Ƙauye -
Tana nufin karkara ko inda ba birni ba.
Misali: Habu ya tafi ziyara ƙauyen kakansa a ƙarshen mako.
ENG: Village (A turance tana nufin ƙauye)
Ƙawa -
Tana nufin macen da ake da alaƙar abota da ita.
Misali: Fatima ta tafi kasuwa tare da ƙawarta.
ENG: Female friend (A turance tana nufin ƙawa)
Ƙawa-zuci -
Tana nufin son mallakar abu fiye da kima ko buƙata, musamman dukiya ko abinci.
Misali: Ƙawa-zucin ɗan kasuwar ya sa ya ci gaba da tara dukiya ba tare da taimakon wasu ba.
ENG: Greed (A turance tana nufin ƙawa-zuci)
Ƙawanya -
Tana nufin zobe.
Misali: Mata na sanya ƙawanya a yatsunsu a matsayin kayan ado.
ENG: Any metal ring (A turance tana nufin ƙawanya)
Ƙawata -
Tana nufin gyara wani abu don ya zama mai kyau ko abin kallo.
Misali: Ta ƙawata ɗakin bikin ta da furanni da fitilu masu launi.
ENG: Make beautiful (A turance tana nufin ƙawata)
Ƙaya - Tana nufin tsini mai kaifi da ke fitowa a jikin wasu bishiyu ko tsirrai, wanda kan iya cutarwa.
Misali: Yaron ya taka ƙaya a hanyar dawowarsa daga makaranta.
ENG: Thorn (A turance tana nufin ƙaya)
Ƙaye - Tana nufin iya kwalliya ko tsara sutura domin jan hankali ko burgewa.
Misali: Matashin ya yi shiga mai ban ƙaye a wajen bikin da sabbin kaya masu kyau.
ENG: Showing off one’s stylishness of dress (A turance tana nufin ƙaye)
Ƙayyade - Tana nufin sanya doka, sharaɗi, ko iyaka, ko cimma yarjejeniya.
Misali: Sun ƙayyade dokokin da za a bi wajen gudanar da taron.
ENG: Rule / Agreement (A turance tana nufin ƙayyade)
Ƙazami - Tana nufin Mutum mara tsafta. Ana amfani da ita wajen bayyana mutum, wuri, ko kaya da ba su da tsabta.
Misali: Rigarsa ta zama ƙazami bayan ya yi aiki a gona.
ENG: Dirty (A turance tana nufin ƙazami)
Ƙazanta - Tana nufin yanayin datti ko rashin tsafta na jiki, muhalli, ko wani abu.
Misali: Ƙazanta a muhalli na iya jawo cututtuka kala-kala.
ENG: Dirtiness (A turance tana nufin ƙazanta)
