WikiHausa

Tag: wikihausa

  • Yadda Ake Donut

    Yadda Ake Donut

    Barkan mu da sake kasancewa a cikin shirinmu na GIRKE-GIRKEN WikiHausa wanda muke koyar da ƙayatattun abincinmu na gida Najeriya da kuma na ƙetare, tare da bayani a kan lafiyarsu cikin harshen Hausa a saukake tare da ni Hafsat Shettimah.

    A yau zamu koyar da yadda ake yin donut na gyaɗa. Ku biyo ni a sannu domin mu koya tare……

    Ko kun san kwaɓin biredi da doughnut iri ɗaya ne?

    1. Idan dough ɗin ya tashi, sai a sami chopping board da rolling pin; ana gutsurar wannan dough ɗin ana sake murza shi sai a saka donut cutter a yanka.
    2. A ɗora mai a wuta, idan ya yi zafi, a saka wannan donut ɗin; idan ya yi golden brown sai a juya ɗaya ɓarin.
    3. Idan dukkannin ɓarin sun soyu, a kwashe a matsami, za a iya sha da lemo ko shayi.

    Domin sanin Yadda Ake Biredin Gyaɗa danna nan

  • Yadda Ake Biredin Gyaɗa (Groundnut Bread)

    Yadda Ake Biredin Gyaɗa (Groundnut Bread)

    Barkanmu da sake kasancewa acikin shirinmu na Girke-Girken WikiHausa wanda muke koyarda ƙayatattun abinci namu na gida Najeriya da kuma na ƙetare, tareda bayani akan lafiyarsu cikin harshen hausa a saukake tare dani Hafsat Shettimah.

    A yau zamu koyar da yadda ake yin Biredin Gyaɗa (Groundnut Bread); ku biyoni a sannu domin mu koya tare……

    Ko kun san Gyada na ɗauke da sinadarin protein wanda ke taimako wurin gina jikin mu.

    Abubuwan Da Ake Buƙata

    1. Fulawa kofi 3
    2. Bota ¼ kofi
    3. Fulawar gyaɗa (Groundnut flour) kofi ɗaya
    4. Yis (Yeast) ƙaramin cokali 1
    5. Bakin hoda I (Baking powder)1 rabin ƙaramin cokali
    6. Ƙwai guda 1
    7. ½ rabin kofin siga
    8. ½ rabin ƙaramin cokali na gishiri

    Yadda Ake Haɗawa

    1. A zuba ruwa a kofi, sai a zuba yeast da sugar a juya abarshi kamar minti 3-4.
    2. A haɗa sauran kayan haɗi (flour, butter, ƙwai, fulawar gyaɗa, gishiri). Kar a manta a chakuɗa sosai.
    3. A zuba ruwan yis sai a ɗan ƙara ruwan ɗumi a cakuɗa har sai ya haɗe jikinshi. Note:- ya ɗan fi kwaɓin cincin amma karya kai na fanke tsaka-tsaki.
    4. A sami film ko tsumma mai kyau a rufe a kai shi rana ya tashi sai ayi punching tsakiyar iska ya fita sai abarshi ya ƙara tashina minti uku zuwa huɗu.
    5. A yayyanka a sakashi a cikin gwangwanin gashi da aka shafa bota da flour. A ƙara barin shi ya tashi.

    A saka biredin cikin abun gashi sai yayi golden colour. Temperature 1800c.

    Domin sanin yadda ake kek ɗin gyada danna nan

  • Yadda Ake Kek Ɗin Gyada (Groundnut Cake)

    Yadda Ake Kek Ɗin Gyada (Groundnut Cake)

    Barkan mu da sake kasancewa a cikin shirinmu na GIRKE-GIRKEN WikiHausa wanda muke koyar da ƙayatattun abincinmu na gida Nijeriya da kuma na ƙetare, tare da bayani a kan lafiyarsu cikin harshen Hausa a sauƙaƙe, tare da ni Hafsat Shettimah. A yau za mu koyar da yadda ake kek ɗin gyaɗa (Groundnut Cake). Ku biyo ni a sannu domin mu koya tare……

    Ko kun san gyaɗa tana ɗauke da sinadarai irin su vitamin E, zinc da kuma magnesium wanda yake taimako wajen gyara fata.

    Abubuwan Da Ake Buƙata

    1. Soyayyar gyada.
    2. Fulawa kofi ɗaya
    3. Fulawar gyada ¼ cup
    4. Siga ½ kofi
    5. Bota ¼ kofi
    6. ƙwai 4
    7. Flavour 1 teaspoon
    8. Baƙin hoda (Baking powder) 1 teaspoon
    9. Madara ½ kofi.

