WikiHausa

Tag: yadda ake

  • Yadda Ake Onion Sauce

    Yadda Ake Onion Sauce

    Abubuwan haɗawa

    1. Albasa
    2. Koren tattasai
    3. Taruhu
    4. Tattasai
    5. Kayan ƙamshi
    6. Maggi
    7. Kwakwamba (cucumber)
    8. Butter ko man gyaɗa

    Yadda ake haɗawa

    1. Ki ɗauko albasa ki gyara, ki yanka ta ƙanana, sai ki wanke ki tsane shi a matsami. A ajiye a gefe, a ɗauko koren tattasai ki yanka, shi ma ajiye a gefe. A ɗauko taruhu, ki yanka ƙanana, a ajiye a gefe.
    1. Ki ɗaura non stick pan a kan wuta, ki sa butter, ki yanka albasarki, ki soya sama-sama; Sai ki ɗauko taruhu, ki sa ki soya sama-sama shi ma, sai ki ɗauko kayan ƙamshi ki sa, maggi (iya ɗanɗanon da zai miki). Sai ki ɗauko yankakken albasa (dama kin yanka ta da ɗan dama) ki sa.
    1. A nan, sai ki sa ruwan ɗumi kamar cokali 4 (tbsp) ki rufe na ɗan wani lokaci, har sai ruwan ya ragu.

    Sannan ki ɗauko koren tattasai da cucumber ki sa ki rufe, na ɗan wani lokaci har sai ruwan ya shanye sai ki sauke ki zuba a plate.

    Ku karanta Yadda Ake Vegetable Macaroni

  • Yadda Ake Coconut Cupcakes

    Yadda Ake Coconut Cupcakes

    Abubuwan haɗawa

    1. Fulawa kofi huɗu (4 cups)
    2. Kwai 15 (ya danganta da irin girmansu)
    3. Butter 2 (simas leda 2)
    4. Baking powder ƙaramin cokali huɗu (4tsp)
    5. Filebo ƙaramin cokali uku
    6. kwakwa (na yi amfani da na kwali ɗan ƙanti)
    7. Suga kofi biyu (ko kofi biyu da rabi)

    Yadda ake haɗawa

    1. Da farko, ki tankaɗe fulawarki tare da baking powder, sai ki ajiye a gefe.

    2. Ki sami mixer machine, ki sa butterki a cikin wannan kwanon mixer, (ko ki sami wani kwano daban, idan da hand mixer za ki yi).

    3. Ki yi ta motsa shi na ɗan wani lokaci.

    4. Sannan ki kawo suga ki sa a ciki, ki yi ta motsa shi har sai suganki ya narke a ciki (ba kya jin gudajin sugar a cikin butter).

    5. Sai kuma ki ɗauko ƙwai ki fasa, ki yi ta motsa shi (Ƙwan ana so ana sa shi ne ɗaya bayan ɗaya, kuma ana motsa shi bayan kowane sa ƙwai da aka yi) har ki gama da ƙwanki.

    6. Sai ki ɗauko vanilla filebo ki sa ki motsa.

    7. Ki ɗauko fulawarki da kika tankaɗe tare da baking powder (za ki iya raba filawar gida shida) ki rinƙa zubawa a hankali a cikin wannan haɗin butter, har ki gama da flour kina motsa shi.

    8. Bayan kin gama zuba filawarki, sai ki ɗauko bushasshen kwakwa, ki zuba ciki ki motsa. Sai ki ɗauko abin gashin (nakan sa takardar gashi a cikin abin gashin kafin na zuba kwallin cake nawa).

    9. Ki zuba haɗin kwalli ki a cikin kowace takardar gashi (ba a so a cika shi don kar ya zube a lokacin gashi. Sannan ki sa su rabi-rabi ko ya ɗan fi rabi da kaɗan don ya yi gashi mai kyau).

    10. Sai ki sa a cikin magasa (preheated oven) ki gasa, har sai ya gasu. (ko idan kin sa tsinke ya fito ba tare da komai a jikin sa ba) sai ki cire ki bari yasha iska.

    A ci daɗi lafiya.

