WikiHausa

Tag: abinsha

  • Yadda Ake Mashe

    Yadda Ake Mashe

    A yau za mu koyi yadda ake mashe.

    Mashe abinci ne mai kama da masa, amma ya fi masar ƙanƙanta; sannan abubuwan da ake amfani da su wajen sarrafa shi daban yake da na masa, ko waina.

    An fi cin wannan irin abincin ne a Ƙasar Hausa, domin karyawa da safe. Sannan mafi yawanci, sun fi son cin sa da yajin ƙuli-ƙuli ko kuma yajin barkono.

    Abubuwan Da Ake Buƙata

    • Garin gero
    • Man gyaɗa
    • Magi
    • Yis
    • Fulawa
    • Gishiri
    • Ƙuli/yaji

    Yadda Ake Haɗawa

    1. A samu gero sannan a wanke a cire tsakuwa a busar, sannan a niƙa ba tare da an saka kayan ƙamshi ba, ko kayan yaji.
    2.  Bayan haka, sai a tankaɗe wannan garin, sannan a sa a roba, sai a samu garin fulawa a zuba a ciki, a gauraya su garayu sosai.
    3.  A ɗumama ruwa sannan a zuba yis a ciki idan ya ɗan tashi,
    4. Sai a zuba a cikin haɗin garin gero da fulawa.
    5. A samu ruwa ana zubawa ana kwaɓa haɗin har sai ya yi kauri kaɗan. Hadin ya kasance ba mai kauri sosai ba sannan a rufe a sanya a rana har sai kullun ya tashi.
    6. Sannan a ɗora tukunyar tuya a wuta, a zuba man gyaɗa da albasa su soyu. Sai a dauko ƙullun ana yankawa da ludayi ko cokali daidai girman da ake so ana soyawa kamar yadda ake tuyar fanke sannan a kwashe.
    7. A samu yajin ƙuli mai ɗauke da magi a ci da shi ko kuma yaji mai ɗauke da magi ana ɗangwalawa ana ci.

    Domin sanin Yadda Masar Dankali danna nan.

  • Yadda Ake Lemon Ardeb

    Yadda Ake Lemon Ardeb

    A yau za mu koyi yadda ake lemon ardeb, da yawan mutane ba su san me ake kira ‘Ardeb’ ba.

    Wannan ardeb dai lemo ne kamar lemon tsamiya. Kuma yana da alaƙa da mutanen Maiduguri. A irin wannan yanayi da muka shiga, ana yawan haɗa wannan ‘ardeb’ din ko kuma jus din tsamiya, sannan a sanya shi, ya yi sanyi domin sanyaya zuciya a lokacin zafi.

    Abubuwan Da Ake Buƙata:

    • Tsamiya
    • Siga
    • Masoro
    • Kanamfari
    • Citta
    • Ruwa

    Yadda Ake Haɗawa

    1. A samu tsamiya a wanke tsaf, ya fita sannan a jiƙata ta jiku, sannan a daka kayan yaji; masoro da citta da kuma kanamfari.
    2. Sannan a ɗora tukunya a wuta, bayan ta yi zafi, sannan a zuba sukari, har sai ya narke, sannan a zuba ruwa.
    3. A ɗauko wannan jiƙaƙƙiyar tsamiyar a tace a zuba a cikin ruwan sukarin, sannan a tankade dakakken kayan yajin a zuba a gauraya sannan;
    4. Kuma sanya shi a gidan sanyi domin ɗanɗano ya fito sosai.
    5. Daya hadin kuma shi ne, a tafasa tsamiya tare da kayan yaji sannan a tace.
    6. A ɗora tukunya a wuta bayan tukunya ta yi zafi, sannan a zuba sukari ana gaurayawa, har sai sukarin ya narke sannan a zuba ruwa da wannan tsamiyar da aka tace. Haɗin ‘ardeb’ ya haɗu.

    Domin sanin Yadda Ake Tsiren Nama danna nan

  • Yadda Ake Miyar Zogale

    Yadda Ake Miyar Zogale

    A yau za mu koyi yadda ake miyar zogale.

    Zogale na ɗauke ne da sinadaran dake maganin cututtuka fiye da 100, kamar maganin ciwon gyambon ciki, (Ulcer), maganin hawan jini da ƙara wa mutum kuzari da dai abubuwa da dama.

    Za a iya cin wannan miyar da tuwon shinkafa ko na dawa ko masara da kuma na alkama.

