Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Ƙura - Tana nufin ɓarɓashin ƙasa da ke tashi a iska ko taruwa a saman abubuwa.
Misali: Iska mai ƙarfi ta tayar da ƙura a kan hanya.
ENG: Dust (A turance tana nufin ƙura).
Ƙurewa - Tana nufin iyaka ko ƙarshen wani abu, ko kuma matsayi mafi ƙololuwa da za a iya kaiwa.
Misali: Ta ajiye kayanta ƙurewar ɗakinsu.
ENG: Extremity (A turance tana nufin ƙurewa)
Ƙuri’a - Tana nufin zaɓi, ko ra'ayin mutum.
Misali: 'Yan ƙasa sun fito domin kaɗa ƙuri'arsu a ranar zaɓe.
ENG: Vote (A turance tana nufin ƙuri'a)
Ƙurji - Tana nufin ƙarami ko babban kumburi da ke fitowa a fata, wanda galibi ke ɗauke da ruwa ko mugunya.
Misali: Wani ƙurji ya fito masa a fuska, wanda ya sa gurin ya kumbura.
ENG: Pimple / Boil (A turance tana nufin ƙurji)
Ƙurmus - Tana nufin ƙonewa gaba ɗaya har abu ya lalace ko ya zama toka.
Misali: Wutar ta ƙona gidan ƙurmus cikin ɗan lokaci kaɗan.
ENG: Burn Completely (A turance tana nufin ƙurmus)
Ƙuru - Tana nufin ɗaukar haɗari ko shiga wani al’amari ba tare da cikakken tabbaci ba.
Misali: Ya yi ƙuru wajen zuba duk kuɗinsa a sabon kasuwancin ba tare da bincike ba.
ENG: Taking a Risk (A turance tana nufin ƙuru)
Ƙuruciya - Tana nufin lokacin yarinta wato lokacin da mutum yake yaro.
Misali: A lokacin ƙuruciyarsa, ya kasance mai himma wajen karatu da wasanni.
ENG: Youthfulness (A turance tana nufin ƙuruciya)
Ƙurungu - Ƙurungu wani nau’in kifi ne mai gemu da tabo a jikinsa, wanda ake samu a kogi da tafki.
Misali: Masunci ya kama ƙurungu a kogi yau da safe.
ENG: Spotted Catfish (A turance tana nufin ƙurungu)
Ƙusa - Tana nufin wani nau'in ƙarfe mai tsini daga ƙarshensa wanda ake amfan da shi wajen haɗe katako ko a buga a bango don rataye abu.
Misali: Kafintan ya buga ƙusa a jikin bencin da ya karye.
ENG: Nail (A turance tana nufin ƙusa)
Ƙuƙuta - Tana nufin yin iya bakin ƙoƙari ko dagewa sosai domin cimma wani buri ko kammala wani aiki.
Misali: Ya ƙuƙuta matuƙa wajen neman ilimi har ya samu nasara.
ENG: Try Hard (A turance tana nufin ƙuƙuta)