Ƙamusu

Whip, Flog - A turance tana nufin fyaɗa. Misali; Ai alamajirin nan ya sha fyaɗa a gurin malaminsu. HAU; Fyaɗa (Tana nufin duka musamman da tsumagiya)

Whirlwind - A turance tana nufin guguwa. Misali; Bishiyar ta faɗo ne yayin da ake guguwa. HAU; Guguwa (Tana nufin iska mai ƙarfi)

Whistling - A turance tana nufin fito. Misali; Waye yake fito a waje? HAU; Fito (Tana nufin fitar da iska da baki har ya ba da wata siririyar ƙara)

Whole - A turance tana nufin ilahiri. Misali; Ya shafe ilahirin jikinsa da maganin. HAU; Ilahiri (Tana nufin duka ko gaba ɗaya ko bai ɗaya)

wikiHausa - wikiHausa kundin ilimi (insakulofidiya) ce da ke ilimantar da jama'a yara da manya da maza da mata wajen samun ilimi a saukake, cikin harshen Hausa.

Wisdom - A turance tana nufin hikima. Misali; Ya yi amfani da hikima wajen daidaita abokan da suka samu saɓani. HAU; Hikima (Tana nufin dabara ko baiwa)

Wish - A turance tana nufin buri. Misali; Zuwa ƙasa mai tsarki shi ne babban buri na. HAU; Buri (Tana nufin abinda mutum yake so ya cimma)

With - A turance tana nufin da. Misali; Ni da yayana farare ne. HAU; Da (Tana nufin tare)

Without - A turance tana nufin babu. Misali; Babu kaya a cikin akwatin. HAU; Babu (Tana nufin wayam ko ba komai)

Woman’s Large Wrapper - A turance tana nufin gyauto. Misali; Ta ɗaura gyauto mai matuƙar kyau da tsada. HAU; Gyauto (Tana nufin babban zani na mata)