Tag: jinin al’ada

Menene Haila (Jinin Al’ada)
Haila ita ce jinin al’ada wanda ke faruwa a matsayin wani bangare na zagayowar wata (lokaci) na mace.

Haila da aka fi sani da al’ada wani al’amari ne na cyclic (zagaye) wanda ke faruwa a lokacin haihuwa na rayuwar mace.

Yana faruwa ne lokacin da ƙwaiƙwayin ‘ya mace ya balaga kuma ya shiga bututun mahaifa,matsakaicin tsawon lokacin al’ada shi ne 28 days duk da cewa ya bambanta, don haka kewayon ya fara tsakanin 25-31 days bisa ga wasu masu bincike koda yake a wasu littattafan (Myles Book na ungozomomi) ya ce yana iya zama 23_35days

Al’adar tana farawa ne tsakanin shekaru 12-15 wanda hakan ke nuni da fara balaga ga ‘ya mace

Ana kiran fara al’adar (Haila) menarche da kuma tsayawa na dindindin da ake kira menopause wanda ke faruwa tsakanin shekaru 45-51 years wannan al’ada da nake magana a kai tana da matakai;

Lokacin al’ada; A lokacin wannan lokaci, layin aikin bangon mahaifa (mahaifa) bango (mahaifa) an kashe shi kuma an zubar da shi yayin fitowar al’ada (kwarara wata-wata) wanda ke ɗaukar 3-7days yana ɗauke da ƙananan ƙwayoyin endometrial

The proliferative phase; Yana for 9 days which consists of the growth of the ovaria follicles.

Sannan yana dakyau ku karanta wannan Kawar Da Fargaba Kan Dalilan Sanya Robar Hanci Ga Mara Lafiya

Tsarin luteal; Yana tsawon kwanaki 13, akwai samuwar tarin rubuce-rubuce masu aiki.

Ga Wasu Daga Cikin Alamomi Wanda Yakamata Mu Sani Kuma Mu Fahince Su;
- Ciwon ciki
- Kumbirin ciki
- Ciwon kai
- Ciwon baya da sauransu
Wannan ya bambanta a wasu matan.

Matsayin Iyaye (Dangi)

Na farko, ka ilimantar da yaranka game da haila kafin su ji ta bakin taƙwarorinsu wanda ka iya zama hadari. A tabbatar musu cewa al’ada ce ta jiki da ke faruwa kuma shi ne ke sa su zama mata/’yan mata saboda kasancewar haila na nuna cewa mahaifa al’ada ce kuma budurwa (mace) na iya haihuwar yara a nan gaba.
- Zaunawa tare da su
- Tattaunawa tare da su
- Kar a ƙyamace su
- A ilimantar da su a kan tsabtace kansu
- A gaya musu su yawaita canza haɗin su.
- Su kuma guji amfani da ruwan sanyi.
- Su yawaita cin kayan marmari da ganyayyaki.
- Su guji yawan cin gishiri.
Ya kuma kamata a shawarci ‘yan mata da su guji yawan shan giya da wanke farjinsu da sabulai ko sinadarai

Da fatan za a tabbatar da cewa jinin na iya zama ja mai haske, ruwan hoda, ko ruwan kasa, kusan cokali 3-5 ne kawai. Za ka iya bayyana cewa lokaci ya kamata ya zo a kowane kwana 28, amma zai iya zuwa ko’ina tsakanin kwanaki 23-35, kuma yawanci baya wuce kwanaki 3-7.

Yana dakyau ku karanta Jan Hankali Ga Masu Cin Smoked Fish (Bandar Kifi)
31/05/2024
Dalilan Da Yake Kawo Rashin Zuwan Jinin Al’ada Ga ‘Ya Mace
Maganin hana daukar cikin da aka yi allura ko aka dasa su acikin jiki to dukan su suna iya hana zuwan al’ada.

Medication/ ƙwayoyi na wasu rashin lafiya sun iya tsayar da jinin al’ada din mace wadannan magungunane sn kunshi;
- Magungunan da ake anfani dasu wajen magance matsalolin ciwon ƙwaƙwalwa (Antipsychotics drugs).
- Magungunan jinyar cutar sankarau (cancer chemotherapy drugs).
- Magungunan ciwon damuwa (Antidepressants).
- Magungunan rage karfin jini(Blood pressure drugs).
Wadannan duk suna hana zuwan jinin al’ada,sai kuma yanayin tsarin rayuwar mace yana daga cikin abubuwan dake sanadin rashin zuwan al’ada.