    Ku karanta Yadda Ake Haɗa Sinasir

  • Yadda Ake Haɗa Sinasir

    Yadda Ake Haɗa Sinasir

    Abubuwan da ake buƙata

    1. Farar shinkafa
    2. Tuwo/dafaffiyar shinkafa
    3. Yeast
    4. Sugar

    Yadda ake haɗawa

    1. Za ki gyara, ki jiƙa shinkafa kamar na awa ɗaya haka.

    2. Sai ki kawo tuwon ko shinkafa daffafiya ki zuba ciki, ki sa yeast ki niƙa (amfi son niƙan gida).

    3. Sai ki ƙara yeast rabin cokali.

    4. Kar ya yi ruwa kar kuma ya yi kauri sosai.

    5. Ki rufe ki ajiye wuri mai ɗumi.

    6. Bayan mintuna talatin (30 minutes) zai tashi ya dawo kamar kumfa, sai ki dora nonstick frying pan a wuta ki shafa mai, ki rinƙa zuba ƙullun, ki na rufewa.

    7. Da ya dahu za ki ga ya yi holes (ramuka), haka za ki yi har ki gama.

    Ku karanta Yadda ake ƙosai mai laushi

  • Yadda Ake Vegetable Macaroni

    Yadda Ake Vegetable Macaroni

    Abubuwan haɗawa

    • Tafasasshe macaroni (macaroni ya danganta da irin shape da kike so)
    • Kabeji
    • Koren tattasai
    • Tattasai
    • Attaruhu
    • Karas
    • Albasa
    • Lawashi
    • Kayan ɗanɗano
    • Gishiri kaɗan
    • Man gyaɗa ko butter
    • Soyayyen nama ko Kaza ko kifi

    Yadda ake haɗawa

    1. Da farko ki gyara kabejinki, ki yanka, ki wanke da ruwan vinager ko ki sa gishiri wajen wankewar, sai ki tsane a matsami. Ki ɗauko karas ki cire dattin, ki goga a abun goge kubewa.
    1. Ki jajjaga attaruhu, sannan ki yanka albasa. Ki ɗauko Koren tattasai, jan tattasai da lawashi wankakke, sai ki yanka su sai ki ajiye a gefe.
    1. A ɗaura tukunyarki a kan wuta, ki sa butter ki yanka albasarki, ki soya sama-sama. Sai ki kawo taruhu ki sa, ki soya sama-sama shi ma, ki kawo kayan ƙamshi, gishiri da maggi. Ki sa daidai ɗanɗano da zai miki, sai ki sa ruwa kaɗan a ciki (daidai wanda zai karasa dafa miki macaroninki).

    Ki rufe tukunya na ɗan wani lokaci, har sai ruwan ya fara tafasa, sai ki ɗauko tafasasshe macaroni, ki sa ki juya sai ki rufe na ɗan wani lokaci, har sai ruwan ya ɗan shanye.

    1. Sai ki ɗauko kabejinki da carrot naki, ki sa a ciki ki juya. Ki rage wuta ki rufe tukunyarki na ɗan wani lokacin kaɗan (ya turara) sai ki ɗauko koren, jan tattasai da lawashi ki sa ki juya sai ki sauke.

    Ki sa a plate ki ɗaura soyayyen namanki ko na kaza a kai.

    Ku karanta Yadda Ake Dashishi

  • Yadda Ake Zoɓo A Cikin Sauƙi Sabon Salo

    Yadda Ake Zoɓo A Cikin Sauƙi Sabon Salo

    Abubuwan da ake buƙata

    1. Zoɓo

    2. Kanunfari

    3. kimba

    4. Masoro

    5. Lemon grass

    6. Sugar

    7. Ruwa

    Yadda ake haɗawa

    1. Da farko za ki wanke zoɓonki ki sa a tukunya, ki sa ruwa, kanunfari, kimba, masoro, lemon grass ki rufe ki bari ya tafasa sosai sai ki sauke ya huce.

    2. Sai ki tace ki sa sikari. Ki sa a firji in ya yi sanyi sai a sha.

    Domin karanta Yadda Ake Lemon Abarba A Sauƙaƙe danna nan.

  • Yadda Ake Ƙosai Mai Laushi

    Yadda Ake Ƙosai Mai Laushi

    Abubuwan da ake buƙata

    1. Wake
    2. Albasa
    3. Tattasai
    4. Attarugu
    5. Gishiri
    6. Kayan ɗanɗano
    7. Ƙwai
    8. Ruwa

    Yadda ake haɗawa

    1. Ki wanke wake, ki gyara ki sa albasa, attaruhu da tattasai ba da yawa ba, sai a kai miki niƙa. Ki ce kar su cika miki ruwa.

