WikiHausa

Tag: ilimin komfiyuta

  • Yadda Ake Tsayar Da Update Na Windows 8 Da Kuma 10

    Yadda Ake Tsayar Da Update Na Windows 8 Da Kuma 10

    So da yawa mutane na kukan cewar idan sun haɗa wayar su da computer; Domin yin amfani da yanar gizo (browsing). Suna ganin Data nasu yana saurin janyewa, musamman masu amfani da Windows 8 ko 10 da ma sauran makamanta su.

    Update : Saboda haka a wannan ɗan bayanin nawa zan faɗi yadda za a yi amfani da waɗannan hanyoyi domin tsayar da zuƙar Data a sakamakon Update da window 8 ko 10 yake.

    Ga Wasu Matakai Guda (4) Da Za su Taimaka;

    1. Danna Windows logo key + R a lokaci guda domin shiga wajen Search Run box.

    2. Sai a rubuta services.msc sai a danna Enter.

    3. Sai a yi ta tafiya ƙasa ko a nemo Windows Update, sai a danna kanshi sau biyu.

    4. A gurin da aka rubuta Startup type, sai a shiga domin zaɓar “Disabled”. Sai a zaɓi “Apply” sai a danna kan “OK” domin ajiye saitin da aka yi.

    Shikenan da waɗannan hanyoyi ka tsayar da zuƙar data da ake maka sakamakon kusan kowannne windows musamman window 8 da 10 suna ɗaukar abubuwan da suka san cewa za su taimaka wa tsare-tsaren computer su tai dai-dai lokacin da aka haɗa computer da tsarin shiga yanar gizo wato (Internet Data For Browsing).

    Domin Karanta cikakken bayani A kan Yadda Hashtag Yake danna nan

    Domin karanta bayani a kan Tarihin Komfiyuta (Computer) danna nan

  • Yadda Ake Dawo Da Abin Da Aka Goge A Kan Komfiyuta

    Yadda Ake Dawo Da Abin Da Aka Goge A Kan Komfiyuta

    Mafi yawancin dukkanin wani abu da aka goge a kan komfiyuta ba wai an goge shi ne ba gaba ɗaya; mafi yawanci yana zuwa cikin wata ma’ajiyar datti ne; wanda ake kira da “recycle bin” a Turance; wani kuma ta wajen gogewa ake sa shi, a tsarin da idan an goge ba ya shiga wanann ma’ajiyar dattin (Recycle Bin).

    Shin ko ka taɓa goge wani abu daga komfiyutarka ba tare da kana son ka goge shi ba ? kuma kana bukatar ka dawo da shi, sannan kuma ba ka gan shi a cikin ma’ajiyar datti ba (recycle bin) wanda ta yiwu ka goge shi ne ta yin amfani da shift+delete ko kuma ka zazzage ma’ajiyar datti (emptied recycle bin) . Sabo da haka kada a damu, hakan yana iya yiwuwa domin ana dawo da irin wannan abin da aka goge.

    A wannan bayanin za a kawo yadda ake dawo da abubuwan da aka goge ta hanyar amfani da wasu massarafai da aka samar domin aiwatar da irin wannan aiki.

    Mafi yawanci duk wani file da aka goge a kan komfiyuta, ba wai ya goge daga kan kwakwalwar komfiyuta ba ne (hardrive) yana samun wani guri ne ya shiga, inda ba zai zama mai nauyi ba sabo da an nuna ba shi da muhimmanci, to zai je nan ya tsaya jiran ko za a iya dawo da shi, haka kuma zai ta zama ne har sai an sanya wani a madadin sa wanda zai cinye wannan guri da aka sanya wancan abin da aka goge na farko, a mafi yawancin kwakwalwar comoter ma ko an sanya wani ana iya dawo da shi.

    Akwai masarrafai (softwares) da yawa waɗanda ake amfani da su domin aiwatar da wanann aiki ga kaɗan daga cikin su:

    1. Tokiwa data recovery

    Wanna masarrafi bai wuce kimanin 200 kb ba, kusan ma shi ne masarrafi mafi ƙanƙanta/mafi ƙarancin nauyi wajen aiwatar da wannan aiki na dawo da abubuwan da aka goge, wanda yana ɗauko abubuwan da aka goge daga kan tsarin ƙwaƙwalwar da ke da FAT 12, FAT16, FAT32 da kuma NTFS file, haka kuma yana dawo da abin dake kan tsarin NTFS wanda aka yi compressed da kuma na kan EFS encrypted file. Haka kuma wannan masarrafi yana taimakawa wajen dawo da su ba tare da an sha wahala ba, haka kuma da wannan masarrafin za a iya goge abin da ba a buƙatar sa har abada.