Karanta cikekken bayani akan HIV/AIDS
- Rashin jiki idan akwai rama a jikin mace sosai yana iya katse hanzarin aikin hormones ta yadda al’adar ta zata tsaya.
- Akwai kuma yawan jiki da kuma yawan samun damuwa duk suna iya tsayar da jinin al’ada.
- Akwai Kuma hormonal imbalance wanda wasu matsaloli ne ke haifarwa
Misali

(Premature menopause) Macen da tashiga matakin daina al’adar ta da wuri,dama yana farawa ne daga shekara 50,to wasu sukan iya shiga tumma kafin shekara 40.
- (Thyroid malfunction) matsala aikin thyroid rashin aikin ta yadda yakamata .
- Pituitary tumor dakuma polycystic ovary syndrome (pcos).
Domin karanta bayani akan Hyperstimulated Nervous System Danna nan
29/05/2024
Yadda Al’ada (Jinin Haila) Yake

A wannan shafin za mu tattauna akan abubuwan da suka shafi al’adar ‘ya mace. Yadda zaki san in al’adarki daidai take ko kuma kina da matsala. Abubuwan da za kiyi amfani dasu idan kina al’ada kamar: Auduga (Pad) da tsumma da sauransu. Yadda zaki tsaftace jikinki da suturar ki idan kina al’ada.

Mecece Al’ada?

Ita al’ada jini ne ko kuma gudan jinni wanda yake fitowa daga mahaifa a jikin mace. Al’ada na zuwar wa mace duk wata. Aduk sanda kika ga irin wannan jinin to shi ake nufi da al’ada.

Me Ake Nufi Da Lokacin Al’ada (Jinin Haila)

Lokacin Al’ada lokaci ne da yake shiryawa jikin mace ɗaukar ciki duk wata. Lokacin al’ada na amfani da abubuwa guda biyu irin su estrogen da progesterone.

Bayaninsu ya tafi kamar haka: A jikin mace akwai ƙwayaye guda biyu, kuma kowanne yana riƙe da ƙwayaye ba adadi a cikinsa, kwayayen ƙananu ne, wanda idanu baza su iya ganin sa ba, sai da taimakon na’urar gani. Lokacin al’ada, ƙwayayen suna girma, wanda hakan shi yake nufin cewa maniyi yake jira su haɗu, su haifar da ɗa.

Bayan mace ta gama al’adar ta, akwai wani mataki da zata shiga, wanda ake kira da “Ovulation”. Da yawan mata basa sanin lokacin da sukeyin ovulating, saboda ba abu bane da mutum zai tayar da hankalin sa. Alamomin ovulation su ne; ciwo a ƙasan mara, wanda zaki ji a ɓari ɗaya ko duka biyun. A turance; bloating, spotting da sauransu.

Lokutan Da Al’ada Take Farawa Da Kuma Tsayawa

A wani lokacin girman ‘ya mace, wasu matan suna fara al’ada a shekara sha biyu zuwa sha huɗu. Amma wasu suna ganin nasu da wuri, tunda yanayin jiki ba ɗaya bane; kuma babu tabbacin ga lokacin da zaki ga al’adar. Amma idan baki ga al’adar kiba, har kika kai shekara goma sha shida (16), to ki tuntuɓi likita.

Yawancin mutane suna daina ganin al’adarsu idan sun kai kimanin shekaru arba’in da biyar (45) ko hamsin da biyar (55), wanda aka fi sani da menopause (lokacin da mace zata daina al’ada). Al’adar mace tana farawa da tsayawa, kamar yadda ragowar mutane suke yi. Amma taƙaitaccen lokacin dainawa shi ne daga shekara arba’in da biyar zuwa hamsin da biyar.

Abubuwan Da Mace Zata Iya Amfani Dasu Idan Tana Al’ada

Mace idan tana Al’ada zata iya amfani da su audugar mata da tissue da tsumma da sauransu. Su waɗannan da aka lissafo, suna da inganci a rayuwar mace. Su suke taimakawa wajen tsafta da kuma hana jinin ya ɓata jikin ki.