    2. Bayan an kawo niƙan, ki sa gishiri kaɗan da maggi (in kika sa maggi da yawa ƙullunki zai yi baƙi; kar maggin su wuce biyu in ƙullun naki daidai misali ne).

    3. Sai ki sa ruwa kaɗan, in ƙullun yana da kauri.

    4. Ki fasa ƙwai, ki buga ƙullun ki sosai, za ki ga ƙullin yana canza color into a lighter one. Samun niƙa mai kyau da kuma bugu shi ne zai sa kosai ya yi kyau.

    5. Ƙwai kuma na ƙara masa laushi kuma, in kina soyawa za ki ga yana tashi mai kyau.

    6. Idan man ki ya yi zafi, sai ki soya. Saboda idan man bai yi zafi ba, ƙullun zai warwashe a ciki.

    Ku karanta Yadda Ake Yin Crepes Da Vegetable

  • Yadda Ake Lemon Abarba A Sauƙaƙe

    Yadda Ake Lemon Abarba A Sauƙaƙe

    Abubuwan da ake buƙata

    1. Abarba
    2. Ruwan sanyi
    3. Sikari
    4. Na’ana
    5. Ɗanyar citta
    6. Ruwan lemon tsami

    Yadda ake haɗawa

    1. Da farko za ki ɓare abarba, ki yanka ta ƙanana, ki sa a blender, ki sa ruwan sanyi, sikari, ɗanyar citta ki niƙa su, ki tace.

    2. Sai ki samu serving glass, ki dan daka na’ana, ki zuba pineapple juice da ruwan lemon tsami kaɗan ki juya. A sha lafia.

    Karin bayani

    Ba lallai sai da ruwan sanyi za ki yi ba, za ki iya amfani da ƙanƙara ko kuma bayan kin tace ki sa a firji ya yi sanyi.

    In ba ki da na’ana za ki iya yin sa haka, haka shi ma lemon tsami. Wannan shi ne yadda ake haɗa lemon abarba a sauƙaƙe.

    Domin karanta Yadda Ake Kunun Kwakwa Ga Masu Ciwon Siga danna nan.

  • Yadda Ake Kunun Alkama A Sauƙake

    Yadda Ake Kunun Alkama A Sauƙake

    Barkan mu da sake kasance a fannin girke-girkenmu na WikiHausa, za mu koyi yadda ake kunun alkama.

    Kunun alkama dai yana da ruƙon ciki kuma yana da lafiya a jiki musamman a gurin masu ciwon siga, amma sai dai kada su yi amfani da suga wajen shan kunun.

    Abubuwan Da Ake Buƙata

    1. Alkama
    2. Gyaɗa
    3. Sugar
    4. Citta
    5. Cardamon
    6. Ruwa
    7. Fulawa
    8. Nono ko tsamiya

    Yadda Ake Haɗawa

    1. Ki gyara alkama ki wanke, ki sa ruwa a tukunya ki zuba alkama, cardamom, citta busasshe, ki bari ya tafasa; alkamar ki ya yi rabin nunar sa.
    2. Ki samu roba ki sa niƙaƙƙen gyaɗa da ruwa ki dama sai ki tace. Bayan alkama ta yi rabin dahuwarta ki sa tatacciyar gyaɗar, ki sa sugar yadda kike so. Ki bari alkaman ta nuna yadda ki ke so.
    3. Sai ki dama flour ki kaɗan a wani ƙaramin bowl, ki zuba a kan kunun, ki gauraya. Ki sauke bayan minti huɗu ko biyar.
    4. Sannan ki nemi rariya ki tace nono ko tsamiya sai ki zuba. Wasu a kan wuta suke zubawa wasu kuma sai bayan sun sauke, duk wadda kike so duk ɗaya ne.

    Ƙarin bayani

    Za ki iya saka kimba ko kanunfari a ciki, yana sa kunu ya ƙara ƙamshi sosai.

    Domin karanta cikakken bayani akan Yadda Ake Shinkafa Da Miyar Attaruhu danna nan.

  • Menene Cutar Suga (Diabetes)?

