WikiHausa

Tag: Nama

  • Yadda Ake Ƙosan Dankali Mai Haɗe Da Nama

    Yadda Ake Ƙosan Dankali Mai Haɗe Da Nama

    • Dankali
    • Nama
    • Kwai
    • Attaruhu
    • Albasa
    • Maggi
    • Gishiri
    • Man gyaɗa
    • Fulawa ko garin busashen buredi

    *YADDA AKE HAƊAWA*

    Da farko ki wanke nama ki zuba a tukunya sai ki zuba maggi da gishiri ki tafasa sai ki kwashe ki zuba a turmi ki jajjaga tare da albasa da attaruhu idan ya yi laushi sai ki kwashe a kwano ko roba. Sannan ki dawo kan dankalin turawa ki tafasa ya yi laushi sai ki murmushe shi ko kuma ki jajjaga a turmi sai ki kwashe shi a cikin kwanon da kika kwashe naman da kika jajjaga, sai ki ɗauko ƙwai ɗanye ki fasa a kai, ki zuba fulawa ko garin busasshen buredi a ciki, ki sa gishiri da maggi ki juya sosai. ki ɗauki farantin suya ki zuba man gyaɗa ki ɗora a kan wuta ki dinga ɗiba kina zuba wa a cikin man gyaɗa mai zafi idan ya soyu za ki ga ya yi brown sai ki kwashe. Ki yi wa Oga ya yi breakfast da shi.

    ƘOSAN DANKALI 

    *KAYAN BUKATA*

    • Dankalin turawa
    • Nama
    • Fulawa
    • Kwai
    • Albasa
    • Attarugu
    • Gishiri
    • Maggi
    • Man gyada

    *YADDA AKE YI*

    Ki jajjaga albasa da attaruhu ki kwashe a kwano ko roba sai ki ɗauki dankali ki tafasa ki zuba a turmi ki daka shi amma kar ya yi laushi sai ki kwashe a cikin kwanon da kika zuba jajjagen attaruhu da albasa ki tafasa nama shi ma ki daka a turmi duk ki haɗa da sauran kayan haɗin ki juya, sai ki dinga mulmulawa kina tsomawa a ruwan ƙwai ki juya shi a cikin fulawa ki jefa a cikin man gyaɗa mai zafi ki soya, akwai daɗi matuƙa…

    Don karanta Yadda Ake Plantain Pie danna nan

    Edita@rumasau-kallamu

  • Yadda Ake Tsiren Nama

    Yadda Ake Tsiren Nama

    A yau za mu koyi yadda ake tsiren nama; Tsiren nama abinci ne mai matuƙar daɗi musamman ma idan aka haɗa shi yadda ya kamata, kuma aka lura da dukkanin tsabtar abubuwan amfanin zuwa kayan haɗawar.

    Abubuwan Da Ake Buƙata:

    • Tsokar nama
    • Jajjagen attaruhu da albasa
    • Magi
    • Curry
    • Spices
    • Fennel seed
    • Albasa
    • Tattasai
    • Koren tattasai
    • Tumatir
    • Garin yaji
    • Tafarnuwa domin buƙata
    • Mai
    • Tsinken yin tsare
    • Bama

    Yadda Ake Haɗawa

    1. A sami nama me kyau gurin tsoka inda babu jijiya, sai a yayyanka shi madaidaita.
    2.  A wanke shi tas a caccaka masa wuƙa saboda Idan an yi haɗi ya ratsa cikin, a tsane ruwan. Sannan a saka fennenl seed.
    3. A jajjaga tafarnuwa Idan ana buƘata, curry, spices, garin citta, Maggi, bama, jajjagen taruhu da albasa kaɗan, da garin yaji shi ma kaɗan.
    4. Sai a jujjuya sosai har ko’ina ya ji, sai a saka a fridge na tsawon awa 1 da rabi. Sai a jiƙa tsinken yin tsire a ruwa na mintuna 30 sannan a cire.
    5.  A yayyanka albasa yankan manya, tattasai ma haka, tumatir da koren tattasai duk a yi musu yankan manya.
    6.  Sai a ɗauko tsinken a soka albasa, sannan nama, sannan Koren tattasai sannan nama sannan albasa sai tumatir, sai jan tattasai haka za a yi ta yi har a gama.
    7. Sai a kunna abin gashi, Idan ya yi zafi sai a ɗauko tsiran, a jera sannan a yaryaɗa mai a kai sai a bar shi ya gasu, a dunga juyawa akai-akai saboda kar ya ƙone.
    8.  Ana yi ana yaryaɗa mai har a gama. Za a ji yana ƙamshi.
    9. Idan aka tabbatar ya gasu, sai a cire a saka a kwano ko faranti.
    10. A ci da ɗuminsa ya fi daɗi. Za a iya saka wa a tsakiyar bread a ci. Shi ma akwai daɗi.

