Istigfari shi ne neman gafarar Allah Ta’ala da yafiya bisa zunuban da mutum yake aikatawa.
Istigfari ko tuba ba ya zama karɓaɓɓe sai ya cika sharaɗai huɗu:
1- Yin nadama da baƙin ciki a kan zunubin da mutum ya aikata ko yake aikatawa.
2- Niyyar barin zunubin.
3- Barin zunubin nan take.
4- Mayarwa da mai haƙƙi haƙƙinsa, ko neman yafewarsa, in zunubin ya shafi haƙƙin wani a dukiyarsa, ko mutuncinsa, ko jikinsa.
Kaɗan Daga Cikin Amfanin Yawaita Istigfari:
1- Istigfari hanya ce shahararriya zuwa aljanna.
2- Istigfari yana shafe zunubai.
3- Istigfari yana sa Allah ya saukar da albarka ruwa da abinci da ‘ya’ ya da daukiya.
Domin karanta cikakken bayani a kan Shugaban Istigfari danna nan.
Domin karanta cikakken bayani a kan Haƙƙoƙin Shugabanni A Kan Mabiyansu danna nan.
Wannan bayanin an ciro shi ne daga littafin Ingantattun Nafiloli Da Falalarsu; wanda Usman Abubakar Muhammad (Shehu Mansur Dala) ya wallafa shi; Domin karanta cikakken littafin danna nan.
Edita@rumasau-kallamu