    2. Pandora recovery

    Ita ma wannan wata massarrafar ce (software) dake bayar da damar yin wannan aiki da muka faɗa a baya, wanda a nan ita tana ba da cikakkiyar dama wajen gani ka nemi irin abin da kake so ka dawo da shi, ko kuma file na abin da kake son ka dawo da shi, haka kuma zai ba ka damar nemo wata hanyar amfani da sunan file naka da kake nema, musammam wanda ka san sunansa, ko kuma ranar da ka yi aikin,

    Haka kuma, yin amfani da wannan hanyar ba ya iya nuna maka asalin inda aikin yake, yana nuna maka aikin ne kawai da aka goge daga kan computer, musamamn daga inda ake ganin ya lalace , ko kuma ake ganin kamar ba zai dawo ba, ko kuma aka yi formated gaba ɗaya, haka kuma yin amfani da wannan hanya ba wai sai a kan ƙwaƙwalwar komfiyuta kaɗai yake aiki ba, za ka iya dawo da abin dake kan CDs da kuma DVDs.

    3. Recuva:

    Wannan ma wani masarrafi ne mai saukin aiki, wanda yake aiwatar da irin aikin da muka yi bayanai a baya , wanda shima yana ba ka damar ka yi serch ne na abin da kake son ka dawo da shi, ta yin amfani da sunan file misali, Waƙoƙi ne , hotuna, rubuce-rubuce ko kuma wasu abubuwa makamantan waɗannan kamar hoto mai motsi (vidios) haka kuma yana iya ba ka damar neman abin da ya daɗe , da gogewa, kamar yadda waɗanda suka gabata suke aiwatar da nasu aikin, haka kuma wannan masarrafin yana da versioin kala-kala sai wanda ka ga zai iya yi a kan computer naka, sannan za ka ɗauko domin amfani da shi.

    Haka kuma dukkanin waɗannan massarafi da ma wasu da ba aka kawo a nan ba, suna aiki ne wajen dawo da abin da aka goge daga kan memory na waya ko na kan computer , ko kan camera, ɗaukar hoto, haka kuma yana dawo da dukkanin hotuna, video, Waƙoƙi , rubutattun ayyuka daga kan tsarin FAT da kuma NTFS wanda aka yi formating , sanna kuma ana iya amfani da su a kan tsarin massarfin komfiyuta na win xp, win vista win 7,8,8.1 da kuma win 10.

    Hanyoyin Da Ya Kamata A Bi Wajen Samun Damar Dawo Da Abin Da Aka Goge

    1. Idan aka goge wani abu bisa rashin sani daga kan wata ma’ajiya, a tabbatar ba a sanya wani abu ba a kan inda aka goge wannan ma’ajiyar, misali abin da zai iya zama ya shige gurin da ka goge wancan bayanan, wanda in ya shiga gurin wanda aka goge hakan ba zai sami damar dawo da abin da aka goge ba kasancewar wanda aka sanya daga baya ya rufe gurin wancan da aka goge, hakan kuma zai iya hana dawo da wancan da aka goge.

    2. Idan ka yi ƙoƙarin dawo da abin da ka goge sai hakan ya gagara, hakan ba yana nuna abin ba zai yiwu ba ne, abin yi a nan shi ne, ka nemi wani kalar masarrafin wanda zai maka wannan aiki, ta yiwu wannan wanda kake da shi shi ne ba zai iya aiwatar da aikin ba.

    3. Idan ka goge abu a kan computer naka da kake aiki da shi, yi ƙoƙari kada ka sanya wani abu a kanta, sai dai kawai in kana da filin da za ka ɗauko ɗaya daga cikin massarrafan da suke taimakawa wajen dawo da abin da aka goge, sai ka ɗauko domin aiwatar da wannan aiki, bayan ka gama, sai ka kashe komfiyuta sannan ka kunna sai ka fara aiwatar da aikin dawo da abin da ka goge.

    Haka kuma yana da kyau ya zama kana da waɗannan masarrafan a cikin wata ma’ajiya taka ta musammamn “flash drive” , ko da za ka goge wani muhimmin abu bisa kuskure.

    Domin karanta cikakken bayani a kan Yadda Za Ka Dawo Da Martabar Batirin Wayarka danna nan.

    Domin karanta cikakken bayani a kan Tarihin Komfiyuta (Computer) danna nan.

  • Mene Ne Data Da Information?

    Mene Ne Data Da Information?

    Shin Me Ake Nufi Da Data?

    Data shi ne dukkanin abin da ake saka wa kwamfuta ta hanyar amfani da ɗaya daga cikin kayan da ake aika wa da kwamfuta sako (input devices);

    Wanda ya ƙunshi kalma, lambobi, hoto da sauti. Sai kwamfuta ta sarrafa su, su zama bayanai da za a fihimci aikinsu (information).

    Shin Me Ake Nufi Da Information?

    Su ne kayan da aka sakawa kwamfuta [data] ta kwamfutar da aka shirya suka bayar da ma’ana cikakkiya;

    Misali kamar wasiƙa, labari, shiryayyun hotuna da dai makamantansu.

    Domin karanta cikakken bayani akan Shin Me Ake Iya Yi Da Komfiyuta? danna nan.

    Domin karanta bayani akan Tarihin Komfiyuta (Computer) danna nan

  • Tarihin Komfiyuta (Computer)

    Tarihin Komfiyuta (Computer)

    Fitowa da shaharar komfiyuta (computer) ya fara ne daga shekaru talatin da suka gabata.

