WikiHausa

Tag: cancer

  • Breast Cancer

    Breast Cancer

    Matan da kan shayar nada ƙarancin yiwuwar haɗuwa da cutar sankarar nono wato ‘breast cancer’ da ƙarancin haɗuwa da Kansar kwanson ƙwayayen halitta wato ‘ovarian cancer’ ƙarancin haɗuwa da ciwon zuciya,cutar shanyewar ɓarin jiki,haɗuwa da ciwon sugar tare da samun kariya daga cutar damuwa dakan shafi wasu matan bayan haihuwa.

    Gwargwadon tsayin lokacin da kika ɗauka kina shayarwa gwargwadon kariyar da za ki samu daga waɗancan cuttukan, wacce ta shayar da yaro iya wata 12 kacal ba za ta sami kariya kamar na wacce ta shayar tsawon watanni 18, shekara 2 ko 3 ba.

    Haka gwargwadon tsayin lokacin da kika ɗauka kina shayarwa gwargwadon lafiyar yaro ko yarinyar ki, duk me son lafiyayyar zuri’a toh ya shayar na ɗan lokaci me tsawo. 

    An yi abin ne don a shayar ba domin ai ado kurum ba.

    Domin karanta amsar wannan tambayar Wani Lokacin Ina G.O.P.D Danna nan

  • Alamomin Cancer

    Alamomin Cancer

    Cikakken bayani akan kansa wanda ya haɗa da hatsarin ta, alamomin kamuwa da ita 

    Mecece Cancer? 

    Cancer tana iya kama ko wane ɓangare na jikin ɗan Adam hakan yana faruwa idan jinin wurin ya gaza aikin sa, hakan yakan janyowa jiki ya kasa aikin da ya kamata, ita cancer akan iya maganin ta, domin kuwa an yi wa mutane da yawa sannan sun cigaba da rayuwar su kamar sauran jama’a. 

    Za mu ba ku cikakken bayani akan cancer da kuma yanda ake maganin ta. za ku samu cikakken bayani akan cancer da kuma ma’anar ta a ƙarshen wannan rahoto. 

    Yana da kyau ku san Ba Kowane Ciwon Ƙirji Ba ne Ulcer

    Asalin Cancer

    Cancer bawai cuta ce guda ɗaya ba ta rabu kala kala, cancer takan iya farawa daga huhu, nono, ciwo ko kuma ta jini, cancer takan iya kamuwa ta gurare da dama amma kuma hanyoyin yaɗuwarta sun bambanta. 

     Ta Yaya Cancer Ke Farawa?

    Kowace ƙwayar halitta ta jikin mu akwai aikin da take yi ita asalin ƙwayar halittar takan kasu kashi kashi suna mutuwa idan aka fitar da su ko kuma suka lalace sai wata ƙwayar ta maye gurbinsu a irin wannan lokaci ne cancer ke samun gurin zama ta zuba tata ƙwayar halittar ta kori asalin ƙwayar halitta, hakan yana janyo matsaloli a sassan jikin da cancer ta kama, ƙwayar cutar kansa takan watsu a sauran sassan jiki.

     Misali

    Kansar hunhu takan tafi cikin ƙasusuwa ta girma, a yayin da ƙwayar cancer ta yaɗu ana kiranta (meh-tas-tuh-sis) ita kuma cancer huhu idan ta tafi cikin kasusuwa ana kiranta (Lung Cancer) a turance, a ɓangaren likitoci ƙwayar cancer da ta shiga cikin ƙashi daidai take da ta huhu sai dai idan ta yaɗu a cikin ƙashin. 

    Domin karanta bayani akan Samiha-Borin Jini {Hives,Urticaria,Neetle Rash} Danna nan

  • Amfanin Nonon Raƙumi A Jikin Ɗan Adam

    Amfanin Nonon Raƙumi A Jikin Ɗan Adam

    CUTUTTUKAN DA NONON RAƘUMI YAKE MAGANI A JIKI

    A wasu lokuta da suka shuɗe a  baya, mutane na ɗaukar nonon raƙumi a matsayin abinci ga ‘ya’yan raƙuma ko ga masu kiwon raƙuma kawai. Sannu a hankali sai gashi bincike ta 6angaren magunguna sun kai ga gano alfanun nonon raƙumi.
    Akwai wani lokaci a zamanin Manzon Allah (S.A.W) da wasu mutane suka je Madina, sai rashin lafiya ta kama su, mai nasaba da cutukan ciki, sai Manzon Allah (S.A.W) ya umurce su, da su gauraya nonon raƙumi da fitsarinsa, sannan su sha.
    Suna sha kuwa, nan take sai suka warke. Hadith:Bukhari(2855) da Muslim (1671).
    Wannan wani dalili ne babba da za mu yi amfani da shi, wajen kafa hujja cewa tabbas nonon raƙumi na ƙumshe da magani.
    A bincike na kimiyya, an tabbatar nonon raƙumi na ɗauke da wasu ɗimbin sinadirai masu amfanar jiki, kamar su na Vitamin C wanda ya ninka Vitamin C din dake a cikin nonon saniya fiye da sau goma. Sai sinadiran calcium masu ƙarfafa karfin ƙassa da haƙora (bones and teeths). Ga su Sodium,Vitamin A da vitamin B2, sinadiran iron,copper,magnesium,phosphorus,selenium,potassium da dai makamantansu.
    Da ɗimbin sinadaran dake a cikin nonon raƙumi da kuma anti microbial properties din da yake ɗauke da su, sun ba shi damar kasancewa magani sosai, dama kariya ga wasu cutuka, inda yake ƙarfafa garkuwar jiki (immunity).
    1-Yana taimakawa wajen kaiwa da kawowar jini a cikin jijiyojin jiki (proper blood circulation)
    2-Yana maganin kumburin ciki dama ciwon ciki.
    3-Yana sa girman jikin ɗan Adam.
    4-Yana kare cutukan dake yi wa ciki da hanjin cikin dameji (celiac disease)
    5-Yana aiki dan tabbatar da lafiyar zuciya.
    6-Yana maganin ciwon suga (diabeties).
    7-Yana maganin ƙazuwa.
    8-Yana kare ƙoda daga kumburi (kidney imflammation) ya kuma kare mafitsara da sauwake fitar fitsari ba tsaiko (renal protection)
    9-Yana maganin cutukan daji wato (cancer) kama daga kansar mama, ciki, huhu, ko ta fata waton (skin cancer)
    10-Masu fama da kumburin ciki da yawan rugugin ciki da tashin zuciya da bayan gari mai wahala, sai su rinƙa shan nonon raƙumi.