Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Ƙaƙale -
Tana nufin mutum ya zama mai tsananin tsantseni ko zaɓi fiye da kima, har yana wahalar da kansa ko wasu wajen yin komai.
Misali; Yana ƙaƙale sosai wajen zaɓen abinci.
ENG; Being over-fastidious (A turance tana nufin ƙaƙale)
Ƙaƙƙautawa -
Tana nufin yin abu ba tare da tsayawa ba.
Misali; Ruwan sama yana zuba ba ƙaƙƙautawa tun safe har yamma.
ENG; Non stop (A turance tana nufin ƙaƙƙautawa)
Ƙa’ida -
Tana nufin dokoki ko tsarin da aka kafa domin tafiyar da al’amura cikin tsari.
Misali: Ma'aikatan suna aikinsu bisa ƙa'ida.
ENG: Regulation (A turance tana nufin ƙa’ida)
Ƙera - Tana nufin aikin sarrafa ƙarfe ko ƙirƙirar kayan aiki ta hanyar amfani da wuta da guduma.
Misali: Maƙeri yana ƙera fartanya, wuƙa, da sauran kayayyakin noma.
ENG: Forge (A turance tana nufin ƙera)
Ƙerere - Tana nufin tsayuwa ba tare da ladabi ko girmamawa ba.
Misali: Yaron ya tsaya ƙerere a gaban manya ba tare da nuna ladabi ba.
ENG: Stood disrespectfully (A turance tana nufin ƙerere)
Ƙeta - Tana nufin aikata wani mummunan abu da nufin cutarwa ko yin sharri ga wani.
Misali: Ƙeta ce raba makaho da sandarsa.
ENG: Malicious Act (A turance tana nufin Ƙeta)
Ƙetara - Tana nufin tsallake hanya, kogi, ko wani wuri daga gefe ɗaya zuwa wani.
Misali: Mutane suna ƙetara titi cikin kulawa don kauce wa haɗari.
ENG: Cross (A turance tana nufin ketarewa ko tsallakawa).
Ƙeya - Tana nufin bayan wuya, wato sashen da ke tsakanin kai da kafaɗa.
Misali: Mutumin ya ji ciwo a ƙeya bayan ɗaukar kaya masu nauyi.
ENG: Nape of the neck (A turance tana nufin ƙeya)
Ƙi - Tana nufin rashin yarda da wani abu ko rashin amincewa da shi.
Misali: Yaron ya ƙi cin abinci saboda ba ya jin daɗi.
ENG: Refuse (A turance tana nufin ƙi)
Ƙiba - Tana nufin girma ko nauyin jiki.
Misali: Ƙiba mai yawa na iya jawo matsaloli ga lafiya.
ENG: Fatness (A turance tana nufin ƙiba)