Ƙamusu

Ƙoƙe - Tana nufin dusashewa ko raguwar launi. Misali: Launin zanen ya ƙoƙe saboda yawan wankewa da take yi. ENG: Fade (A turance tana nufin ƙoƙe)

Ƙoƙi - Tana nufin matar Gizo, wanda sanannen jarumi ne mai dabara a tatsuniyoyin Hausawa. Ana yawan ambatonta a cikin labaran gargajiya tare da Gizo. Misali: A tatsuniyar jiya, Ƙoƙi ta taimaka wa Gizo wajen warware matsalolinsa. ENG: Wife of Gizo (a trickster hero in Hausa folklore) (A turance tana nufin Ƙoƙi)

Ƙoƙi-ƙoƙi - Tana nufin wani irin ƙwaro kore mai dogayen ƙafafu da hannaye masu kama da mutum mai yin addu’a. Misali: Yara sun ga ƙoƙi-ƙoƙi a jikin bishiya suna kallon yadda take motsi. ENG: Praying Mantis (A turance tana nufin ƙoƙi-ƙoƙi)

Ƙoƙo - Tana nufin ƙaramar ƙwarya da ake amfani da ita wajen shan ruwa, nono, ko mulmula tuwo ko adana wasu abubuwa. Misali: Ta ɗebo nono a cikin ƙoƙo za ta kai wa maƙota. ENG: Small Calabash (A turance tana nufin ƙoƙo)

Ƙoƙuwa - Tana nufin saman hula. Misali: An ƙawata ƙoƙuwar hular da zare mai launi. ENG: Top of Cap (A turance tana nufin ƙoƙuwa)

Ƙubaka - Tana nufin wajen saka tazuge da ke saman wando. Misali: Telan ya gyara ƙubakar wandon domin igiyar ta shiga sosai. ENG: Hem for trouser string (A turance tana nufin ƙubaka)

Ƙuda - Tana nufin ƙaramin ƙwaro mai tashi wanda ake yawan samu a kusa da abinci ko ƙazanta. Misali: Ƙuda na yawan taruwa a kan abincin da aka bari a buɗe. ENG: Fly (A turance tana nufin ƙuda)

Ƙudundune - Tana nufin kwanciya a nannaɗe ko a dunƙule saboda jin sanyi, ko ciwo. Misali: Yaron ya ƙudundune a kan tabarma saboda yana jin sanyi. ENG: Lie curled up (A turance tana nufin ƙudundune)

Ƙudura - Tana nufin yanke shawara da cimma matsayar yin wani abu bayan an yi tunani. Misali: Ya ƙudura a ransa cewa zai ci gaba da karatunsa duk da tarin ƙalubalen da yake fuskanta. ENG: Decide (A turance tana nufin ƙudura)

Ƙufula - Tana nufin saurin fushi. Misali; Ƙufula ya yi har ta kai ga ya mare shi. ENG; Quick-Tempered (A turance tana nufin ƙufula)