    Amma idan muka koma baya lokaci mai tsawo, za mu ga cewar komfiyuta (computer) tarihinta ba zai taɓa cika ba;

    sai mun koma baya, tun daga shekaru dubu biyu da ɗari biyar lokacin da aka samar da Abacus.

    Abacus wani raskwana [calculator] ne da aka yi shi da ‘ya’yan carbi da waya ko igiya wanda yake ba wa mutum damar yin lissafi a cikin sauƙi, bambanci tsakanin Abacus ɗin da aka yi amfani da shi a wancen lokaci, da wanda ake amfani da shi a wannan zamani yana da bambanci mai yawa matuƙa. Amma kuma yadda ake amfani da su domin kawo sauƙi wurin yin lissafi kusan duk abu ɗaya ne.

    Cogs da Calculators

    Idan muka ce abacus, to za mu iya faɗin cewar ita ce na’urar lissafi wacce a wancen lokacin ake amfani da ita, wacce ake iya kiran ta da komfiyuta (computer) duk da dai a wancan lokacin ba a san wani abu wai computer ba.

    An ci gaba da amfani da wannan fasahar zuwa ƙarni na sha bakwai (17th century) inda aka sami wani matashi ɗan shekara sha takwas a wancan lokacin ɗan ƙasar Faransa, masanin kimiya da fasaha a shekara ta 1642 mai suna Blaise Pascal (1623-1666) ya ƙirƙiri na’ura mai aiki da ƙarfe, wacce ake ɗaukar ta a matsayin inji na farko da aka fara amfani da shi a matsayin raskwana (calculator), ya ƙirƙiro wannan na’ura domin ya taimaka wa mahaifinsa a wancan lokacin, wanda yake karɓar kuɗaɗen haraji.

    Shi wannan inji wanda yake ba da damar tarawa da debe lambobi ta hanyar amfani da gargare a jikin na’urar. Na’urar wanda aka tsara ta da wasu ƙananan gare-gare a jikinta tare da daka mata ƙarafa da ake juya su domin a fitar da sakamako na lissafi, wanda ake kiran wannan na’urar da ya yi da sunan Pascalline (Faskalain).

    Bayan tsawon shekaru, a wuraren shekarar 1671 Gottfried withelm Leibniz (1646-1716) masanin lissafi da falsafa ɗan ƙasar Jamus ya ƙara inganta wannan na’urar ta pascalline amma tare da kara mata abubuwa masu yawa a jikinta. A nashi gyaran da ya yi Leibniz ya canza waɗannan gare-garen (cogs) zuwa wani tsari na ƙarafa masu matakala (stepped drum) wanda su ake murɗawa domin tara lambobin da ake son a yi lissafi a kansu.

    Wannan tsari da canji da Leibniz ya kawo, an ɗaɗe ana amfani da shi wanda ya kai tsawon shekaru dari uku ana cin gajiyarsa. Wanda da wannan sababbin ƙare-ƙare da ya yi, mutum zai iya Tarawa da ɗebewa da maimaitawada kuma rabawa duk da wannan na’urar lissafi da ya yi. Gottfried Wilhelm Leibniz shi ne wanda ya ƙirƙiro hanyar ajiyar abubuwa a cikin memory ko kuma register.

    Ba wannan kaɗai ba ne gudunmuwar da Leibniz ya bada ba. shi ne wanda ya samo hanyar da ake iya yin amfani da binary code, wacce ita ce hanya guda da ake iya amfani da ita wurin gabatar abubuwa a cikin na’urori da muke amfani da su wanda suke amfani da tsarin 0 da 1. Koda yake Leibniz bai samu damar yin wannan ilimin a cikin na’urarsa ba, amma dai ya samar da wannan tunani ga dimbin jama’a.

    Bayan rasuwar Leibniz da wurin ƙarni guda, a cikin shekarar 1854 George Boolean [1815-1864] ya yi amfani da wani tunani ya ƙiƙiro wani sabon lissafa wanda ake kira da Boolean Algebra a kwamfutocin zamani, tsarin binary code da Boolean Algebra ana amfani da su wurin sanya na’ura ta yanke hukunci a sauƙaƙe ta hanyar kwatanta tsakanin jerin 0 da 1 masu yawa.

    Da shi abacus da na’urar lissafi da leibniiz suka ƙirƙiro abu daya daga cikinsu daya cancanci a kirashi da komfiyuta (computer) .

    Calculator

    Calculator wata na’ura ce da mutane suke amfani da ita wurin yin lissafi cikin hanzari, amma kuma tana buƙatar sai ɗan adam ya sarrafata. Amma ita komfiyuta (computer) wata na’ura ce wacce take sarrafa kanta da kanta, ba tare da taimakon dan adam ba, ta hanyar amfani da jerin waɗansu umurni da aka ajiye su a cikin kwakwalwarta wanda ake kira da shirye-shiye [program].

    Idan ma akwai wanda za a iya cewar ya kwatanta amfani da waɗannan fasahar guda biyu, kamar yadda ya kamata sai shahararren mutumin ƙasar ingila masanin lissafi wanda ake kiran shi da Charles Babbage (1791 – 1871) wanda ake danganta shi da baban komfiyuta. Charles ya ƙirƙiri komfiyuta ko na’urar yin lissafi wacce take yin aiki saɓanin yadda ‘yan baya su ke yi.

