Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Farfela - Tana nufin fankar da ke jikin mota.
Misali; Farfelar motar ta lalace, sai an kai gyara.
ENG; Motor Fan (A turance tana nufin farfela)
Farfesu - Tana nufin dafa abu da romo-romo, kamar kaza ko kifi da sauransu.
Misali; Tunda ya fara zazzaɓi yake sha'awar farfesu.
ENG; Pepper Soup (A turance tana nufin farfesu)
Farilla - Tana nufin dole.
Misali; Yin salla sau biyar a kowacce rana farilla ne akan kowane musulmi.
ENG; Obligatory (A turance tana nufin farilla)
Farka - Tana nufin tashi daga bacci.
Misali; Jaririn ya farka tun ɗazu.
ENG; Wake up (A turance tana nufin Farka)
Farm - A turance tana nufin gona.
Misali; Yana da gona amma ya gaje ta ne a gurin mahaifinsa.
HAU; Gona (Tana nufin fili ko sararin da ake shuka a yi noma)
Farmaki - Tana nufin kai hari ba zato ba tsammani.
Misali; 'Yan ta'adda sun kai farmaki ga jami'an tsaro.
ENG; Sudden Attack (A turance tana nufin farmaki)
Fartanya - Tana nufin wani ƙarfe mai ƙota da ake amfani da shi don yin noma.
Misali; Ado ya saɓa fartanya ya nufi gona.
ENG; Hoe (A turance tana nufin fartanya)
Fasaha - Azancin kirkirar wani abu mai amfani ga rayuwar dan'adam ko dabarar sarrafa tunani domin nishaɗantarwa
Fasahar Bayanai - Azancin sarrafa ko dabarar tsara bayanai
Fasahar Sadarwa - Kusan fusan fasahar bayanai ce.