    Domin sanin Yadda Ake Onion Rings danna nan.

  • Yadda Ake Gas Meat

    Yadda Ake Gas Meat

    A yau za mu koyi yadda ake gas meat.

    Abubuwan Da Ake Buƙata:

    • Jan nama
    • Albasa ko lawashi
    • Markaɗaɗɗiyar gyaɗa
    • Kori
    • Thyme
    • Tattara
    • Attaruhu
    • Tumatur kaɗan
    • Maggi
    • Kabeji
    • Tafarnuwa
    • Foil paper ko takardan cementi
    • Da leda baƙi

    Yadda Ake Haɗawa

    1. A wanke nama.
    2. A yanka albasa ko lawashi.
    3. A jajjaga tattara da attaruhu.
    4. A yayyanka tumatur.
    5. A haɗa nama, albasa, da kayan miya, da gyaɗa, kori, thyme, maggi da sauran kayan ƙamshi a gauraya, idan ana so a sa tumatur ko kuma a bar shi sai bayan kori ya nuna a zuba shi ɗanye a kan naman a ci.
    6. A juye haɗin baki ɗaya a cikin foil paper a kunshe ko kuma a leda, sai a sa ledar a cikin takarda, takardan kuwa a cikin wani leda.
    7. A ɗora tukunya da ruwa, idan ya yi zafi ko ya tafasa a dora matsami kamar za a yi dahuwar dambu, a dora ƙunshi a kai a rufe da marfin tukunya a bari ya nuna.
    8. Idan ya nuna za a iya garnishing da cabbage, tumatur, koren tatttasai a ci.
    9. Za a iya kuma amfani da oven in da hali ba dole sai tukunya ba.

    Domin sanin Yadda Ake Stuffed Meat danna nan

  • Yadda Ake Stuffed Meat

    Yadda Ake Stuffed Meat

    A yau za mu koyi yadda ake stuffed meat.

    Stuffed meat abinci ne da ake yin sa daga nama, yana da matuƙar daɗi musamman ma wajen karin kumallo na safe ko tarbar baƙi.

    Abubuwan Da Ake Buƙata

    • Nama me girma
    • Kakide (kitse)
    • Butter
    • Tumatur
    • Jan tattasai
    • Green pepper
    • Albasa
    • Nama sala sala masu kauri
    • Kayan ƙamshi
    • Citta

    Yadda Ake Haɗawa

    1. A wawwanke cikin naman nan a yi aljihu biyu abar kasan naman kar a yanka shi.
    2. A ɗumama butter a soya tumatu a yanka tattasai duka a cire ‘ya’yan a soya da albasa.
    3. A zuba naman nan sala-sala a ciki a zuba maggi da kayan ƙamshi.
    4. A zuba kwatan naman nan da hadi a aljihu daya, kwata a daya aljihun sannan a zuba rabi a saman.
    5. A nannaɗe a ɗaure a sa abu me nauyi a danne.
    6. Asa a gwangwanin baking a gasa ana zuba kakide a hankali har ya gasu.
    7. A barbaɗa kayan yaji a kai in ana so.

    A ci da daɗi.

    Domin sanin Yadda Ake Bandashe danna nan

  • Yadda Ake Bandashe

    Yadda Ake Bandashe

    A yau za mu koyi yadda ake bandashe.

    Bandashe abinci ne da ake yin sa daga gurasa, yana da sauƙin sarrafawa da daɗin ci, musamman ma a wajen karɓar baƙi da wuraren taruka.

    Abubuwan Da Ake Buƙata:

    • Gurasa mai gishiri
    • Dakakken ƙuli-ƙuli
    • Albasa
    • Tumatir
    • Mai

    Yadda Ake Haɗawa

    1. A sami gurasa a saka ta a cikin ruwan ɗumi, ta yi kamar sakan biyar a ciki sai a cire.
    2. A tsanar da ita, ko kuma a turara ta, abin da dai ake so shi ne, gurasar ta yi laushi sosai.
    3. Sai a zuba mai gaba da bayanta, sai ki kawo ƙuli-ƙuli a barbaɗa, shi ma gaba da baya; sai ki yanka tumatir da albasa da cocomba, idan ana so ma har kabeji ana iya sawa a kai.
    4. Idan ana buƙata ana iya kara mai, domin ya ji, a tabbatar ƙuli-kulinki ya ji magi; ba sai an zo ana ƙarawa a kai ba, ba zai taɓa yi ba.