1. Audugar mata (Pad): Auduga ce mai fiffike guda biyu, wadda zaki yi amfani da ita wajen hana jinin ya ɓata jikinki. Ita ce mafi ingancin auduga da zaki iya amfani da ita, suna nan kala-kala kamar su: Lady Care da Virony da Always da Molped da 7-layer da sauransu.

2. Tissue: Zaki iya amfani da wannan idan al’ada ta same ki a waje, ko kuma bakya ɗiga da yawa, amma ba ta ɗaya daga cikin audugar mata da take da kyan amfani. Ita amfanin ta yafi zuwa idan audugar ki ta ƙare, to sai ki yi amfani da shi.

3. Tsumma: Shi ma amfanin su ɗaya da audugar mata, amma shi wannan zaki wanke shi ne duk sanda kika cire shi.

Hanyoyin Da Zaki Bi Wajen Tsaftace Jikinki Idan Kina Al’ada

Idan kina amfani da pad ne, to duk bayan awa shida (6) zuwa takwas (8) ki tabbata kin cire, kin saka wani, idan kuma kina zuba da yawa, to ki dunga cirewa da zarar kin ji ta jiƙe.

Masu amfani da tsumma kuma, su dunga wankewa, basai sun jira ya jiƙe ba, don da zarar kin jira ya jiƙe, zai iya ɓata ki, kuma abinda ake gudu kenan.

Tissue kuma bashi da tsayayyen lokaci, tunda shi kamar na agaji ne, zaki iya cire shi duk sanda kika so, ko kike buƙata, amma ki tabbatar bai jiƙe sosai ba.

Zaki iya amfani da miski ko turare wanda zaki shafa a jikinki, don kashe ƙarni.

Wanke hannu a duk lokacin da zaki canza, ko bayan kin canza na da matuƙar muhimmanci.

Yadda Zaki Tsaftace Jikin ki Bayan Kin Gama Al’ada

Wanke hannu da sabulu mai ƙamshi ko kuma wanka da su turaren wanka.

Yin wankan tsarki

Ki sa miski a auduga sai kisa a pant ɗinki da sauransu.

Domin karanta cikakken bayani akan Yadda Ake Yin Wankan Tsarki Bayan Angama Al’ada danna nan.

Domin karanta cikakken bayani akan Ciwon Mara Lokacin Al’ada danna nan.

Don shiga WhatsApp Group ɗinmu na Tsaftar Mata, ku danna nan.

17/02/2022
Wa ya Kamata In Bayyana Wa Sirrina Idan Na Fara Al’ada
Da yawa mata idan sun fara al’ada, kunya suke ji su bayyana, wasu da dama ba sa iya faɗa wa iyayensu ko kuma wasu manya ko kuma makusanta.

A wannan shafin namu, zamu bayyana yadda zaki cire kunya, ki faɗa wa iyayen ki; ko wasu manya da zasu baki shawara dangane da yadda zaki fuskanci matsalar.

Ga kaɗan daga cikin irin tambayoyi da amsoshin su:

1. Wa zan tunkara dangane da canjin da na fara fuskanta a jiki na?

Yanayin da kike fuskanta dangane da canjin jikin ki ba abu bane mawuyaci. Idan kina da tambayoyi akan canjin jikin ki, ko yanayin al’adarki; yana da matuƙar muhimmanci ki fito ki bayyana wa mahaifiyyar ki ko yayyan ki ko malamai; kokuma wasu manya da kika sani, don su ɗora ki akan hanyar da ta fi dacewa da ke.

Duk wacce kika gani ta wuce shekarun ki, to tabbas ta ɗanɗana irin abinda kike fuskanta a yanzu; kuma koda ace basu sani ba, zasu ɗora ki akan tafarkin da zaki fahimta, ko kuma suhaɗa ki da waɗanda suka sani.

2. Ya zan yi idan na kasa tunkarar iyaye na?

Jin kunya wajen tattauna maganar da ta danganci al’ada ga iyaye, ba abu bane maiwuya. Yawancin mutane sun fuskanci irin haka, kuma suna son ki; kuma suna son su taimake ki. Su kansu iyaye; zasu ji daɗi idan kika fuskance su da irin wannan maganar. A lokacin zasu ƙara baki kulawar da kike buƙata, su ƙara nusar dake me rayuwar ta ƙunsa.