    Shi ne wanda a lokacin ya ƙirƙiri na’urar lissafi wanda take da wurin zuba masa saƙo [input] sannan kuma take da wurin fitar da sakamako [output] sannan kuma take da wurin ajiyar wannan sako kafin ya fitar da amsarshi [memory], irin dai fasahar da ake yin amfani da ita a na’urorin wannan lokacin. Sai dai wani abin takaici shi ne, Charles Babbage bai samu ganin ko daya daga cikin manyan kwamfutocin da ya yi tunanin ƙirƙiro su ba, sakamakon gajiya da gwamnatin kasar Ingila ta yi a wancan lokacin na ci gaba da tallafa wa wannan aiki nashi.

    Da farko dai, gwamnatin ingila ta bashi tallafin fam dubu goma sha bakwai (17,000) wanda a wancan lokacin ba ƙaramin kuɗaɗe ba ne. To, lokacin da Babbage ya nemi da sake ƙara mishi wannan kuɗi, domin irin na’urar da yake son ya ƙirƙira tana buƙatar dubunnan ƙarafan gargare, sai gwamnatin wannan lokacin ta karaya, ba ta sake taimaka mashi da komai ba.

    Babbage ya yi sa’ar samun taimako daga wata ƙwararriyar masaniyar lissafi, Augusta Ada Byron [1815-1852], Countess of lovelace, diya ga wani mawaki Lord Byron. Lovelace wacce ta nuna matuƙar sha’awarta ga wannan aiki da Babbage ya fara, ya sanya ta taimaka masa har ya iya yin wannan na’ura ta farko wadda ake amfani da surkullen rubutu [programming] domin a ba ta (ita na’urar) umarnin yi ko bari.

    Taimaka wa Babbage yin wannan na’urar, ta amfani da programming ya sanya ake danganta (Ada Lovelace) da ita farkon programmer a bayan ƙasa. Amma bayan mutuwar Charles Babbage kadan ne daga cikin wannan aikin nasa ya tsira.

    Koda yake, wannan na’urar da Charles Babbage ya yi ƙoƙarin ya ƙirƙiro, ya so a yi amfani da shi ne wurin shirya Atilare ta yaƙi domin samun dai-dai to wurin duk wani abin da aka harba da ita ta same shi. Amma wuraren karshen ƙarni na sha tara (19th century) tuni an samu masana da yawa waɗanda suka sami nasarar ƙera na’ura ko injin da zai yi lissafi.

    Farkon na’urar lissafi da ke yin aiki na zahiri da aka fara ƙirƙira a wannan duniya (practical calculator) shi ne wanda masanin ƙididdigar nan Herman Hollerith (1860-1929) wanda ya kira wannan na’ura da Tabulator, wanda ya kirkiro ta domin ta taimaka masa i wurin ƙididdigar adadin mutanen ƙasar Amurka (census).

    A wancan lokacin, ana ƙididdigar jama’a duk bayan shekaru goma ne, amma a shekarar 1880, yawan mutanen da su ke ƙasar Amurka ya yi yawa sosai, saboda shigowar baƙi ya kai da ba za a iya amfani da ƙididdiga ta hannu ba wanda zai iya ɗaukar watanni bakwai ko rabin shekara ba tare da an kammala ba.

    Daga cikin waɗanda ba za a iya mantawa da su ba a harkar ƙirƙira ko kuma samar da hanya a kan komfiyuta shi ne Alan (1912-1954) wanda kwararren masanin lissafi ne daga Cambridge, wanda shi ne ya fito da ilimin yadda komfiyuta za ta iya sarrafa bayanai dake cikinta.

    Wannan ilimi da Alan ya samar ya kawo sauyi mai yawa ta ɓangaren yadda jama’a ke kallon na’ura, da wannan dalilin ne ma mutane su ke danganta shi a matsayin wanda ya samar da komfiyuta (computer) ta zamani (Modern Computer).

    Alan ya bayar da gudunmuwa mai yawa a cikin harkar komfiyuta, misali lokacin yaƙin duniya na biyu ya taka muhimmiyar rawa wurin ƙirƙira komfiyuta, wacce ake kiranta da Code Breaking Machine wanda ake ganin ya ba wa ƙasar Ingila asa a filin daga, sannan ya bayar da gudunmuwa wurin ƙirƙira wata computer da ake kiranta da Automatic Computing Engine, da wata Colossus da Manchester/Ferranti Mark l.

    Domin karanta cikakken bayani a kan Farkon komfiyuta Zamani danna nan

  • Shin Me Ake Iya Yi Da Komfiyuta?

    Shin Me Ake Iya Yi Da Komfiyuta?

    Mutane da dama suna amfani da Komfiyuta wurin samun sauƙin aikinsu na yau da kullum. Misali idan muka duba; mutum zai iya ɗauko aiki daga ofishinsa zuwa gida domin ƙarasa aikin da ya fara a can.

