AL’ADAR BAHAUSHE

0
921

Abin kunya ne budurwa ta je gidan su saurayinta a Ƙasar Hausa

Da a al’adar Bahaushe, ba yadda za a yi budurwa ta bi saurayi gidan su ko taje wajensa, sabo da kunya da kamun kai irin na Bahaushe.

Amma yanzu don rashi kamun kai da rashin sanin ƙimar kai, sai ta karaɗe dangin su kaf kafin a yi auren.

Don haka, ba mai mararin ganin ta, yayin da aka yi auren, don duk sun gama ganinta, don haka ba za ta yi irin farin jinin da amarya ke yi ba.

kuma yanzu iyaye mata suke ba wa ‘ya’yansu lasisin yin haka,

Domin su ma irin waɗannan iyayen akwai alamun rashin kamun kai a tare da su.

Shi ma kuma saurayin sai yai ta kwasarta, yana yawo da ita, wai shi ga mai budurwa,

Hakan ne yake jawo shi din ma, karan kansa saurayin ba zai damu da ita ba, bayan an yi auren.

Shi ne bayan auren lokaci kaɗan, sai a ga an fara samun matsaloli, ta yau daban ta gobe daban, tunda dama mahaifiyarta ba ta ba ta tarbiyya Mai kyau ba.

A ƙarshe ya kamata mu koma kan al’adar mu ta asali, iyaye su nuna wa ‘ya’yansu cewa ba burgewa ba ce bin saurayi zuwa wani waje, ko da kuwa gidansu ne, ta haka ne zamu kare ‘ya’yanmu daga fadawa cikin rayuwa mara kyau da gurɓatattun halaye.

labarin da ya wuceYadda Ake Miyar Agushi
Labarin na GabaYadda Ake Wanke Flask Ɗin Ruwan zafin Da Ya Dafe Cikin Sauƙi