Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Plate - A turance tana nufin faranti.
Misali; Ki zuba abincin a faranti don ya huce da wuri.
HAU; Faranti (Tana nufin mazubin abinci)
Plentiful - A turance tana nufin jingim.
Misali; Ya tara kayan wanki jingim a ɗaki, da ƙyar zai iya wankewa shi kaɗai.
HAU; Jingim (Tana nufin adadi mai yawa)
Pluck (hair, feathers) - A turance tana nufin fige.
Misali; Na biya kuɗi an fige min kajin da na siya.
HAU; Fige (Tana nufin cire gashi)
Poison - A turance tana nufin guba.
Misali; Na sa wa ɓeraye guba jiya da yamma.
HAU; Guba (Tana nufin duk wani abin da zai iya kisa)
Poison - A turance tana nufin dafi.
Misali; Dabbobin da suke da dafi suna da hatsari matuƙa.
HAU; Dafi (Tana nufin abin da ke iya kisa, zai iya kasancewa daga dabbobi ko wani abu daban)
Police Service Commission (PSC) - Hukumar Aikin 'Yansanda
Polite - A turance tana nufin kintsattse.
Misali; Ai da ganinsa an ga kintsattse, don kamanninsa sun nuna haka.
HAU; Kintsattse (Tana nufin mutum mai kamala da nutsuwa)
Political Party - A turance tana nufin jam'iyya.
Misali; Dukkansu 'yan jam'iyya ɗaya ne.
HAU; Jam'iyya (Tana nufin zauren siyasa)
Poor, Destitute - A turance tana nufin faƙiri.
Misali; Idan za ka yi sadaka ka nemi faƙiri ka ba shi.
HAU; Faƙiri (Tana nufin talaka wanda ba shi da komai)
Portfolio & Debt Management Institute of Nigeria (PDMIN) - Cibiyar Naƙaltar Juya Dukiya da Bashi Ta Najeriya