Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Ambaliya - Tana nufin ɓarkewar ruwa daga inda yake a tsare ko kuma yawaitar ruwan sama har ta kai ga ya yi ɓarna.
Misali; An yi ambaliyar ruwa a jihar Borno a shekarar 2024.
ENG; Flood (A turance tana nufin ambaliya)
Ambulan - Tana nufin motar ɗaukan mara lafiya zuwa asibiti.
Misali; An ɗauki waɗanda suka yi hatsarin a ambulan za a kai su babban asibiti.
ENG; Ambulance (A turance tana nufin motar ɗaukan mara lafiya)
Ambulance - A turance tana nufin motar ɗaukan mara lafiya.
Misali; An ɗauki waɗanda suka yi hatsarin a ambulan za a kai su babban asibiti.
HAU; Ambulan (Tana nufin motar ɗaukan mara lafiya zuwa asibiti)
Amnestic Psychology Association (APA) - Ƙungiyar masana mutuntaka Ta Amurka
Amnesty international (AI) - Hukumar Afuwa Ta Duniya /Hukumar bibiyar Haƙƙi Ta Duniya
Amosani - Wani farin abu ne da yake fitowa ta matsirar gashin kai, mai sa ƙaiƙayi da kuma lalacewar gashi.
Misali; Indo tana da amosani sosai a kanta.
ENG; Dandruff (A turance yana nufin farin abu da yake fitowa ta matsirar gashin kai)
Ango - Wanda aka ɗaurawa aure.
Misali; Mukhtar ango ne.
Kishiyarta; Amarya
ENG; Bride-groom (A turance tana nufin wanda ya yi aure)
Annabi - Wanda Allah ya aiko da saƙon addini.
Misali; Shugaban annabawa shi ne annabi Muhammad (S.A.W)
ENG; Prophet (A turance yana nufin wanda Allah ya aiko)
April - A turance yana nufin wata na huɗu a shekara.
Misali; Za mu je yawon buɗe ido a watan Afrilu.
HAU; Afrilu (A turance yana nufin wata na huɗu a shekara)
Arabic Consonants - A turance yana nufin baƙaƙen harufan larabci.
Misali; Almajiran suna matakin koyon babbaƙu.
HAU; Babbaƙu (Yana nufin baƙaƙen harufan larabci)