Wasu lokutan yana da muhimmanci ki tanadi tambayoyin da zaki yi musu, don ki samu amsoshin su a lokaci ɗaya.

Gakaɗan daga cikin yadda zaki iya fara tattaunawar:
- Zaki iya yin alama da ido, ko kuma zirga-zirga a gaban su, don su fuskanci kina da magana; daga nan su da kansu zasu tambaya, su ce, “LAFIYA”; a nan zaki matsa kusa dasu, sai ki fayyace musu abin da ke birnin zuciyarki baki ɗaya.
- Idan kin san sun riga da sun sani; zaki iya zuwa gurin su, kice kina jin ba daɗi ne, shi ne kike son ki tattauna matsalar dasu ko akwai mafita.
- Kiyi tunanin tambayoyin da kike son yi, ki rubata su a takarda, ki tabbata babu wasu-wasi a zuciyarki; sai ki basu takardar, su zasu neme ki.
- Idan kuma baza ki iya yi wa iyaye magana ba, zaki iya samun yayar ki, ko kaka ko malaman islamiyya ko manya a jihar, ko kuma ki ziyarci asibiti.
3. Ta yaya zan san lokacin da ya kamata na ziyarci asibiti?

Lokuta da dama, yana da wuya a tattance in kina da lafiya ko akasin haka; ta yaya zaki san ya kamata ki tattauna da likita?

Muhimmiyar hanya ita ce, ki fara tattaunawa da iyaye ko kuma yayyan ki ko manya da kika yarda dasu. Sun ɗanɗana dayawa daga cikin abubuwan da kike fuskanta yanzu, don haka, zasu baki shawarar da takamata.

Idan baki da likita, zaki iya zuwa ɗaya daga cikin asibitocin da ke kusa da ke (ƙwararru), kuma karki manta asibiti basa son tambayoyi marasa ma’ana, don aikinsu shine; su taimaka wa al’umma.

Babu wanda ya kai likita riƙe sirri, don haka, kar ki ji kunyar faɗa musu abubuwan da ke damunki, don su zasu taimaka miki sosai.

Bin ƙa’idojina da matuƙar muhimmanci, don su za su taimaka wajen ƙara koyar da ke abubuwan da ya shafi jikinki.

Domin karanta cikakken bayani akan Yadda Ake Wankan Tsarki Bayan An Gama Al’ada (2) danna nan.

Domin karanta cikakken bayani akan Jinin Haila (Jinin Al’ada) danna nan.

Don shiga WhatsApp Group ɗinmu na Tsaftar Mata, ku danna nan.
17/02/2022
Ambaton Abin Da Ake Sanin Zuwan Jinin Al’ada Da Shi Da Yankewar Sa

Da me ake sanin zuwan jinin Al’ada?

Jinin Al’ada – Ana sanin zuwan jinin haila ne da zubowar sa a lokacinsa;

Da kuma abin da yake riga shi wani lokaci na ciwon kai ko ciwon mara.

Kuma da me ake sanin yankewar sa?

Ana sanin yankewar sa da tsabtatar abin da aka toshe shi da shi;

Shi ne tsabtatar abin da mai haila take toshe gabanta da shi na auduga ko yanki don hana zubar jinin ko da zubar wani farin ruwa a ƙarshen jinin a ƙarshen haila shi ne ake kira da ƙassa fara.

Wannan bayanin an ciro shi ne daga Littafin Fassarar Littafin Fikhul Muyassar Na Biyu wanda Rukayya Dalha ta wallafa shi; Domin karanta cikakken littaffin danna nan.

Domin karanta cikakken bayani a kan Maimaituwar Jinin Haila A Wata Ɗaya danna nan.

Don karanta cikakken bayani a kan Mene Ne Hukuncin Yi Wa Mace Kaciya? danna nan.

29/10/2021
Yanayin Jinin Al’ada
Jinin al’ada ya sha bamban tsakanin mata. Ba lallai yanayin jinin al’adar mace da wata macen ya zama iri ɗaya ba.

Kwanakin da kika saba yi da adadin jinin da kike zubarwa, ba lallai sai ya yi daidai da na wata macen ba. Kowace mace tana da nata yanayin.

