Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Bauɗe - Tana nufin kaucewa daga dai-dai ko kuma abinda ba a miƙe yake ba.
Misali; Hanyar a bauɗe take, daga gidan sarki zuwa gidan megari.
ENG; Dodge (A turance tana nufin bauɗe)
Bawa - Tana nufin Hadimi, ko mai yin hidima ga wani. Wanda kuma galibi siyansa ake yi.
Misali; Ya siyo bawa kuma yana ta azabtar da shi.
ENG; Slave (A turance tana nufin bawa)
Bawali - Tana nufin fitsari.
Misali; Ya yi bawali a ƙofar makaranta.
ENG; Urine (A turance yana nufin bawali)
Baya - Tana nufin ɗaya daga cikin sassan jiki.
Misali; Na goya jariri a baya na.
Kishiyarta; Gaba
ENG; Back (A turance tana nufin baya)
Bayani - Bayani abu ne da akeyi domin wanda aka yiwa ya samu karin haske da fahimta akan abinda akayi masa bayanin.
Jam'i : Bayanai
Bayani - Tana nufin yin magana don fahimtarwa.
Misali; Malami yana yi wa ɗalibai bayani akan darasin larabci.
ENG; Explanation (A turance yana nufin bayani)
Baɗi - Tana nufin shekara mai zuwa.
Misali; Auren sai baɗi za a yi shi.
ENG; Next year (A turance tana nufin baɗi)
Baƙi - Tana nufin launi mai duhu.
Misali; Ina neman baƙin takalmi zan siya.
ENG; Black (A turance tana nufin baƙi)
Baƙo - Tana nufin wanda ba a sani ba ko wanda ya kawo ziyara.
Misali; Jiya na yi baƙo da yamma.
ENG; Stranger/Visitor (A turance yana nufin baƙo)
Baƙon dauro - Tana nufin cutar ƙyanda, wadda ƙananan ƙuraje ke fitowa a jiki gaba ɗaya. Idan ta yi tsamari tana haddasa kurumta, makanta da sauransu.
Misali; Cutar baƙon dauro ta yi sanadiyyar mutuwar yara da yawa a karkararmu.
ENG; Measles (A turance tana nufin ƙyanda)