    Haka ɗalibai suna iya ci gaba da nazari ko binciken da suka fara a Komfiyutar makaranta idan sun dawo gida, wannan aiki kuwa mutum zai iya yin amfani da safe ko da rana ko cikin dare;

    Haka mutum zai iya amfani da wannan kwamfutar domin tafiyar da harkokin kasuwancinsa ta hanyar rubuta wasiƙa; ko waɗansu bayanai masu muhimmanci na kasuwancinsa, ko kuma shirya kasafin kuɗi.

    A taƙaice dai duk wani irin aiki da za ka iya yi da Komfiyutar wurin aiki; za ka iya yin shi da kwamfutar da ita a cikin gida.

    Lura Da Hada-Hadar Kuɗaɗe Da Kasuwanci

    Ba ka buƙatar zama ƙwararren masanin harkokin kuɗi wurin kula da kuɗaɗenka da kasuwancinka idan aka zo maganar Komfiyuta.

    Akwai waɗansu manhajoji a cikin Komfiyuta waɗanda da su za ka iya lura da kuɗaɗe kamar irin su Microsoft money ko kuma Quicken wanda da waɗannan za ka iya shirya kasafin kuɗi.

    Ko kuma rubuta takardun karɓar kuɗi ko kuma bincikar labarin ragowar kuɗaɗen da suke asusunka; da ke bankinka take daga jikin kwamfutarka ba tare da kana da ilmin a kanta ba.

    Haka zalika, za ka iya sanya kwamfutarka ta ɗauki ragamar biyan kuɗaɗe ta banki da kanta na haƙƙoƙin jama’a ko biyan kuɗaɗen harajin gwamnati, wanda ba sai ka je banki don gabatarwa ba.

    Ƙulla Alaka Tsakanin Mutane

    Da kwafuta ana iya aikawa da wasiƙa wacce ake kira da imel [email] ga ‘yan uwa da abokan arziƙi ba ka buƙatar jiran lokaci mai tsawo kafin wannan saƙo ya kai ga wurin daka aika shi.

    Haka ana amfani da kwamfuta wurin yin magana ko muhawara da jama’a kai tsaye ta hanyar amfani da intanet.

    Ko kuma kiran kwamfuta da wata kwamfuta wanda aka fi sani da pc to pc call; wannan duk wani sauƙi ne ake samu a wurin kwamfuta.

    Yin Hada-Hada A Intanet

    Kamar yadda muka faɗi, amfani da fasahar email ya kawo sauƙi wurin aikawa da saƙonni haka ma intanet.

    Internet wata kafa ce da mutane ke amfani da ita wurin gabatar da abubuwa masu muhimmanci da kuma aikace-aikacen da suka saba yi a zahiri da jama’ a.

    Kamar gabatar da harkokin kasuwanci wanda ya haɗa da sayarwa, yin karatu da manyan jami’o’i na duniya, karanta jaridu da mujallu duk a kan intanet, alhali mutum na zaune a gida ko ofishinsa waɗannan kaɗan ne daga cikin irin aikace-aikacen da ita komfiyuta take iya yi da kuma sauƙin gabatar da al’amura.

    Domin karanta cikakken bayani a kan Tarihin Komfiyuta (Computer) danna nan

  • Yadda Ake Activating Windows 10 Da Batch File (CMD)

    Yadda Ake Activating Windows 10 Da Batch File (CMD)

    Idan ka yi amfani da wannan hanya ba tare da ɓata lokaci ba za ka ba wa windows 10 ɗinka damar yin aiki sosai.

    Kuma hakan bai da wata matsala. Na kawo wannan ne saboda yin amfani da wata manhaja ka iya janyo matsala.

    Misali kamar yin amfani da KMSpico a wasu lokutan.

    Za ka iya buɗe Notepad a kan kwamfutarka mai ɗauke da Windows 10 wadda take buƙatar a yi activating ɗin ta.

    Ga waɗansu matakai da za a bi domin aiwatarwa:

    1. Ka juyi wannan, ka mayar da shi a kan tsarin text file.

    2. Sai ka ajiye shi wannan abun da ka juya a matsayin batch file ɗin, sai kuma ka canja masa suna zuwa (Smartrogo.cmd)

    3. Sai a danna madannin dama na kan mouse a kan shi file ɗin da aka ajiye, sai a danna madannin hagu a kan ‘Run as administrator’.

    4. Sai a duba a gani, domin sanin matsayin activating ɗin da aka yi .

    Da zarar ka danna kan “Run as administrator” zai ɗan nuna maka cewar ya shiga kan system command prompt – kar ka damu yana kan aiki ne.

    da zarar ya kamala gabatarwa, sai ka danna alamar “Y “. Wanda hakan shi zai ba ka damar kashe kwamfutarka, ya kuma kunna ta, sai ka ga Activating ɗin ya yi.

    Za kuma ka iya duba cewar “Windows activation” ya yi ta hanyar amfani da bayanin da na kawo a mataki na huɗu (4), ta nan ne zai nuna ma cewar yanzu fa ya zama “Activated”.

