Yadda Ake Dashishi

0
1904

Dashishi abincin ne da ake yin sa daga alkama. Dashishi abincin gargajiya ne a Arewacin Nijeriya, yana da matuƙar lafiya a jiki, musamman ma a wajen masu ciwon siga kasancewar alkama na ɗaya daga cikin abincin masu ciwon siga.

Abubuwan da ake buƙata:

  • Alkama
  • Gishiri
  • Mai
  • Albasa

Yadda ake haɗawa

  1. A wanke alkama sosai, a fitar da dukkan harkakinta.
  2. Sai a surfa ta, watau a cire dusar alkamar, sai a bakace a wanke a sake shanyawa.
  3. Idan ta bushe sai a ɓarza ta, sai a ɗaura tukunya da madambaci sai a shimfiɗa buhu mai kyau, wanda aka wanke shi, amma fa buhun mai shara-shara.
  4. Wanke alkamar a tsane ta sosai, a zuba a cikin wannan buhun da aka shimfiɗa a cikin tukunyar.
  5. Sai a rufe da faifai a bar shi ya yi kamar 20mnts.
  6. Sai a sauke a wanke shi bayan an wanke, sai a yi mashi hadi a sa gishiri da albasa da mai idan dashishi da miya ce, sai a maida a tukunya ya ƙarasa dahuwa, za  a iya ƙara masa 15-20mnts za a ji ma yana ƙamshi, sai a sauke ya yi, sai ci.

Domin karanta Yadda Ake Shinkafa ‘Yar Senegal danna nan.

labarin da ya wuceYadda Ake Koko
Labarin na GabaYadda Ake Scotch Egg
Khadija Yusha'u (Amira) Babbar ɗalibar Addini ce, wacce ta karanci abin ci da lafiyar sa (Food and Nutrition) da kuma ƙwararriyar mai haɗa abin ci da kuma koyar da aikin hannu.