    Menene Cutar Suga (Diabetes)?

    Jikin ɗan Adam na buƙatar wani irin nau’in sinadarin suga (glucose) da ke cikin jini domin aiwatar da wasu daga cikin manya-manyan ayyukan da suka shafi lafiyar jikin.

    Suga (glucose) na bayar da kuzari (energy) ga jikin ɗan Adam wanda ake buƙata wajen narkar da abinci da kuma rayuwar ƙananan halittun da suka tattaru (yawa) suka yi ginin jikin ɗan Adam ko halittarsa tamkar bululluka [tubali] (cells).
    Wannan sugan ‘glucose’ shi ne makamashin da ke ba wa jikin ɗan Adam kuzari domin rayuwa. Kuma ana samun sa ne daga abincin da muke ci, wato nau’in abinci mai samar da kuzari (carbohydrate), kamar irinsu gero, dawa, masara ,shinkafa da sauransu. kwakwalwa (brain), ko hanyoyin sadarwar ƙwaƙwalwa a jiki (nerves) da kuma wasu jajayen halittun jini ( developing red blood cells) , duk kaninsu suna amfani da wannan makamashi (glucose) domin samun rayuwa.
    Ciwon-suga (diabetes) cuta ce wadda suga (glucose) da ke cikin jini yake haurawa sama wato suga ya yi yawa a cikin jini. Yawansa na da illa ga lafiya. Dalilin yawansa na faruwa ne sabili da jikin mutum ba ya samar da da wani sinadarin kemical mai suna ‘insulin’
    ( type 1 diabetes) , ko jikin ne ba ya amfani da ‘insulin’ yadda ake so, ko kuma ma jikin ba ya samar da ‘insulin’ da kyau [wato isasshe]
    ( type 2 diabetes). Idan har babu ‘insulin’ to fa sugan ‘glucose’ zai cigaba da taruwa da yawa cikin jini har ya yi illa ga lafiya.
    Sinadarin ‘insulin’ (a hormone), wata tsoka ce a jikin ɗan Adam take samar da shi (pancreas).
    Amfanin sinadarin ‘insulin’ shi ne ɗaukar sugan ‘glucose’ da ke cikin jinin zuwa cikin ƙananan halittun da suka gina jikin ɗan Adam (cells) domin samun kuzari gare su da cigaban rayuwa.
    Idan babu ‘insulin’ ko ba ya aiki yanda ake buƙata to suga fa zai cigaba da taruwa cikin jini ya yi yawa har ya haddasa munanan matsaloli ga lafiya. Sugan zai iya yin illa ga idanu, ƙoda, wasu jijiyoyin jini da kuma wayoyi/hanyoyin sadarwar ƙwaƙwalwa a jiki.
    Ciwon-suga zai iya haddasa cutar zuciya, mutuwar sashen jiki koma ya jaza yanke ƙafar marar-lafiyar. Idan ciwon ya yi ƙarami zai iya haddasa matsalar ƙashi da gaɓoɓi, matsalar fata, matsalar narkewar abinci, rashin ƙarfin mazakuta, matsalar haƙora da dasashi.
    ‘Type 2 diabetes’ ,wato nau’in ciwon-suga na 2 da muka yi bayani (wanda jiki ba ya amfani da ‘insulin’ yadda ya dace) shi ne nau’in ciwon-suga da ya fi yawa ga mutane da dama fiye da nau’in ciwon-suga na 1: ‘type 1 diabetes’ (wanda mu kace jiki ba ya samar da da sinadarin ‘insulin’).

    Alamomin Ciwon Alamomin Ciwon-suga Nau’i na (type 1 diabetes symptoms):
    • Yawan jin ƙishirwa sosai
    • Yawan yin fitsari
    • Yawan jin yunwa ko gajiya
    • Raguwar nauyin mutum ba tare da mutum ya yi ƙoƙarin rage nauyin ba
    • Daɗewar ciwo/gwambo bai warke ba/warkewa a hankali
    • Rashin gani da kyau. Awon jini zai iya nuna idan akwai ciwon ko saɓanin haka.

