Idan aka ce man gashi, ana nufin mai da muke amfani da shi wajen kula da gashin kanmu ko mace ko namiji.
Mukan yi amfani da man gashi domin ƙayatar da shi wajen saka shi; laushi, ƙamshi, hana ƙuraje da ƙyasbi da kwarkwata samun guri a zama gashin, sannan kuma domin gashi ya ƙara tsayi da cika.
Sinadaran Haɗin Su Ne:
- Petroleum jelly wato Vasseline
- Paffarin oil
- Palm kennel oil wato baƙin man kwakwa
- Candle Wax wato candir
- Menthol
- Colour wato kala
- Sai turaren haɗin
Amfanin Ko Wani Sinadarin Haɗin Man Gashin
- Petroleum jelly shi ne kamar Vasseline amma ba shi da maiƙo
- Paraffin oil shi yake saka haɗin maiƙo
- Palm kennel shi yake ƙara tsawon gashi
- Candle wax shi yake ba wa haɗin damar daskarewa bayan an gama
- Menthol shi yake taimakawa wajen kashe dandruff (ƙyasbi) da saura ƙurajen kai
- kala shi yake canja launin man
- Sai turare shi yake saka man gashin ya yi ƙamshi
Duka waɗannan sinadaran sanannu ne a kasuwa, sannan farashinsu na da arha gwargwadon adadin da ake buƙata. Wajen wannan haɗi, a tabbatar da bin ƙa’idoji domin samun sakamakon da ake da buƙata
Kayan Amfani Wajen Haɗin Man Gashi
- Gas cooker/Murhu/Risho
- Tukunya madaidaiciya.
- Babban cokali ko ludayi domin motsa haɗin man gashin.
- Robobin man gashi da za a juye man bayan an kammala haɗin.
Yanda Ake Haɗin Man Gashi
- Da farko za a ɗauko tukunya a ɗora ta a kan risho ko gas cooker bayan an kunna,
- Sai a juye petroleum jelly ɗin a cikin tukunyar, a dinga juyawa da cokali ko ludayi
- Sannan a ɗauko candle wax a saka, shi ma a cikin tukunyar bayan petroleum jelly ya gama narkewa a ci gaba da juyawa da cokali, har ya narke gaba ɗaya.
- Sai a ɗauko parrafin oil da palm kennel oil, a juye su tare a cikin tukunyar, a ci gaba da motsawa da cokali.
- Daga nan, sai a kashe wutar, a sauke tukunyar,
- ana sauke tukunyar sai a gaggauta zuba kala a cikin tukunyar haɗin, a motsa shi da kyau.
- Bayan minti uku Sai a zuba turaren haɗin
- Sannan a kawo Menthol ɗin shi ma a zuba a cikin haɗin, a ci gaba da motsawa.
- Sannan a bar haɗin ya kai a kalla minti goma sannan a zuzzuba robobin man gashin.
- Daga nan kuma sai a bar su a buɗe su sha iska, domin man ya daskare. Shi kenan man gashinmu ya kammala.
Gargaɗi
Wajen wannan haɗin a tabbatar da cewa an tanadi kayan haɗi da sinadaran haɗin da ya kamata.
Domin karanta cikakken bayani a kan Yadda Ake Sabulun Wanka danna nan
Domin karanta bayani akan Yadda Ake Gyaran Gashi Na Musamman danna nan