    Abubuwan Da Ake Buƙata:

    • Busasshen zogale
    • Attaruhu
    • Nikakkiyar gyaɗa
    • Tumatir
    • Albasa
    • Wake
    • Magi
    • Garin tafarnuwa
    • Manja
    • Nama ko kifi (Idan da hali)

    Yadda Ake Haɗawa

    1. Da farko dai za a yanka albasa, sannan a jajjaga tumatir da attaruhu
    2. A dafa wake ya nuna sosai, sannan a ajiye a gefe. A silala nama da gishiri da albasa.
    3. Bayan haka, sai a ɗora tukunya a wuta sannan a zuba manja, kuma a soya albasa ta ɗan fara soyuwa.
    4. Sannan a zuba wannan jajjagen kayan miyar. A yi ta soyawa har sai ya soyu kamar yadda ake yi wa miyar dage-dage.
    5. Sannan a ɗauko wannan romon silalen nama da naman a zuba. Sai a ɗauko magi da garin tafarnuwa da kuma kori a zuba.
    6. Sai a rufe tukunyar, bayan ta tafasa sannan a zuba wannan waken a ciki a gauraya, har sai ya gaurayu.
    7. Sannan a ɗauko niƙaƙƙiyar gyaɗar nan a zuba ruwa a gauraya ya koma kamar za a yi kunu, sannan sai a zuba a gauraya. Bayan gyaɗar ta nuna, sai a ɗauko busasshen zogale ko ɗanyen zogale a zuba a gauraya sannan a rufe.
    8. Haka za a yi har sai zogalen ya nuna sannan a kwashe.”

    Domin sanin Yadda Ake Gas Meat danna nan.

  • Yadda Ake Yogofruit

    Yadda Ake Yogofruit

    A yau za mu koyi yadda ake haɗa yogofruit.

    Abubuwan Da Ake Buƙata

    • Yoghurt
    • Apple
    • Banana
    • Water lemon

    Yadda Ake Haɗawa

    1. Za a wanke fruits ɗin duka a gyara su.
    2. Sannan a yayyanka su ƙanana.
    3. Sai a zuba yoghurt wanda ba shi da tsami (Fresh) a cup, sai a zuba yankakkun fruits ɗin nan a ciki, a sa a fridge ya yi sanyi.

    Domin sanin Yadda Ake Haɗa Fondant danna nan.

  • Yadda Ake Haɗa Fondant

    Yadda Ake Haɗa Fondant

    A yau za mu koyi yadda ake fondant.

    Abubuwan Da Ake Buƙata:

    • Icing sugar
    • 1 tbsp Corn syrup
    • 1 tbsp Glucose
    • 2 tbsp Gelatine
    • 1 tbsp Glycerine
    • ruwa 4 zuwa 5 tbsp
    • 1 tbsp Cmc
    • Corn flour
    • 1 tbsp Flavour
    • gishiri
    • 1 tbsp Butter

    Yadda Ake Haɗawa

    1. A sami kwano ɗan ƙarami, sai a zuba gelatine kamar cokali biyu, a sa ruwa kamar cokali 4 haka a juya.
    2. Sai a juya shi, amma zai iya ɗan burtsatsai bai yi smooth ba.
    3. A zuba ruwa a tukunya, a ɗora a kan wuta, amma ruwan ba mai yawa ba, yadda idan an sa kwanon da aka zuba gelatine ɗin ba zai sha kansa ba.
    4. Sai a sa glucose a juya sosai, sanna sai a sauke, sai a zuba flavour, corn syrup, glycerine a juya sanna a ɗan sa gishiri da butter.
    5. Sai a ringa juyawa ana ƙarawa, ana juyawa kamar ana kwaɓin dough, a haka za a ga yana ƙwari har sai an ga ya daina kama hannu.
    6. Sanna idan ana yi a tabbatar ana yin shi a kan leda ko irin waje me kyau da tsafta kuma idan ana murzawa kada a yi da yatsu, tafin hannu za a yi amfani da leda mai yatsu.
    7. Idan yana kamawa za a iya barbaɗa corn flour a ƙasan wajen ko icing sugar.
    8. Za a ga idan ya yi sosai, zai daina kama hannu, zai zama dough sosai, sai a sami Leda a sa a ciki, yadda iska ba za ta shiga ba, ya daskare.
    9. Sai a yi kwalliyar da ake so idan wani kala ake so, za a iya sawa a murza shi.

    Domin sanin Yadda Ake Pizza danna koren ruutun nan.

  • Yadda Ake Fruit Salad

    Yadda Ake Fruit Salad

    A yau za mu koyi yadda ake fruit salad; Fruit salad abin sha ne, da yake ɗauke da nau’ika daban-daban na kayan marmari. Yana da matuƙar amfani a lafiyar jikin ɗan Adam, ga daɗi wurin sha.

    Abubuwan da ake buƙata

    1. Ayaba
    2. Lemo
    3. Abarba
    4. Mangoro
    5. Sugar

    Yadda ake haɗawa

    Za a tsaftace kayan lambu a saka su a tire, sai a samu roba mai ɗan girma, a sa ruwa a ciki.

    Sannan a ɗauko wuƙa a fere ko a yanka kankana ƙanana. Sannan a ɗauko lemo a ɓare shi da wuƙa, a wanke shi. Sai a yanka kowane sala ana cire yayansa, da shi za a yi amfani.

    Sai a ɗauko sauran kayan fruits din su ma, a yanka su ƙanana, in an gama, sai a sa sugar a sa a fridge ya yi sanyi. In kuma ana da ƙanƙara sai a sa.