A lokacin da jinin al’ada zai zuba ko kuma yake zuba, akwai canjin yanayi da yakan iya faruwa a jikin mace. Wannan canjin yanayi shi ake kira da ‘premenstrual syndrome‘. Alamomin Premenstrual syndrome sun haɗa da ciwon mara, ciwon nono, saurin fushi, damuwa, gajiya da sauransu. Ba kowane lokaci ake jin waɗannan alamomin ba, kuma ba a buƙatar a sha magani saboda premenstrual syndrome sai dai idan abin ya yi tsanani sosai.
- Lalurorin jini al’ada
1. Zubar jinin al’ada da yawa.
2. Zubar jinin al’ada ɗan kaɗan.
3. Daɗewa/ƙara kwanakin zubar jini.
4. Raguwar kwanakin zubar jinin.
5. Daina zuba/ɗaukewar jinin.
6. Saurin zagayowar al’ada
7. Ciwon mara lokacin al’ada da sauransu.
Idan mace ta samu ɗaya daga cikin waɗannan lalurori, to ta garzaya asibiti domin neman shawarar likita.
- Kammalawa
Jinin al’ada, alama ce da take nuna cewa mace za ta iya ɗaukar ciki. Yakan iya zuwa da wasu lalurori. Idan mace ta ga ɗaya daga cikin waɗannan lalurori, to ta je asibiti domin neman shawara

Domin kararanta yadda ake da mai gida lokacin al’ada ko menene Jinin haila ko Dalilin yin jinin haila danna koren rubutun nan
12/02/2020
Dalilin Yin Jinin Al’ada (Haila)
A kowane wata, mahaifa tana yin wasu shirye-shirye domin ɗaukar juna biyu. Wannan shirye-shiryen yana farawa ne da zarar mace ta kai shekarun fara jinin al’ada.

Mahaifa tana daina wannan shirye-shiryen, bayan mace ta kai shekarun daina jinin al’ada. A lokacin wannan shirye-shiryen (kowane wata), ƙwai yana fitowa tun yana ƙarami har ya kai girman da zai iya haɗuwa da ruwan maniyyin namiji domin samar da ɗa.

Har ila yau, a kowane wata cikin mahaifa yana haɓaka, kuma yana yin kauri a lokacin wannan shirye-shirye. Duk wannan canje-canjen da yake faruwa a cikin mahaifar mace, yana faruwa ne domin tsammanin samun ciki.

Idan mahaifa ta gama wannan shirye-shiryen kuma, ba a samu juna biyu ba, to sai cikin mahaifar ya kwakkwaɓo ya fara zubar da jini. Wannan jinin shi ake kira da jinin al’ada.

Da zarar jinin ya fara zuba, mahaifa za ta fara wani sabon shiri, domin tsammanin ɗaukar ciki. Idan kuma aka yi sa’a mace ta samu juna biyu, to mahaifa ba za ta sake yin irin wannan shirye-shiryen ba har sai bayan haihuwa ko kuma cikin ya zube. Wannan dalilin ne ya sa duk macen da take da juna biyu ba ta yin jinin al’ada.
- Kammalawa
Jinin al’ada, alama ce da take nuna cewa mace za ta iya ɗaukar ciki. Yakan iya zuwa da wasu lalurori. Idan mace ta ga ɗaya daga cikin waɗannan lalurori, to ta je asibiti domin neman shawara

Domin kararanta yadda ake da mai gida lokacin al’ada ko mene ne jinin haila danna koren rubutu
12/02/2020
Jinin Haila (Jinin Al’ada)
Jinin haila (jinin al’ada) wani jini ne na al’ada, wanda yake fita daga gaban (al’aurar) mace a kowane wata. Shi wannan jini, ba cuta ko alamar cuta ba ne. Alama ce da take nuna cewa, mace za ta iya ɗaukar ciki (juna biyu). Ma’ana dai, duk macen da take jinin haila, to tana cikin shekarun da mace take ɗaukar ciki.