    Idan akwai irin nau’in ciwon , toh mutum zai cigaba da amfani da sinadarin ‘insulin’ da aka samar a asibiti, za a ba shi sinadarin a asibiti akan ƙa’ida da umarnin ƙwararren likita. An fi yawan samun ƙananan yara da matasa da irin wannan nau’in ciwon-suga (Juvenile diabetes/Insulin-dependent diabetes) duk da dai cewa zai iya shafar mutane a kowane shekarun su na rayuwa.

    Alamomin Ciwon-suga Nau’i na 2 (type 2 diabetes symptoms):
    • Yawan jin ƙishirwa sosai
    • Yawan yin fitsari
    • Yawan jin yunwa ko gajiya
    • Raguwar nauyin mutum ba tare da mutum yayi kokarin rage nauyin ba
    • Bushewar fata, ƙaiƙayin fata
    • Mutum ya ji kamar ba ƙafarsa ba ko jin tsira a ƙafafu

    Yin awon jini a asibiti ko wata ingantacciyar cibiyar lafiya zai iya nuna maka ko kana da ciwon suga ko kuma akasin haka. Motsa-jiki (exercise), rage nauyin jiki yanda ya dace da koyarwar kiwon lafiya, da kuma kula da tsarin cin abinci da ya dace da ciwon lafiya, ko shakka babu , za su taimaka sosai wajen shawo matsalolin lafiya na ciwon-suga.

    Cututtukan saifa, magunguna, kemikals, kamuwa da wasu cututtukan da gado daga mahaifan mutum na daga cikin dalilin da ake alaƙantawa da suke haddasa ciwon-suga. Allah ya ba mu lafiya AMEEN.

    Danna nan don karanta Sinadarin Ka-Fi Suga

    Edita; Rumasa’u M. Kallamu

  • Yadda Ake Buɗe Transfer A Layin MTN Cikin Sauƙi.

    Yadda Ake Buɗe Transfer A Layin MTN Cikin Sauƙi.

    Bayani kan yadda za a iya buɗe transfer a layin MTN, a kan waya cikin sakan biyar (5).

    Mafi yawan masu amfani da layin sadarwa na MTN kan sha wuya, ko ɓata lokaci wajen neman yadda za su tura kuɗi ta kan layinsu ya zuwa wani layin na MTN. Waɗansu kan yi tattaki har cikin kamfanin MTN domin a yi musu register kafin su fara tura kuɗi.

    Hanya ta farko, kuma mafi sauƙi wajen bude transfer a layin MTN, shi ne ta hanyar amfani da USSD code (*123#).

    Hanya ta biyu, ita ce hanyar tura sako ya zuwa kamfanin MTN, sannan su bude maka nan take.

    Yadda ake buɗewa (Register)
    Da farko a tabbatar wani bai taba bude transfer da layin ba. Sannan numbobin da za a saka wajen buɗewa, su zama na sirri ne, ba tare da an sanar da wani ba.

    Da farko za a dannan star 600*1234* sannan a zabi numbobi guda hudu, wanda sune ake amfani dasu a ƙarshe wajen tura kuɗi, sai a ƙara danna star (*), sannan a ƙara saka numbobi huɗun da aka zaɓa, sannan a danna hash (#), sai a danna madannin kira. Misali;
    *600*1234*5555*5555#

    Bayan an tura, idan ya nuna;

    “Your PIN have been changed succesfully”

    Register tayi.

    Hanya ta biyu, ta amfani da sakon SMS.
    Za’a shiga akwatin tura sako, sai a rubuta
    1234 sannan a bada tazara (space) sannan a saka numbobi huɗu da ake so misali 5555, sannan a sake bayar da tazara, sannan a tura zuwa ga 777, misali;
    “1234 5555 5555”
    Ba tare da ɓata lokaci ba, za a aiko da sakon cewar registar da aka yi tayi.

    Yadda ake tura kudi.
    Bayan kammala registar, idan za a tura kudi, sai a dannan star(*) (600) sannan star (), sai a saka number wanda ake son turawa kuɗin, sai a ƙara danna (), sai a saka adadin yawan kuɗin da za a tura, wanda yake farawa daga kan #50 zuwa #5000, sannan (), sai kuma numbobi huɗu da aka zaba wajen bude transfer, sai alamar (#) sannan a dannan kira. Bayan gama loading idan ya yi za a nuna

    “Thank you for using share n sale”

    Sannan sako ya shigo wayar na alert, wanda zai tabbatar da transfer ya yi.