Ire-iren Kiɗan Fiyano

0
344

Kiɗan fiyano ba kala guda ba ne; ma’ana ba sauti ɗaya ake samu na amo daga fiyano ba, akwai sautuka kala-kala; muhimmai daga ciki kuma sanannu guda uku ne.

Ire-Iren Kiɗan Fiyano su ne:

  • Raps ko Rapping

Rapping na ɗaya daga cikin ire-iren Kiɗan fiyano. Rapping-Wikipedia da The Free Encyclopedia sun nuna Raps na nufin “karatu da sauri ko magana da sauri”. Raps wani salo ne na waƙa wanda ake jin tashin sautin murya da sauri-sauri mai kama da magana.

  • Reggae Reggae

An samo asalin wannan kiɗa ne daga ƙasar Jamaica tun a shekarar 1960, wanda mutanen Jamaica ke amfani da shi wajen kaɗe-kaɗe da raye-rayensu, kuma yana daga cikin tsofaffin nau’o’in kiɗa kamar Ska da Rocksteady. Kiɗan Reggae ya fi sauri a kan Rocksteady amma kuma ya fi kiɗan Ska tsauri.

Ƙamusun Reggae- Wikipedia da The Free Encyclopedia, sun bayyana cewa, asalin kalmar ta fara bayyana a cikin ƙamusun Ingilishi ta Jamaica a shekarar 1967. Waƙar Reggae salonta yana fitar da damuwa a zuciya. Duk waƙar da aka yi da wannan salo, tana da abin da ake kira code, wani nau’in kiɗa daban.

  • Hip Hop

Wani salon kiɗa ne wanda ake yin rap a cikinsa. Salon waƙar Rap da na Hip Hop suna da kamanci, suna maye gurbin juna a wasu lokuta.

Wannan bayanin an ciro shi ne daga Littafin Kiɗan Fiyano A Wajen Hausawa wanda Ibrahim Baba (Nayaya) ya wallafa shi.

Domin karanta cikakken bayani a kan Samuwar Fiyano A Ƙasar Hausa danna nan

labarin da ya wuceRa’in Bincike Hausawa
Labarin na GabaMa’anar Fiyano