Ƙamusu

Ƙule - Tana nufin fusata ƙwarai ko shiga matsanancin fushi cikin gaggawa. Misali: Ya ƙule da jin kalaman cin mutuncin da aka yi masa. ENG: Fly into a rage (A turance tana nufin ƙule)

Ƙuli-ƙuli - Tana nufin wani nau’in abin ci da ake yi daga gyadar da aka matse man ta, sannan a soya ta har ta yi ƙarfi da ɗan ƙamshi. Misali: Yara suna son cin ƙuli-ƙuli tare da koko da safe. ENG: Fried Groundnut Balls (A turance tana nufin ƙuli-ƙuli)

Ƙulla - Tana nufin ɗaure igiya, zare, ko wani abu ta yadda zai haɗu ya riƙe da ƙarfi.  Misali: Ya yi ƙulla igiya a bakin buhun domin kada kayan da ke ciki su zube. ENG: Knot (A turance tana nufin ƙulla)

Ƙullu - Tana nufin cakuɗa gari da ruwa da ake haɗawa domin yin wani abinci. Misali: Mahaifiyata ta haɗa ƙullu za ta yi mana waina. ENG: Mixture of flour and water (A turance tana nufin ƙullu).

Ƙullutu - Tana nufin kumburi da ke bayyana a jiki sakamakon cizon ƙwari, harbin ƙudan zuma, ko wani abu mai dafi. Misali: Yaron ya samu ƙullutu a hannunsa bayan sauro ya cije shi. ENG: Swelling from sting or bite (A turance tana nufin ƙullutu).

Ƙulu-ƙulu - Tana nufin abu mai girma kuma zagayayye, musamman idan ana magana a kan idanu, albasa, ko wasu ’ya’yan itatuwa. Misali: Idanunsa sun yi ƙulu-ƙulu, sakamakon kukan da ya yi sosai. ENG: Large and round (of eyes, onions, or fruit) (A turance tana nufin ƙulu-ƙulu).

Ƙululu - Tana nufin kumburi ko wani ƙulli da ke fitowa a jiki sakamakon rashin lafiya ko wata cuta. Misali: Likita ya duba ƙululun da ya fito a wuyansa domin gano abin da ya jawo shi. ENG: Swelling or lump on the body due to illness (A turance tana nufin ƙululu).

Ƙulumi - Tana nufin mutum mai tsananin rowa wanda ba ya son bayarwa ko taimakon wasu da abin da yake da shi. Misali: Mutane ba sa son halin ƙulumi domin yana hana mutum kyautatawa da taimakon jama'a. ENG: Stingy Person (A turance tana nufin ƙulumi).

Ƙuma - Tana nufin wani ƙaramin ƙwaro mai tsalle wanda ke rayuwa a jikin dabbobi ko mutane, yana tsotsar jini kuma yana iya haddasa ƙaiƙayi. Misali: Karen ya kamu da ƙuma, shi ya sa yake ta susa kullum. ENG: Flea (A turance tana nufin ƙuma)

Ƙumba - Tana nufin farce. Misali: Ya yanke ƙumbarsa domin ta yi tsawo sosai kuma tana ji masa ciwo. ENG: Fingernail (A turance tana nufin ƙumba).