Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Sexual Intercourse - A turance tana nufin jima'i.
Misali; Cututtukan sanyi na da nasaba da jima'i a lokuta da dama.
HAU; Jima'i (Tana nufin saduwa tsakanin mace da namiji)
Shake - A turance tana nufin jijjiga.
Misali; Sai an jijjiga maganin sannan ake sha.
HAU; Jijjiga (Tana nufin girgizawa)
Shake dust off something - A turance tana nufin kakkaɓe.
Misali; Sai da na kakkaɓe ƙura a kan kujerar kafin na zauna.
HAU; Kakkaɓe (Tana nufin goge datti ko ƙura)
Shameless/Disrespectful Person - A turance tana nufin ja'iri.
Misali; Babu mai yin rawar Gala sai ja'iri.
HAU; Ja'iri (Tana nufin mara kunya)
Sharpen - A turance tana nufin feƙe.
Misali; An feƙe wuƙaƙen kafin a yanka naman.
HAU; Feƙe (Tana nufin saka abu ya yi kaifi)
Sharpness - A turance tana nufin kaifi.
Misali; Wuƙar tana da kaifi sosai don ta yanke ni.
HAU; Kaifi (Tana nufin ƙarfin da zai iya yanka)
Shaving - A turance yana nufin kwashe gashi.
Misali; Wanzami yana yi wa Maigari Aski a fadarsa.
HAU; Aski (Yana nufin kwashe gashi ta hanyar amfani da aska ko reza ko wani abu daban)
Shea Tree - A turance tana nufin kaɗanya.
Misali; Man kaɗanya na gyara fata musamman a lokacin sanyi.
HAU; Kaɗanya (Tana nufin 'ya'yan bishiyar kaɗe)
Shivering - A turance tana nufin ɓari.
Misali; Gambo sai ɓari yake saboda zafin zazzaɓi.
HAU; Ɓari (Tana nufin karkarwa saboda jin sanyi)
Shivering - A turance tana nufin karkarwa.
Misali; Idan ba ka sa rigar sanyi ba za ka yi karkarwa saboda yau akwai matuƙar sanyi.
HAU; Karkarwa (Tana nufin rawar da jiki yake yi sakamakon zazzaɓi ko jin sanyi)