Ƙamusu

Haɓar Kada - Tana nufin hular gargajiya mai rufe kunnuwa wadda musamman fulani ke amfani da ita. Misali; Samarin sun yi kwalliyar haɓar kada ENG; Cotton cap with pointed flaps which covers ears worn especially by fulani (A turance tana nufin haɓar kada)

Haɓe - Tana nufin wanda ba bafulatani ba. Fulani kan kira wanda ba ɗan ƙabilarsu ba da wannan suna. Misali; Abokin Jauro haɓe ne. ENG; Hausa person who has no Fulani ancestry (A turance tana nufin haɓe)

Haɓo - Tana nufin zubar jini daga hanci. Misali; Tun safe yake haɓo, ko za a kai shi asibiti ne? ENG; Nose-bleed (A turance tana nufin haɓo)

Haɗama - Tana nufi wawashe abu da yawa musamman idan ana haɗawa da rabon wasu. Misali; Saboda haɗama ya kwashe abincin mutum uku shi kaɗai. ENG; Greed (A turance tana nufin haɗama)

Haɗari - Tana nufin abin da zai iya cutarwa, ko tsautsayin da ke faruwa a kan titi. Misali; 1. Shaƙar hayaƙin taba na da haɗari ga lafiya. 2. Ya samu karaya sakamakon haɗarin mota. ENG; Risk, Accident (A turance tana nufin haɗari)

Haɗiye - Tana nufin cinyewa, ko shigar abu cikin ciki ta hanyar maƙogwaro. Misali; Ya haɗiye alawar da na ba shi. ENG; Swallow (A turance tana nufin haɗiye) Kishiyarta; Amayar

Haƙa - Tana nufin yin rami. Misali; An haƙa rijiya a bakin masallaci. ENG; Dig (A turance tana nufin haƙa) Kishiyarta; Binne

Haƙarkari - Tana nufin ɗaya daga cikin sassan jikin ɗan Adam, gefen hagu da daman ƙirji. Misali; Sanyi ya sa min ciwon haƙarƙari. ENG; Rib (A turance tana nufin haƙarƙari)

Haƙilo - Tana nufin yin abu da gaske ka'in da na'in, tare da kai komo. Misali; Ɗaliban na ta haƙilo don ganin ba su faɗi jarrabawa ba. ENG; Giving much effort for little gain (A turance tana nufin haƙilo)

Haƙori - Tana nufin ɗaya daga cikin sassan jikin ɗan Adam da sauran halittu, wanda ake amfani da shi wajen tauna.  Misali; Ba zai iya tauna ƙashi ba saboda ba shi da haƙori. ENG: Tooth (A turance tana nufin haƙori)