Sau da yawa mutane na mu’amala da kafar social media ta whatsapp; amma akwai tarin abubuwa da ba su san yadda ake amfani da su ba yadda ya dace; ko kuma ba su san yadda za su aiwatar da wasu abubuwa ba.
Waɗannan wasu kadan ne daga cikin irin abubuwan da ake iya aiwatarwa da ba kowa ya sani ba:
TURA SAƙO GUDA ƊAYA GA MUTANE DA YAWA (BROADCASTING)
Wannan wata hanya ce da ake tura saƙo guda ɗaya zuwa ga mutane da yawa; da zarar ana son a yi wannan; sai a tafi kan MENU inda ke da wasu alamomi guda uku.
Sai mutum ya zaɓi Broadcast wanda a nan ne zai ba ka damar tura saƙon zuwa ga mutane da yawa
SAUYA NAU’IN RUBUTU
Wanna ma wata alama ce da za ka iya sauya nau’in rubutu, misali ya tafi a kwance ko kuma ya yi kauri ko ya zama a cikin alamar sokewa.
Domin tafiyar da rubutu a kwance sai a rubuta _rubutu_ sai a tura.
Idan kana so ka sanya rubutu ya yi kauri, sai a yi amfani da *rubutu* sai a tura.
Haka ma idan kana son alamar sokewa sai a yi amfani da ~rubutu~ sai a tura.
Domin Karanta Cikakken bayani a kan Yadda Ake Amfani Da MyMTN App Domin Gano Wasu Muhimman Bayanai Akan Layin Ka Na MTN danna nan
