Asalin Samuwar Intanet

0
886

MA’ANAR INTANET

Kalmar Internet kalmomi biyu ne suka haɗu wajen ginuwar ta, wato International da Network, wanda a Hausa muke cewa yanar gizo ko Giza-gizan sadarwa. A maƙalarsa “The Internet as Mass Medium” Farfesa Merril Morris ya ce: “Intanet na nufin haɗe-haɗen dake tsakanin kwamfutoci dake ba su damar miƙa saƙwanni ko karɓa”.

ASALI DA SAMUWAR INTANET.

Wannan tsarin ƙirƙira na fasahar Intanet ta samo asali ne 1964 a ƙasar Amurka ta samar da tunanin tsarin Advanced Research Projects Agency Network (ARPANET) da NODES domin tanadi da kariya bayan yaƙin duniya na II. Sai kuma zangon farko a farkon shekarar 1969CE a University of California, Los Angeles (UCLA), da ‘yan kwamfutoci da ba su shige ɗari ba,

amma a halin yanzu, akwai wajen mutane Biliyan 4.5 da suke ta’amuli da wannan fasaha mafi girma ta ƙarni na Ashirin da daya(21st Century).

Gidan Intanet yana da kofar shiga wato WWW. Wadda ƙa’ida ce da Farfesa Tim Bernes-Lee (Baban Intanet) ya ƙirƙira a shekarar 1991 da Hypertext Markup Language (HTML), da zarar ka shiga farfajiyar gidan, akwai biliyoyin ɗakuna wanda kowa da irin wainar da yake toyawa a irin nasa ɗakin

Fasahar Intanet tana da muhimman ɓangarori, daga cikinsu akwai fasahar imel (E-Mail), shafukan yanar gizo(Web), shafukan sada zumunta (Social Networking Sites), wasanni da shaƙatawa a yanar gizo (online gaming) da kuma Software Update.

Marubucin shahararriyar mujallar The Future Organization Farfesa Jacob Morgan ya bada ma’anar IoT (Internet of things) da cewa:
“Tsari ne na auratayya tsakanin shafukan sada zumunta da kayayyakin gida, abubuwa marasa rai ko dabbobi ta yadda za su iya sarrafa kansu ta hanyar UIDs (Unique Identifiers)”
Fasahar IoT a shekarar 2012 tana ƙunshe da na’urori mabambanta kimanin Biliyan 8.7, amma daga watan Yuli, 2019 wancan adadi ya hauhawa zuwa Biliyan 26.66. Manazarta alƙaluma sun tabbatar da cewa zuwa 2025 za a samu na’urori a kan IoT kimanin Biliyan 75.447. Tirkashi!, akwai abin lura game da wannan alƙaluman da hasashen.

Danna koren rubutun nan domin karanta amfani da hadurran shafukan sada zumunta 

labarin da ya wuceAmfani Da Haɗurran Shafukan Sada Zumunta
Labarin na GabaTarihin Samuwar Shafukan Sada Zumunta

YI SHARHI

Yi haƙuri ka yi sharhinka kai ma.
Yi haƙuri ka rubuta sunanka a nan