    Yadda Ake Haɗawa

    1. A buga bota da siga da kyau, har sai aukin botar ya ninku.
    2. Sai a zuba filabo (flavour), ƙwai da madara, a sake buga su sosai.
    3. Sannnan a zuba flour da baking powder, sai a buga shi kamar na minti uku zuwa huɗu sai a zuba marmashasshiyar gyaɗa a juya.
    4. A shafa wa gwangwanin cake bota, sai a barbaɗa fulawa.
    5. A zuba kwaɓin cake a cikin gwangwanin, sai a ɗauko crushed gyaɗa a barbaɗa a saman kwaɓin
    6. A saka cake a cikin abin gashi kamar na minti 15 ko idan an zura tsinke ya fito babu ƙullin kek a jiki.

    Domin sanin Yadda Ake Kunun Gyaɗa danna nan

  • Yadda Ake Kunun Gyaɗa Mai Gasara

    Yadda Ake Kunun Gyaɗa Mai Gasara

    Barkan mu da sake kasancewa a cikin shirinmu na GIRKE-GIRKEN WikiHausa wanda muke koyar da ƙayatattun abincinmu na gida NIjeriya da kuma na ƙetare, tare da bayani a kan lafiyarsu cikin harshen Hausa a sauƙaƙe, tare da ni Hafsat Shettimah. A yau za mu koyar da yadda ake Kunun Gyaɗa Mai Gasara. Ku biyo ni a sannu domin mu koya tare……

    Abubuwan buƙata

    1. Gasarar gyaɗa (groundnut butter)
    2. Gero
    3. Citta [optional]

    Yadda ake haɗawa

    1. A jiƙa gero da daddare zuwa safe, sai a saka citta a kai markaɗe, in an dawo a tace, a fitar da dusa.
    2. A ɗebo gasarar gyaɗa sai a zuba wadataccen ruwan da zai dama kunu. A juya da kyau a sa rariya a tace a cikin tukunya mai zurfi a ɗora a kan wuta.
    3. Idan gasarar gyaɗar ya tausa sai ajuye a cikin gasarar gero a juya. Sai a zuba lemon tsami, ko tsamiya ko ɗan tsami
    Domin sanin yadda ake kunun gyada danna nan
  • Yadda Ake Kunun Gyaɗa

    Yadda Ake Kunun Gyaɗa

    Barkan mu da sake kasancewa a cikin shirinmu na GIRKE-GIRKEN WikiHausa wanda muke koyar da ƙayatattun abincinmu na gida Nijeriya da kuma na ƙetare, tare da bayani a kan lafiyarsu cikin harshen Hausa a saukake tare da ni Hafsat Shettimah. A yau za mu koyar da yadda ake yin  kunun gyaɗa. Ku biyo ni a sannu domin mu koya tare……

    Ko kun san kunun gyaɗa mai shinkafa na bayar da kuzari wanda carbohydrate ke badawa? Sannan gyaɗa na ba anadario vitamin B3 (niacin) wanda ke taimakon breaking down carbohydrates into energy.

    Abubuwan Buƙata

    1. Gyaɗa (kofi ɗaya ) (a soyata sannan a bakace)
    2. Shinkafa [kofi ɗaya]
    3. Citta [optional]
    4. Lemon tsami [to taste] [har sai ya ji]

    Yadda Ake Haɗawa

    1. A zuba gyaɗa cikin tukunya mai dan zurfi, sai a soya ta sama-sama,  sai a juye a bakace ta, a fitar da fatar tas.
    2. Sannan cikin bokiti ko roba mai zurfi, a zuba shinkafa da gyaɗa, citta in ana buƙata sai a kai markaɗe.
    3. Idan an markaɗo sai a saka abin tata a tace.
    4. Sai cikin tukunyar mai zurfi sai a zuba gasarar kunun a yi ta juyawa har sai ya yi ƙauri.
    Sai a zuba lemon tsami a taɓa a ji, in tsamin ya yi ko bai yi ba. A yi a hankali wurin zuba lemon tsamin, kar ya yi yawa. Kuma kar ya yi kaɗan saboda in ya yi kaɗan kunun zai iya tsinkewa
    Domin sanin Yadda Ake Abincin Yara danna nan
  • Yadda Ake Therapeutic Food (Abincin Yara)

    Yadda Ake Therapeutic Food (Abincin Yara)

    Barkanmu da sake kasancewa acikin shirinmu na GIRKE GIRKEN WikiHausa wanda muke koyarda ƙayatattun abinci namu na gida Najeriya da kuma na ƙetare, tareda bayani akan lafiyarsu cikin harshen hausa a saukake tare dani Hafsat Shettimah.

