Yadda Ake Beef Burger

0
319

Beef burger wani abinci ne na Turawa wanda ake haɗa shi tare da biredi.

Abubuwan Da Ake Buƙata

  • Nama (niƙaƙƙe) (250g)
  • Albasa manya 5
  • Attaruhun 2
  • Ƙwai 1
  • Kayan ƙamshi (ƙarami cokali)
  • Tafarnuwa ƙwallo 2
  • Tumatur manya 2
  • Ganyen lettuce/ abin ɗanɗano
  • Cocumber/ cheese slices (yankakke)
  • Roll bread yadda ake buƙatar sa.

Kayan Aiki

  • Mazubi (mai tsafta)
  • Kasko
  • Murhu/Risho/Gas

Yadda Ake Haɗa Beef Burger

A zuba nama a mazubi mai tsafta, a zuba da kayan ƙamshi da attaruhu da albasa niƙaƙƙiya da ƙwai da abin ɗanɗano, sai a haɗa a cakuɗa sai a du

nƙula da ɗan girma.

Sai a danna shi ya koma ƙasa, ya ɗan yi faɗi, sai a sa mai a kasko mara kamu, a ɗan shafa mai kaɗan, sai a ɗan sa naman a cikin kaskon, in wannan ɓarin ya soyu sai a maida ɗaya ɓarin, har shi ma ya gasu.

Sai a sauke a ajiye a gefe, sai a ɗauko tumatur 2, albasa 2, cocumber babba guda ɗaya, sai a wanke da gishiri a tsane a gefe, a yanka su falefale, sai a ɗauko salak a ciccire shi a wanke da gishiri ya tsane.

Daga nan, sai a ɗauki biredi biyu a kifa shi a kaskon da aka gasa naman, mu gasa shi sama-sama; sai a ɗauko biredi a shafa masa man salak, sai a ɗaura salak tumatur ɗaya, a sa nama a tsakiya, sai a ɗauko cocumba a sa da albasa; da (cheese slice) guda ɗaya a ɗora a kan naman a rufe da biredin, haka za a yiwa sauran har a gama da kayan haɗin da sauran biredin har a gama .

Domin karanta cikakken bayani a kan Yadda Ake Mahshi danna nan

labarin da ya wuceMa’anar Fiyano
Labarin na GabaYadda Ake CupCake