    Domin karanta cikakken bayani a kan Abubuwan Da Ya Kamata Ka Sani Dangane Da Twitter danna nan

    Domin karanta bayani akan Kafar Sadarwa ta WhatsApp: Yadda Ake Amfani Da Kafar Sadarwa ta WhatsApp danna nan

  • Yadda Ake Raba Hard Disk Gida Biyu (Partition)

    Yadda Ake Raba Hard Disk Gida Biyu (Partition)

    Akwai bambanci tsakanin formatting (kankare Hard Disk) da kuma Partition (raba Hard Disk). Shi formatting yana kankare dukkan abin da aka zuba a cikin Hard Disk ya koma babu komai a ciki.

    Shi kuwa Partition ba ka dama yake ka raba Hard Disk gida biyu ko fiye da haka, sabo da wani dalili irin wanda mai tambaya ya ce “Ina son in raba Hard Disk ɗina ta yadda zan iya ajiye kayana a cikin ɗaya in kuma ɗora Windows a kan ɗaya ta yadda idan na’urar ta sami matsala nan gaba, ba zan rasa ayyukana ba”.
    Akwai hanyoyi da dama da za a iya bi domin haƙarka ta cimma ruwa, amma yanzu bari mu yi amfani da hanyoyi guda biyu (2) da kowanne ka ɗauka zai kai ka ga biyan bukatarka.
    1. Rabawa lokacin ɗora Windows
    Mu ɗauka ka ɗauko sabuwar na’ura wacce babu kamai a cikin Hard Disk a wannan lokaci, kafin ka iya amfani da ita na’urar dole sai ka ɗaura mata Operating System (Windows).
    Bayan ka sanya CD ko DVD na Windows cikin na’urar za ta yi ƙoƙarin tashi daga wannan CD, idan kuwa daman akwai Windows a kan wannan Hard Disk, to dole sai ka shiga cikin CMOS da BIOS Setting ka canza yanayin tsarin tashin ita wannan na’ura. Dalilin yin hakan kuwa shi ne, idan ba ka canza yanayin abin da za ta tashi da shi ba, domin ita na’ura sai ka gaya mata abin da kake son ta yi kafin ta yi abin da kake son ta yi, kamar an ce mata ta rinka tashi da Hard Disk, to ka ga idan buƙatar ta shiga ta CD ya zo, ka ga dole ka canza mata tsari. Wurin da ake canza wannan tsari shi ne wajan canza setin BIOS/CMOS, idan ba ka san abin da ake nufi da CMOS ko BIOS ba sai ka duba ɗaya daga cikin rubuce-rubucenmu.
    Hanyar da za ta ba ka damar shiga BIOS
    Kowane kamfani da yake ƙera Computer yana da tsari da hanyar da ake shiga wajen shirya BIOS/CMOS (ga wanda yake buƙatar cikakken bayanin yadda BIOS da CMOS ya duba darasinmu na BIOS DA CMOS ƊANJUMA DA ƊANJUMMAI).
    Kusan dukkan Computer da take komai da komai kamfani ɗaya ya yi ta ana kiranta da Branded System wacce da Monitor, da Mouse da Keyboard da System Unit kamfani daya ya yi su, kamar kaga Computer HP ce, ko Dell ko Acer ko Toshiba ko kuma Latptop da dai makamantan su, to su ana latsa F10 ko F2 na jikin Keyboard a zarar ka kunna na’urar. Domin gane yadda za ka iya shiga BIOS ɗinka, lura a lokacin da ka kunna Computer tana rubuta wasu rubutu a ƙasa, kusan su ne farkon rubutun da za ta fara rubutawa kamar haka (F2 Setup) ko (F10 Setup) ko (Del to enter setup)da dai makamantan su. Abin da ake nufi shi ne idan ka latsa wannan Key a daidai wannan lokaci idan ka dace da yin haka, maimakon ta ci gaba da bude Windows sai kawai ta shiga BIOS.
    GARGARDI shiga BIOS yana da hatsari ga wanda bai san yadda zai yi amfani da shi ba, sabo da haka Duniyar Computer ba ta ɗauki alhakin lalacewar na’urarka idan har ka tsallake hanyoyin da ta nuna maka, idan ka shiga wurin. Abin da muka ce a yi, sai a yi shi kawai, idan kuwa ka taɓa wani wuri, wani abu ya ɓaci kada ka ce ba mu faɗa maka ba. A kiyaye.
    Idan kuwa computerka ba Branded ba ce, wato hade-hade ce, to, za ka latsa Delete key (Del) a jikin Keyboard ɗinka domin ya ba ka damar shiga wajen shirya BIOS.
    Bayan ka shiga cikin BIOS Setup, za ka wuce kai tsaye wajen da za ka zaɓi wani abu ne cikin abubuwan da na’ura za ta iya tashi da shi, za ka zaɓa, domin ita na’ura tana iya tashi da abubuwa kusan guda goma (10) wanda duk sanda ta ji ɗaya daga ciki a jikinta idan an ce shi za ta fara nema, idan ba ta gan shi ba, ta nemi na gaba har zuwa na ƙarshe, abubuwan su ne kamar haka: Floppy
    · LS120
    · Hard Disk
    · CDROM
    · USB FDD
    · USB ZIP
    · USB CDROM
    · Legacy LAN
    · Realtech Boot A gidan a laptop ce ko Branded System ce (tun da duk Laptop Branded System ce) za ka wuce wurin da aka rubuta (Storage) (Za ka yi amfani da Keys wanda suke jikin keyboard daga gefen hagunka da alamun mashi guda huɗu, ɗaya na kallon sama ɗaya na kallon ƙasa, ɗaya na kallon dama, ɗaya dayan kuma yana kallon hagu) da zarar ka kai kanshi zai buɗe, daga can ƙasa za ka ga an rubuta (Boot Order) idan ka hau kai, sai ka danna (Enter Key) zai sake fito maka da ɗan ƙaramin falle, wanda za ka ga an rubuta Boot Order, to a nan, za ka ga ɗaya daga cikin waɗancan abubuwa da muka lissafa na Floppy da CDROM da Hard Disk, to ka lura da kyau, wanda ka ga a gefensa an rubuta First, to yana nufin shi ne wanda Computer za ta fara nema idan za ta tashi, nan sai ka canza shi zuwa CDROM idan CDROM din yana haɗe da Computer ne. Amma idan CDROM ɗin irin wanda ake ƙarawa na’ura ce, wato External CDROM za ka zaɓi USB CDROM ne. Idan kuwa irin su Mercury Board ne ko kuma Phoenix da dai makamantan su, su bayan ka samu ka danna Del Key ka shiga cikin BIOS setup, sai ka gangaro zuwa inda ka ga an rubuta Advaced Chipset Features sai ka danna Enter Key a jikin Keyboard zai shigar da kai wani shafi, to, a shafin za ka rubutu a jere da yawa, ka lura da inda aka rubuta First Boot Device idan ka zo kai sai ka danna Enter Key daga nan za ka ga an jero maka waɗancan abubuwan da na’ura ke iya tashi da su, sai ka zaɓi CDROM sannan ka latsa F10 domin ya ajiye canjin da ka yi, sannan ka sake danna F10 domin ya fita daga wannan gida na seta BIOS/CMOS.