    A yau zamu koyar da yadda ake Abinci yara (therapeutic food); ku biyoni a sannu domin mu koya tare……

    Ko kun san:- Yara masu cutar yunwa (tamowa) idan ana basu wannan zai kara musu kuzari da kumara a jiki.

    Abubuwan Buƙata

    1. Gyaɗa (kofi biyu)
    2. Waken suya (kofi biyu)
    3. Dawa (kofi shida)
    4. Siga
    5. Madara (in ana buƙata).

    Yadda Ake Haɗawa

    1. A soya Gyaɗa a busheta sannan a niƙa
    2. A soya Waken (Soya Beans) shima a niƙa
    3. Dawa itama a soyata sannan a niƙa
    4. Cikin roba mai kyau a haɗa dukkanin garin (Wake Soya, Dawa da kuma Gyaɗa) a juya da kyau sai a sami leda mai kyau a juye a cikin sannan a saka a roba mai murfi a rufe. Duk sanda za’ayi sai a ɗiba.

    Yadda ake haɗa kunun

    • A ɗora tukunya mai zurfi sannan azuba ruwan zafi kaɗan yadda zai isa (kamar talge).
    • A ɗan kofi ko roba a ɗebi garin kunun yara sai azuba ruwa a cikin ɗan kaɗan a dama.
    • Idan ruwan ya tausa sai azuba wannan gasarar kunun a cikin ruwan ayita juyawa har sai yayi kauri
    • Za’a iya saka madara domin ƙarin daɗi kuma za’a iya sha a haka.

    Domin sanin Yadda Ake Gasarar Gyaɗa (Peanut Butter) danna koren rubutun nan.

  • Yadda Ake Shinkafa ‘Yar Senegal

    Yadda Ake Shinkafa ‘Yar Senegal

    A yau za mu koyi yadda ake shinkafa ‘yar Senegal. Shinkafa ‘yar Senegal na da matuƙar daɗi.

    Abubuwan Da Ake Buƙata

    • Shinkafa
    • Karas
    • Koren wake
    • Tattasai
    • Attaruhu
    • Albasa
    • Niƙaƙƙen nama
    • Magi
    • Kori
    • Garin tafarnuwa da citta

    Yadda Ake Haɗawa

    1. A ɗora tukunya da ruwa a cikinta, har sai ya tafasa, sannan a ɗauko shinkafa ’yar wara a wanke a zuba a ciki.
    2. Idan ta ɗan tafasa kamar na minti 10 zuwa 15, sai a sauke a wanke da ruwa a tsame ta a matsami ruwan ya tsane.
    3. Sannan a samu ɗanyen nama a niƙa shi. Naman ya kasance da ɗan yawa.
    4. A sake ɗora wata tukunyar a wuta sannan a zuba man gyaɗa a yayyanka albasa a zuba ta soyu sosai.
    5. Sannan sai a zuba niƙaƙƙen naman a ciki, a ci gaba da soya shi, sannan a ɗauko garin citta da tafarnuwa da magi da kori sai a ci gaba da gaurayawa.
    6. Sannan a zuba su karas da koren tattasai da attarugu da shinkafar sannan sai a gauraya sai a rage wuta a rufe tukunyar da marufi na tsawon minti 20 sannan a sauke.
    7. A samu salad a yayyanka a dafa ƙwai a zuba “cream” sannan a ɗora a ci, ita da jus ɗin lemo.

    Domin sanin yadda ake sharbar dankali danna nan

  • Yadda Ake Sharɓar Dankali

    Yadda Ake Sharɓar Dankali

    A yau za mu koyi yadda ake Sharɓar Dankali

    Abubuwan Da Ake Buƙata

    • Kayan ciki
    • Dankalin Turawa
    • Kayan ƙamshi
    • Sinadarin ɗanɗano
    • Kayan miya
    • Ganyen fasali

    Yadda Ake Haɗawa

    1. A samu kayan ciki na rago ko tunkiya, sai a wanke shi tas.
    2. A fitar da duk dauɗar da ke maƙalewa, sai a yanka su ƙanana, sannan a ɗora a wuta.
    3. Sai a zuba kayan kamshi da sinadarin ɗanɗano da gishiri a zuba albasa da tafarnuwa mai yawa.
    4. Sai ki bar shi ya dahu, Sannan a fere dankali a yanka shi ƙanana a kwance.
    5. Idan an tabbatar kayan cikin sun dahu, sai a ɗauko jajjagen kayan miya a zuba a ciki, tare da man girki.
    6. Idan ya yi kamar minti biyar, sai a zuba dankalin nan da aka yanka a ciki.
    7. Sai ki zuba sinadarin dandano a ciki ki juya, a bar shi ya dahu. Amma fa shi wannan girkin ruwa-ruwa ake cin sa.
    8. Don haka, idan ana dahuwar za a tafasa ruwa, a ajiye a gefe ko akwai buƙatar ƙarawa. Idan ya dahu sai a sauke, a ci shi da ruwa-ruwa.

