsakar dare ta ce:
“Sarma-sarma duf-duf”.
Sai ƙanwar ta ce:
“Wane ne nan ya ke mana
Sarma-sarma duf-duf?”
Sai uwar mijin ta ce:
“Uwar miji ce take muku
Sarma-Sarma duf-duf”.
Sai yarinya ta ce:
“Me kike so kike mana
Sarma-sarma duf-duf?”
Sai ta ce:”Wuta nake so nake muku
Sarma-sarma duf-duf”.
Sai yarinya ta ce:
“Iya ga wuta nan.
Ki bar mana
Sarma-sarma duf-duf”

Sannan yarinya ta watso mata wutar. Tsohuwa ta je ta kashe wutar ta kuma dawo musu. Nan kuwa ashe ba wuta take so ba. So take yi ta cinye su idan ta tarar sun yi barci.
Kullun haka, kullum haka. Duk sa’ad da yarinyar ta gaya wa yayarta game da uwar mijin mai zuwa ɗiban wuta da daddare, sai yayar ta ce, “Ƙarya take yi”.
Ana nan a haka sai, ran nan yarinya ta ce da yayarta, “To, yau dai ki zauna kada ki yi barci don ki ji yadda muke yi da tsohuwar da kunnenki”.

Shi ke nan, yayar ta zauna.
Sai ita uwar mijin ta zo ta yi musu irin yadda take yi kullum.
Shi ke nan, sai ya ta ji da kunnenta.
Shi kuma mijin nata yana wani ɗaki suna kwance tare da abokansa. Idan an yi abinci na aikin gona an kai musu, sai su yi haƙa su bunne. Sai su yi ta cin kwaɗi. Ita kuwa ƙanwar, wadda ta kai musu abincin, sai ta ce da su:
Mijin yayata, ci kwaɗi.
Mijin yayata, ci kwaɗi.
Mazan-wazata, ci kwaɗi
Sha da kwaɗi, ci kwaɗi
Sha da kwaɗi, ci kwaɗi.

Su kuma idan sun ji wannan waƙar, sai su yi ta rawa suna cin kwaɗi.
Shi ke nan. Da sun ga ƙanwar ta dawo daga gida, sai su zama mutane su ce, “Ga kwanukanki nan. ki ce muna yi mata sannu da aiki”.
Shi ke nan, sai yarinya ta ɗebi kwanuka ta tafi da su gida.
Kullum haka, kullum haka.
Sai rannan yayar ta yi shawara da ƙanwarta don su gudu gida.
Sai suka yi ta haƙa rami, tun daga nan gidan har ya zuwa hanyar ƙofar garinsu. Suna ta bin rami da ita da ƙanwarta har suka je gida.
Iyayenta suka ce da ita, “Lafiya?”.
Sai ta ce wa iyayenta, “Ashe dodanni ne? Ni zato nake mutane ne”.
Shi ke nan.
Ƙurunƙus kan ɗan ɓera.
Ba don ƙarya ce ba, wa zai zuba ruwa a jallo, jallo ya fashe kuma ruwan bai zube ba?

Domin karanta tasuniyar gizo da giwa danna nan

Domin karanta bayani akan Ra’in Bincike Hausawa danna nan

17/10/2021