Malamai masana ilimin likitancin musulunci sun gano cewa cin dabino mai bauri bayan haihuwa yakan hana zubar jini.
Da yawa mata sukan samu ɓallewar jini bayan sun haihu, wasu ma har ya kai da rasa rayuwarsu. Wannan ya ɗauko asali daga mahaifiyar Annabi Isa (Alaihis Salam), wato; Nana Maryam (Radiyallahu Anha) bayan ta haifi Annabi Isa (Alaihis Salam) kuma ta haife shi a gurin da ba wanda zai kawo mata taimako.
Ubangiji ya umarce ta da ta kama kututturen dabinon da ke gabanta ta girgiza shi; nan take zai girma ya yi ‘ya’ya ya zubo ta kuma ɗebi ‘ya’yan ta ci. Akan so duk macen da ta haihu ta nemi ɗanyen dabino; domin zai taimaka mata wajen zubar jini da kuma samun lafiya da kwanciyar hankali.
Sannan ana amfani da ganyen geza, bayan an niƙa shi ya yi laushi. Akan jiƙa shi sai a bai wa mace ta sha. Shi ma yakan tsayar da jinin biƙi ko na haila wanda ya ƙi tsayawa. Hatta yankewa idan mutum ya yi jini ya ƙi tsayawa da an sa garin geza zai tsaya.
Haka ana amfani da ɓawon gyaɗa soyayya wanda aka murmushe. Za a haɗa shi a kwaɓa shi da man zaitun. Nan take in aka sa shi shi ma jinin zai tsaya. Sannan ana amfani da ganyen ruhu da balma a jiƙa.
A sha nan take shi ma yakan tsayar da jini. Waɗannan duk abubuwa ne da ake sarrafa su domin su tsayar da jini na al’ada ne ko na biƙi.
Domin karanta cikakken bayani akan Shayarwa Bayan Haihuwa danna koren rubutun nan
Edita; Rumasa’u Muhammad Kallamu
