Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Bishara - Tana nufi labari mai daɗi.
Misali; Malamin ya yi wa ɗalibai bishara da cinye jarabawarsu.
ENG; Good news (A turance tana nufin bishara)
Bishiya - Tana nufin ice ko tsiro da yake fitowa haka kawai ko idan an shuka, yana da ganyayyaki da itatuwa a wasu lokutan.
Misali; Idan an shuka bishiya takan ɗauki lokaci mai tsawo kafin ta girma.
ENG; Tree (A turance tana nufin bishiya)
Biskit - Tana nufin abin ci na maramari da ake yi da fulawa da sikari da wasu sinadaran.
Misali; Biskit ɗin kamfanin NASCO yana da daɗi da inganci.
ENG; Biscuit (A turance yana nufin biskit)
Bita - Tana nufin nanata karatu.
Misali; Ɗalibai na bita a cikin aji tun safe.
ENG; Reading again through a text (A turance tana nufin bita)
Bitch - A turance tana nufin karya.
Misali; Wata karya ce ta haihu a bayan layinmu.
HAU; Karya (Tana nufin macen kare)
Bitterness - A turance tana nufin ɗaci.
Misali; Maganin yana da ɗaci sosai.
HAU; Ɗaci (Tana nufin wani yanayi mara daɗi da ake ji a maƙogwaro idan an ɗanɗana abubuwa kamar magani da sauransu)
Biya - Tana nufin bayar da kuɗi sakamakon wani aiki, ko bayar da wani abu a dalilin yin wani aiki.
Misali; An biya ma'aikata albashin su na wannan watan.
ENG; Pay (A turance tana nufin biya)
Biyayya - Tana nufin yin abinda aka ce a yi da barin abinda aka hana.
Misali; Aisha tana da biyayya.
ENG; Obedience (A turance tana nufin biyayya)
Biɗa - Tana nufin nema ko lalube.
Misali; Ya samu abinda ya je biɗa a balaguron da ya yi.
ENG; Search (A turance yana nufin biɗa)
Biƙi - Tana nufin wankan jego da mace take yi daga ranar da ta haihu zuwa kwana arba'in.
Misali; Yayata biƙi take yi, yau kwana huɗu.
ENG; Hot bath taken by women after delivery (A turance tana nufin biƙi)