Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Roaming about leading a loose, carefree life - A turance tana nufin dandi.
Misali; Ta dawo daga yawon dandi ɗauke da cuta mai tsanani.
HAU: Dandi (Tana nufin yawo da rayuwa ta rashin mafaɗi)
Rolling on the ground - A turance yana nufin birgima.
Misali; Yaron yana ta birgima don an hana shi fita wasa.
HAU; Birgima (Tana nufin a yi ta juyi a ƙasa)
Roof Of The Mouth - A turance tana nufin ganɗa.
Misali; Ƙuraje sunm fito masa a saman ganɗa, sun hana shi cin abinci.
HAU; Ganɗa (Tana nufin saman bakin mutum)
Rope - A turance tana nufin igiya.
Misali; Na gama wankin zan shanya a kan igiya yanzu.
HAU; Igiya (Tana nufin abin da ake amfani da shi don yin shanyar kaya ko ɗaure abubuwa)
Rubber Research Institute of Nigeria (RRIN) - Cibiyar Binciken Noman Roba Ta Najeriya
Rule/Law - A turance tana nufin doka.
Misali; Duk wanda ya karya doka sai an masa hukunci.
HAU: Doka (Tana nufin ƙa'idoji ko tsare-tsare)
Rumour - A turance tana nufin jita-jita.
Misali; Ya shahara wajen yaɗa jita-jita, sai dai mu yi masa fatan shiriya.
HAU; Jita-jita (Tana nufin zancen da ba shi da tabbas)
Run - A turance tana nufin gudu.
Misali; Idan ka yi gudu zuciyarka na harbawa da sauri.
HAU;Gudu (Tana nufin tafiya da ƙololuwar sauri)
Running short of something - A turance tana nufin cankacakare.
Misali; Kayan marmarin sun zama cankacakare.
HAU; Cankakare (Tana nufin ƙarewar abu ƙarƙaf)
Rural Area - A turance tana nufin karkara.
Misali; Mutanen karkara suna da karamci matuƙa.
HAU; Karkara (Tana nufin ƙauye)