Idan lafiya ƙalau ne, ana fara jinin al’ada ne daga shekaru 10 zuwa shekaru 16. Ɗaukewar jinin al’ada ya bambanta tsakanin mata. Wasu suna dainawa a shekaru 43 wasu kuma suna wuce shekaru 50. Idan jinin al’ada ya zo, yakan iya yin kwanaki 2 zuwa kwanaki 7 yana zuba, sannan kuma yana zuwa ne duk bayan kwanaki 21 zuwa 35, ba lallai sai wata-wata ba. Amma dai, yawancin mata sun fi yin jinin al’ada ne duk bayan kwanaki 28.
- Dalilin yin jinin al’ada
A kowane wata, mahaifa tana yin wasu shirye-shirye domin ɗaukar juna biyu. Wannan shirye-shiryen yana farawa ne da zarar mace ta kai shekarun fara jinin al’ada. Mahaifa tana daina wannan shirye-shiryen bayan mace ta kai shekarun daina jinin al’ada. A lokacin wannan shirye-shiryen (kowane wata), ƙwai yana fitowa tun yana ƙarami har ya kai girman da zai iya haɗuwa da ruwan maniyyin namiji, domin samar da ɗa.

Har ila yau, a kowane wata cikin mahaifa yana haɓaka, kuma yana yin kauri a lokacin wannan shirye-shirye. Duk wannan canje-canjen da yake faruwa a cikin mahaifar mace, yana faruwa ne domin tsammanin samun ciki. Idan mahaifa ta gama wannan shirye-shiryen kuma, ba a samu juna biyu ba, to sai cikin mahaifar ya kwakkwaɓo ya fara zubar da jini. Wannan jinin shi ake kira da jinin al’ada.

Da zarar jinin ya fara zuba, mahaifa za ta fara wani sabon shiri domin tsammanin ɗaukar ciki. Idan kuma aka yi sa’a, mace ta samu juna biyu, to mahaifa ba za ta sake yin irin wannan shirye-shiryen ba, har sai bayan haihuwa ko kuma cikin ya zube. Wannan dalilin ne ya sa duk macen da take da juna biyu ba ta yin jinin al’ada.
- Yanayin Jinin al’ada
Jinin al’ada ya sha bambam tsakanin mata. Ba lallai yanayin jinin al’adar mace da wata macen ya zama iri ɗaya ba. Kwanakin da kika saba yi da adadin jinin da kike zubarwa, ba lallai sai ya yi daidai da na wata macen ba. Kowace mace tana da nata yanayin.

A lokacin da jinin al’ada zai zuba, ko kuma yake zuba, akwai canjin yanayi da yakan iya faruwa a jikin mace. Wannan canjin yanayi shi ake kira da ‘premenstrual syndrome’. Alamomin Premenstrual syndrome sun haɗa da ciwon mara, ciwon nono, saurin fushi, damuwa, gajiya da sauransu. Ba kowane lokaci ake jin waɗannan alamomin ba, kuma ba a buƙatar a sha magani saboda premenstrual syndrome sai dai idan abin ya yi tsanani sosai.
- Lalurorin jini al’ada
1. Zubar jinin al’ada da yawa
2. Zubar jinin al’ada ɗan kaɗan
3. Daɗewa/ƙara kwanakin zubar jini
4. Raguwar kwanakin zubar jinin
5. Dena zuba/ɗaukewar jinin.
6. Saurin zagayowar al’ada
7. Ciwon mara lokacin al’ada da sauransu.
Idan mace ta samu ɗaya daga cikin waɗannan lalurori, to ta garzaya asibiti domin neman shawarar likita.
- Ciwon mara lokacin al’ada
Ciwon mara lokacin al’ada yana ɗaya daga cikin ‘premenstrual syndrome’ da aka yi bayani a baya. Galibi, ciwon ba mai tsanani ba ne, amma yakan iya zama mai tsanani a wurin wasu matan. Kuma ko an sha magani ko ba a sha magani ba, ciwon zai yi sauƙi.

Don haka, ba lallai sai an sha magani ba, sai dai idan ciwon ya yi tsanani sosai. Mafi yawancin mata suna daina wannan ciwon bayan ‘ƴan wasu shekaru.
- Kammalawa
Jinin al’ada, alama ce da take nuna cewa mace za ta iya ɗaukar ciki. Yakan iya zuwa da wasu lalurori. Idan mace ta ga ɗaya daga cikin waɗannan lalurori, to ta je asibiti domin neman shawara

Domin kararanta yadda ake da mai gida lokacin al’ada ko mene ne Jinin haila ko Dalilin yin jinin haila danna koren rubutun nan
12/02/2020