Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Tana nufin ƙaramin titi ko hanyar da ke tsakanin gine-gine, wadda ake iya wucewa.
Misali; Yara suna wasa a cikin kwararo na unguwa.
ENG; Alley (A turance tana nufin kwararo)
Tana nufin akwati ko jakar da ake ɗaukar kibiyoyi a ciki lokacin harbin kibiya.
Misali; Maharbin ya ɗauki kwari cike da kibiyoyi.
ENG; Quiver (A turance tana nufin kwari)
Tana nufin gangare ko ramin da ruwa ke taruwa ko ya wuce
Misali; Ruwa yana gudana a cikin kwari bayan damina.
ENG; Valley (A turance tana nufin kwari)
Tana nufin mutunci, girmamawa ko ɗaukaka ta mutum.
Misali; Malam Musa yana yi wa mutane kwarjini, a duk lokacin da yake magana da jama’a cikin nutsuwa da ladabi.
ENG; Dignity (A turance tana nufin kwarjini)
Tana nufin wasu irin ƙanana ƙwari jajaye masu cizo da ke tafiya a jere.
Misali: Yara sun gujewa hanya saboda sun ga kwarkwasa suna wucewa.
ENG; Driver ant (A turance tana nufin kwarkwasa)
Tana nufin farin ɓawon da ke fitowa a matsirar gashin kai wanda ke lalata gashi da karairaya shi.
Misali: Ta sayi maganin kwarkwashi domin rage yawan lalacewar da gashin kanta ke yi.
ENG; Dandruff (A turance tana nufin kwarkwashi)
Tana nufin ƙananan ƙwari da ke rayuwa a gashin kai ko jiki suna tsotsar jini.
Misali: Indo ta shafa wa yaranta maganin kashe kwarkwata a kansu.
ENG; Louse / Lice (A turance tana nufin kwarkwata)
Tana nufin yawan faɗin sirri ko magana ba tare da ɓoye abu ba.
Misali: An hana shi shiga taro saboda halinsa na kwarmato.
ENG; Blabbing (A turance tana nufin kwarmato)