Raunin Ɗa Namiji Da Abin Da Hakan Ke Nufi

Raunin halittar ɗa namiji wato Erektayil dayisfankshin (ED): Al’amari ne da halittar baligin namiji kan gaza miƙewa ko kasa cigaba da kasancewa a tsaye bayan tashinta har ya samu ya biya buƙatar sa, zai zamo da ta tashi za ta kwanta, wani sai ya yi ta girgiza ta sannan ta yi tsauri ta miƙe kafin Jim kaɗan ta ko ma.

Topic irin wannan ba abu ne da ƙwararrun masana kan tsaya su tattauna shi ba cikin al’umma, Toh amma dole a matsayin mu na physicians a ce muna samun lokaci mu haskawa al’umma irin waɗannan abubuwa da kuma abin da hakan ke nufi.

Idan aka ce “Marker for Overall Health” Ana so ai ma nuni da cewa wannan abin fa kusan shi ne komai game da lafiyarka, duk me son ya tantance lafiyarka toh ya kalli wannan abin, Kamar yadda ake cewa in kana son sanin halin mutum to ka kalli abokansa. 

Zuciya tsoka ce jikin mutum da in ta samu matsala dukkan jiki ya gama samun matsala…  Toh raunin gaba ko mazakuta ga mutum babbar alama ce da ke nuna zuciyarsa ba ta da lafiya a kaso fiye da 50% na masu larurar.

Kafin gaban da namiji ya mike ya kai ga ya sami lafiyayyen Erection dole sai abubuwa uku (3) sun haɗu:

1. Lafiyayyar tsokar Gaba [healthy muscle].
2. Lafiyayyar jijiyar kai saƙo da sauti wato [health nerves].
3. Lafiyayyar jijiyar jini da ke kawo jini azzakari daga zuciya  wato [healthy artery] Kamar yadda a kan ga sun yi ruɗu-ruɗu sun cika da jini idan an sami erection. 

To a cikin abubuwa ukun can wato; Nerves, artery ko muscles…. duk wanda  ya sami matsala to fa shi ne mutum ke fuskantar raunin mazakuta [Erectile Dysfunction].

Shi yasa daga cikin nazarin da mukan yi matsayin mu na likitoci idan mutum ya zo mana da matsalar shi ne fara yin tambayoyi game da larurorin da kan iya lalata waɗancan ababe ukun wato larurori irin su: Ciwon Sugar [Diabetes] wacce kan iya lalata jijiyoyin kai saƙo wato nerves, ko Hawan jini [Hypertension] wanda ke taɓa jijiyar jini ta artery, ko kuma Matsalar tangarɗar sinadaran sha’awa da jima’i da kan shafi tsokokin azzakari wato ƙarancin sinadarin testostiron [Low testosterone].

Wannan tasa nutsuwa tare da sakin jiki a bai wa likita amsoshin tambayoyin da za yi daki-daki bisa gaskiya ba tare nuƙu-nuƙu ko kunya ba na da matuƙar muhimmanci wajen fahimtar magani ko mafitar da ta dace da mutum.

Kafin Azzakari ya miƙe ya yi aikin biyan buƙatar da ake so… Dole tsokokin gaban sai sun yi laushi, sun saki, sun zamo relax, Sannan ƙwaƙwalwa ita ma ta zamo relaxed tare da tsokokin mara, Saboda idan tsokokin suka yi relaxed hakan ne zai sa su iya cika da jini dam, wanda hakan zai sa ta yi kauri, ta buɗe ta tsaya cak. 

Shi yasa Sam babu muhallin damuwa ko stress yayin da ake tunkarar jima’i, ana so ya zamto duk hayaniyar duniya an aje ta, sannan babu saɓani ko Jin haushin juna ga Macen da Namijin. Saboda damuwa ko stress na haddasa tsukewar tsokokin gaban wanda hakan ba zai ba jini damar kwaranyowa ba, wanda ba dole gaban tsaya ba duk yadda kaso ya tsaya dole yai ta kwanciya kamar lawashi.

Shi yasa maganin wannan matsalar ya fara ne da fara gano tushen matsalar, idan akwai ciwon sugar dole ita za a duƙufa a ga an yi control ɗin ta da kyau tare da magance matsalolin da ta fara haifarwa, idan kuma mutum bai san yana da ita ba, toh za ai masa gwajin, idan babu sannan a tafi ga larura ta gaba wato binkicen hawan jini, ko yawan kitse a jika wato High Cholesterol, ko kuma binkicen sinadaran halitta ko sun yi ƙasa, da gwajin lafiyar zuciya. 

Daga nan sai gyara tunanin mutum, idan yana cikin hayaniyar duniya, da damuwoyi ai addressing ɗin su, domin ko da komi lafiya in dai akwai stress ko depression wannan ma na kashe sha’awa murus a Maza ko Mata. 

Sai cin fruits irin su karas, kankana, cucumber, da cin proteins irinsu gyaɗa, naman kaji, tare da kiyaye cin jan nama. Sai kuma tabbatar da ana samun wadataccen bacci. Bacci na da matukar muhimmanci ga lafiya. 

Sai a ƙarshe motsa jiki, KEGEL EXERCISE da nai ta bayani a baya, lallai Namijin da ke son lafiya ya rungumi yin sa. 

A wannan matakin ne za ku fahimci wauta da gangancin yawan shaye-shayen maganin ƙarfi da Mazajen mu ke yi, domin kai ne kusan kullum sai ka sha abu, in ma ba ka sha ba ba ka iya komi… Shin hakan bai isa ka gane cewa abin nan lallai akwai wata matsala a ƙasa ba?

Domin ai ba daidai ba ne a ce kullum sai ka sha magani, kuma galibin wannan maganin shi fa Erection kurum yake ba ka ba wai sha’awarka ba ce ke ƙaruwa, shi yasa ko babu sha’awa da kwanciyar hankali kana iya samun erection bayan shan wannan tarkacen, wannan kuma ke nuna shan maganin bai da alaƙa da maganin matsalar ka. 

A ƙarshe irin wannan shaye shayen ke daɗa lalata zuciya, ko koda wanda a ƙarshe zama ka daina samun erection ɗin ne, ka ga murus kenan. 

Don haka duk me irin wannan larura Ina me ba shi shawara ya je ya ga manyan likitoci, larurarsa ta asibiti ce, ka daina asarar kuɗi wajen masu magungunan gargajiya ko so called islamic chemist, ko a riƙa faman rataya maka aljani ko a ce asiri akai ma, ko a ce masturbation. Kai dai ka je ga Medical doctors. 

Domin karanta cikakken bayani a kan Taminal Lusiditi (The Surge) Danna nan