    Wannan shi ne a takaice bayanin yadda za ka iya shiga BIOS ka zaɓi abin da kake son na’urarka ta fara nema idan za ta tashi
    Da zarar ka sake kunna na’urar, tun da ka umarci ita na’urar ta tashi ta CDROM, kuma ka riga ka sa mata Windows Installation CD (shine CD da zai ba ka damar ka sawa na’ura window) to, za ma ka ji da kanka CD yana juyawa da karfi, a daidai wannan lokacin, ka lura da kyau za ka ga a jikin Monitor ɗinka an rubuta Press any key to boot from CD a daidai wannan lokacin idan ka latsa ko wani irin Key ne zai shigar da kai tafarkin yadda za ka raba ko kuma sanya Windows a na’urarka. Da zarar ya shiga za ka ga shuɗi (Blue Screen) launi a Monitor ɗinka sai ka bar shi ya gama rubuce-rubucensa har ya tsaya, idan ya tsaya, sai ka bi wannan jerin abin da zan rubuta. Mu ɗauka kana son ka yi installing Windows XP ne.
    1. Enter Key = Wannan shi ne zai ba ka damar cewa kana son ka saka sabon Windows XP a jikin wannan na’ura
    2. F8 Key = bayan ya wuce wancan rubutu zai fito maka da wasu rubuce-rubuce na alkawari da za ka ɗauka tsakanin ka da kamfanin Microsoft da kuma dokokin amfani da kayansu. Danna wannan F8 ɗin da ka yi, ka na gaya musu cewar ka amince da dukkan tsare tsarensu.
    3. ESC Key = bayan ya wuce wancan dokoki zai fito maka da shafin da zai tambaye ka, kana son ka gyara tsohon Window XP da yake cikin wannan na’ura ko kuma kana son ka sa sabon Windows XP ne, ko kuma kana son ka fita da ga Setup ɗin gaba daya? To, latsa ESC dake jikin Keyboard kana gaya mai cewar za ka sa sabon Windows XP ne.
    4. D key = da zarar ka danna ESC zai fito maka da shafin da zai jero maka Hard Disk da suke jikin wannan Computer, a lokacin idan an taɓa Installing Windows a kanta, za ka ga Hard Disk ɗin ya kasu kashi biyu ko fiye da haka, wanda yake da manyan lambobi da wanda yake da ƙnanan lambobi, to kai tunda maƙasudin zuwan ka nan, domin ka raba Hard Disk ɗinka gida biyu ne, to dole ka goge wannan babban Partition. Idan ka hau kan wannan Partition ka danna D key a jikin Keyboard ɗinka, kana nuna cewar ta goge wannan Partition kuma hatsarin dake ciki shi ne, idan kana da mahimman ayyuka a kan wannan Hard Disk to komai fa ya tafi. To, mu ɗauka ba ka buƙatar komai dake kan wannan Hard Disk idan ka latsa D komai ya tafi.
    5. L Key = to bayan ka danna D, sai ka danna L a jikin Keyboard, yin haka kana gayawa ita na’urar cewa ta goge duk abin da ke cikin Hard Disk
    6. C Key = bayan ta gama sharewa, za ta sake dawo da kai wajen nan na farko, inda za ka zaɓi Hard Disk da za ka yi Installation na Windows, to za ka ga Hard Disk ɗin ya koma ɗaya, amma an rubuta a gabansa cewar (Unrecognized) ma’ana na’urar ba ta gane shi ba, a daidai wannan lokaci sai ka latsa C a jikin Keyboard dinka, danna wannan key yana gaya mata cewar kana son ka ƙirƙiri sabon Partition. To, a wannan lokaci sai ka rubuta girman Partition da kake so, idan kana son babba da ƙarami ko kuma kana son dukkansu su zama da girma, iya number da ka rubuta iya girman wannan Partition.
    2. Amfani da Software wajen Partition
    Amma idan kana amfani da ita wannan computer, wataƙila sai yanzu ka gano cewar kana buƙatar ka yi Partition na Hard Disk ɗinka, ga shi kuma akwai muhimman ayyukanka wanda idan ka ce za ka bi waccan hanya ta farko, za ka rasa su, gashi babu inda za ka ajiye su ayyukan naka, idan ka yi amfani da hanya ta farko. To wannan ba matsala ba ce, domin akwai waɗansu Program na musamman da suke yin irin waɗannan ayyuka. Kaɗan daga ciki sun hada da:
    1. Paragon Partition Manager (na kuɗi ne)
    2. Acronist Partition Manager (na kuɗi ne)
    3. Cfdisk (na kyauta ne)
    4. BeOS Partition Manager (kyauta ne)
    5. Logical Disk Manager (Disk Management Console) da makamantan su waɗanda za ka yi amfani da su, su kuma ba ka damar raba Hard Disk ɗinka ko da kuwa gida nawa ne, irin waɗannan program suna da saukin amfani, sannan kuma ba su da matsala wajen kawar da dukkan abin da zai taɓa maka ayyukanka, sannan idan kana son ka ƙara yawan filin Hard Disk ko kuma rage yawan fili da dai makamantansu. Amma wani hanzari ba gudu ba, wasu daga cikin waɗannan Program ba kyauta ake siyar da suba, su na da ɗan kuɗi kaɗan. Za ka iya bincikar Partition Software a internet, da yadda za ka yi amfani da su. Domin karanta cikakken bayani a kan Yadda Ake Samar Da Website Na Kyauta Ta Hanyar Amfani Da Google Site danna nan.
  • Yadda Ake Buɗe Transfer A Layin MTN Cikin Sauƙi.