    Domin sanin Yadda Ake Plantain Pie danna nan

  • Yadda Ake Plantain Pie

    Yadda Ake Plantain Pie

    A yau za mu koyi yadda ake Plantain Pie. Plantain Pie abinci ne da ake yinsa daga plaintain, yana da matukar amfani a jiki.

    Abubuwan Da Ake Buƙata

    • Ayaba
    • Ƙwai
    • Magi
    • Tafarnuwa
    • Citta
    • Kori
    • Attarugu
    • Koren tattasai
    • Albasa
    • Takardar foil

    Yadda Ake Haɗawa

    1. A ɓare ayaba, sannan a silala shi kamar yadda ake yin dambun tsaki.
    2. Bayan ya nuna, sai a saka a kwano a ɗaɗɗana ta da ludayi.
    3. A yayyanka albasa da ɗanyen tafarnuwa da citta ƙanana, sannan a daura man gyaɗa a wuta. Idan ya yi zafi, sai a zuba albasa da yankakkiyar tafarnuwa da citta a gauraya su.
    4. Sannan a zuba yankakken tattasai da da yankakken karas, a yi ta soya su, sai a zuba magi da kori, sannan a ɗauko ƙwai kamar huɗu ko biyar, a fasa a ciki, a yi ta gaurayawa har sai ya soyu sannan a kwashe a ajiye a gefe.
    5. Sai a wanke hannu a goge, sannan a shafa man gyaɗa a tafin hannu, sannan a mulmula ayabar.
    6. A shimfiɗe ta a kan takardan ‘foil’ sai a baza ta kamar yadda ake ‘meat pie’.
    7. Sannan a zuba wannan ƙwan a cikin ta sai a rufe ta da ɗayan gefen.
    8. A sami cokali mai yatsu a ɗaɗɗana bakin, sai a ɗaura man gyaɗa a wuta bayan ya yi zafi sai a riƙa jefawa, idan ya soyu sai a ajiye a gefe.
    9. Za a iya cin wannan girkin da shayi a matsayin abin buɗa baki ko karyawa da safe lokacin da ba na azumi ba.

    Domin sanin Yadda Ake Mashe danna nan.

  • Yadda Ake Mashe

    Yadda Ake Mashe

    A yau za mu koyi yadda ake mashe.

    Mashe abinci ne mai kama da masa, amma ya fi masar ƙanƙanta; sannan abubuwan da ake amfani da su wajen sarrafa shi daban yake da na masa, ko waina.

    An fi cin wannan irin abincin ne a Ƙasar Hausa, domin karyawa da safe. Sannan mafi yawanci, sun fi son cin sa da yajin ƙuli-ƙuli ko kuma yajin barkono.

    Abubuwan Da Ake Buƙata

    • Garin gero
    • Man gyaɗa
    • Magi
    • Yis
    • Fulawa
    • Gishiri
    • Ƙuli/yaji

    Yadda Ake Haɗawa

    1. A samu gero sannan a wanke a cire tsakuwa a busar, sannan a niƙa ba tare da an saka kayan ƙamshi ba, ko kayan yaji.
    2.  Bayan haka, sai a tankaɗe wannan garin, sannan a sa a roba, sai a samu garin fulawa a zuba a ciki, a gauraya su garayu sosai.
    3.  A ɗumama ruwa sannan a zuba yis a ciki idan ya ɗan tashi,
    4. Sai a zuba a cikin haɗin garin gero da fulawa.
    5. A samu ruwa ana zubawa ana kwaɓa haɗin har sai ya yi kauri kaɗan. Hadin ya kasance ba mai kauri sosai ba sannan a rufe a sanya a rana har sai kullun ya tashi.
    6. Sannan a ɗora tukunyar tuya a wuta, a zuba man gyaɗa da albasa su soyu. Sai a dauko ƙullun ana yankawa da ludayi ko cokali daidai girman da ake so ana soyawa kamar yadda ake tuyar fanke sannan a kwashe.
    7. A samu yajin ƙuli mai ɗauke da magi a ci da shi ko kuma yaji mai ɗauke da magi ana ɗangwalawa ana ci.

    Domin sanin Yadda Masar Dankali danna nan.