    Domin sanin Yadda Ake Prawn Cracker danna nan

  • Yadda Ake Miyar Ƙoda

    Yadda Ake Miyar Ƙoda

    A yau za mu koyi yadda ake miyar ƙoda; Miyar ƙoda miya ce da ake iya cin shinkafa, taliya, da makamantansu. Ƙoda na da matuƙar amfani a jikin mutum.

    Abubuwan da ake buƙata

    • Ƙoda
    • Mai
    • Maggi
    • Gishiri
    • Curry
    • Attaruhu da tattasai
    • Albasa

    Yadda ake haɗawa

    1. A zuba mai a tukunya kaɗan a saka albasa.
    2. A wanke ƙodar a zuba, sai a ɗan bar ta, ta yi ‘yan mintuna ruwanta su fito, sai a zuba maggi, curry.
    3. Idan ya tafaso sai a zuba yankakken karas da aka gyara, a bar shi ya dahu sai a sauke.

    Domin sanin Yadda Ake Kunun Aya danna nan

  • Yadda Ake Kunun Aya

    Yadda Ake Kunun Aya

    Aya tana ƙara ƙarfin garkuwar jiki ga mai yawan amfani da ita. Aya tana inganta yanayin da mutum ke ciki, tana tsawaita ƙuruciya, tana ƙarfafa yanayin gudanar jini, sannan tana ƙara kuzari na zahiri.

    Haka kuma Aya tana da amfani ga sha’anin da ya shafi ciki da hanji, tana ɗauke da sinadarin dake hana cushewar ciki da kuma kumburi. Har ila yau, tana taimakawa wajen rage sinadarin kwalestaral mara kyau a cikin jini.

    Abubuwan da ake buƙata

    • Aya
    • Suga
    • Ɗanyar citta
    • Flavour
    • Kwakwa
    • Madarar ruwa
    • Dabino

    Yadda ake haɗawa

    1. A jiƙa aya ta jiƙu, a wanke ta, a saka kwakwa 1 da dabino kamar 7 ko 10, da citta ɗanya ko busasshiya, sai a niƙa.

    2. Sai a tace, a zuba madara a ciki, a sa suga da flavour a juya, a jefa ƙanƙara ko asa a fridge.

    Domin sanin Yadda Ake Spicy Meat danna nan

  • Yadda Ake Zoɓo Mai Cucumber

    Yadda Ake Zoɓo Mai Cucumber

    Zobo na ɗaya daga cikin abin sha wanda ke taimakawa wajen narkar da abinci, sauko da hawan jini musamman ma idan aka haɗa shi da cucumber.

    Kayan da ake buƙata

    • Zoɓo
    • Cucumber
    • Bakin flavour
    • Kanunfari
    • Citta
    • Kimba
    • Sugar

     Yadda ake haɗawa

    1. A wanke zoɓon, sai a zuba ruwa a ɗora a wuta
    2. A zuba su cittar a gurza cucumber a zuba a ciki sai sun dahu sosai
    3. Sai ki sauke a tace, a zuba flavour masu daɗi da daɗin ƙamshi, in an ji zaƙin ya yi, to ba  sai an zuba suga ba.
    4. In kuma akwai bukatar a zuba, sai a zuba, sai a juya sosai, sai a ɗan ƙara ruwa daidai yadda ake so,
    5. A saka ƙanƙara a frige, sai a samu kofi mai ƙayatarwa a zuba.

    A sha lafiya.

    Domin karanta Yadda Ake Haɗa Lemon Tsamiya danna koren rubutu

  • Yadda Ake Kunun Gyaɗa Mai Ayaba da Kwakwa

    Yadda Ake Kunun Gyaɗa Mai Ayaba da Kwakwa

    Abubuwan da ake buƙata domin haɗa ƙunun gyada mai Ayaba da Kwakwa ba su da yawa; kunun gyada mai ayaba da kwakwa yana da matuƙar daɗi sosai musamman a ce an kula da tsafta a lokacin da ake haɗa sa.

    Abubuwan Da Ake Buƙata:

    1. Kayan haɗi
    2. Gyaɗa
    3. Madara
    4. Ayaba
    5. Kwakwa
    6. Suga
    7. Shinkafar tuwo

    Yadda Ake Haɗawa:

    Ki samu gyaɗa, ki gyara ki wanke ki jiƙa, idan ta jiƙu, sai ki sabule ɓawan duka.
    Ki samu shinkafar tuwo ki jiƙa, idan ta jiƙu, ki haɗa da gyadar ki markaɗa, sannan ki tace ki ɗora a kan wuta.
    Ki ta juyawa saboda kar ya yi gudaji, idan yai kauri yadda kike buƙata, sai ki matsa lemon tsami ki sauke, idan ya ɗan sha iska.
    Sai ki zuba a kofi ki sa madara da suga, dama kin goga kwakwa ki zuba a kai; sai ki yanka ayaba ita ma ki jera a sama, shi kenan sai sha.

    Domin karanta Yadda Ake Kunun Kwakwa Ga Masu Ciwon Siga ko Yadda Ake Kunun Zaƙi danna koren rubutu.