    Yadda Ake Buɗe Transfer A Layin MTN Cikin Sauƙi.

    Bayani kan yadda za a iya buɗe transfer a layin MTN, a kan waya cikin sakan biyar (5).

    Mafi yawan masu amfani da layin sadarwa na MTN kan sha wuya, ko ɓata lokaci wajen neman yadda za su tura kuɗi ta kan layinsu ya zuwa wani layin na MTN. Waɗansu kan yi tattaki har cikin kamfanin MTN domin a yi musu register kafin su fara tura kuɗi.

    Hanya ta farko, kuma mafi sauƙi wajen bude transfer a layin MTN, shi ne ta hanyar amfani da USSD code (*123#).

    Hanya ta biyu, ita ce hanyar tura sako ya zuwa kamfanin MTN, sannan su bude maka nan take.

    Yadda ake buɗewa (Register)
    Da farko a tabbatar wani bai taba bude transfer da layin ba. Sannan numbobin da za a saka wajen buɗewa, su zama na sirri ne, ba tare da an sanar da wani ba.

    Da farko za a dannan star 600*1234* sannan a zabi numbobi guda hudu, wanda sune ake amfani dasu a ƙarshe wajen tura kuɗi, sai a ƙara danna star (*), sannan a ƙara saka numbobi huɗun da aka zaɓa, sannan a danna hash (#), sai a danna madannin kira. Misali;
    *600*1234*5555*5555#

    Bayan an tura, idan ya nuna;

    “Your PIN have been changed succesfully”

    Register tayi.

    Hanya ta biyu, ta amfani da sakon SMS.
    Za’a shiga akwatin tura sako, sai a rubuta
    1234 sannan a bada tazara (space) sannan a saka numbobi huɗu da ake so misali 5555, sannan a sake bayar da tazara, sannan a tura zuwa ga 777, misali;
    “1234 5555 5555”
    Ba tare da ɓata lokaci ba, za a aiko da sakon cewar registar da aka yi tayi.

    Yadda ake tura kudi.
    Bayan kammala registar, idan za a tura kudi, sai a dannan star(*) (600) sannan star (), sai a saka number wanda ake son turawa kuɗin, sai a ƙara danna (), sai a saka adadin yawan kuɗin da za a tura, wanda yake farawa daga kan #50 zuwa #5000, sannan (), sai kuma numbobi huɗu da aka zaba wajen bude transfer, sai alamar (#) sannan a dannan kira. Bayan gama loading idan ya yi za a nuna

    “Thank you for using share n sale”

    Sannan sako ya shigo wayar na alert, wanda zai tabbatar da transfer ya yi.