    Domin sanin Yadda Ake Gurasar Oven danna nan

  • Yadda Ake Dambun Nama

    Yadda Ake Dambun Nama

    Dambun nama nau’in sarrafa nama da ake yi a Arewacin Nijeriya. Ana iya yin dambun nama da kalolin nama kamarsu: naman rago, naman akuya ko kuma naman kaza da sauran dangogin nama. Ana ajiye dambun nama domin tarairayar mai gida, ko kuma saukar baƙi na musamman.

    Ko kun san za ku iya ajiye dambun nama na tsahon lokaci mai yawa, ba tare da ya yi komai ba.

    Abubuwan Da Ake Buƙata

    1. Nama
    2. Kayan ƙamshi
    3. Kori
    4. Thyme
    5. Sinadarin ɗanɗano
    6. Yaji haɗaɗɗe
    7. Albasa da tafarnuwa

    Yadda Ake Haɗawa

    1. Da farko za a sami nama, a yanke wajen da babu kitse sai a wanke nama ya fita tas.

    2. A cikin tukunya babba a zuba wannan nama da wadataccen ruwa, sai a zuba su albasa, kayan ƙamshi, kori, thyme da ɗan sinadarin ɗanɗano.

    3. A bar naman ya dahu sosai, har sai naman ya fara dagargajewa….in ruwa ya kusa ƙarewa sai a ƙara ruwa domin ya isa dafa naman.

    4. Cikin turmi mai tsafta a zuba nama a daka har sai ya daku.

    Daga Hafsat_Shettimah: Wasu daga wannan gaɓar suke zuba mai a cikin tukunya, su yi ta juyawa, har sai naman ya soyu amma ni ga yadda nake nawa.

    5. A zuba wadataccen mai cikin tukunya mai zurfi, sai a zuba wannan dakakken nama, a yi ta juyawa da muciya, har sai nama ya fara yin ja, sai a ɗebo wannan yaji a zuba. A nan za a sake jin ƙamshin ya tashi sosai.

    6. A wannan lokaci naman ya kusa sauka, sai a kula da wajen juyawa domin kar nama ya soyu da yawa ko ya ƙone. A kula wurin juyin, domin in an bar shi zai ƙone.

    7. A sami kalanda mai kyau, da tukunya sai a juye sai a bar shi har sai man jiki ya tsane tas da kansa…

    8. Wurin ajiyar dambun kuma, ana iya samun aluminium foil paper sai a juye sannan a saka cikin roba mai murfi a ajiye. Wannan zai iya yin shekara ba tare da ya yi komai ba.

    Domin sanin Yadda Ake Girebe danna nan.

  • Yadda Ake Spicy Meat

    Yadda Ake Spicy Meat

    A yau za mu koyi yadda ake spicy meat. Spicy meat abin ci ne da ake yin yinsa da nama.

    Abubuwan da ake buƙata:

    • Nama
    • Mai
    • Tafarnuwa
    • Gishiri
    • Maggi
    • Curry
    • Kwai
    • Attaruhu
    • Albasa

    Yadda ake haɗawa:

    1. A markaɗa ɗanyan nama mara kitse, tare da albasa curry maggi gishiri da tafarnuwa,
    2. Idan ana son attaruhu za a iya sawa, amma in ba a so ba dole ba ne.
    3. Sai zuzzuba a leda a ƙulle kamar alala, a zuba a tukunya a dafa idan ya yi kamar minti 30 a sauke.
    4. Sai a cire shi daga ledar, za a ga ya cure, sai a yi masa yankan da ake so, sai a fasa ƙwai a sa magi 4 a kaɗa, a dinga tsomawa a ƙwan, a na soyawa za iya ci da komai.

    Domin sanin Yadda Ake Alalan Shinkafa danna nan

  • Yadda Ake Dambun Nama

    Yadda Ake Dambun Nama

    A yau na zo mana da yadda ake haɗa dambun nama; na kaza ko dai na jan nama. Danbun nama na daga cikin abincin da ake samarwa daga nama. Yana da matuƙar daɗi.

    Abubuwan da ake buƙata

    • Nama/kaza
    • Taruhu
    • Albasa
    • Tafarnuwa
    • Seasoning
    • Man gyaɗa

    Yadda ake haɗawa

    1. Da farko za a wanke nama, ko kaza, a zuba cikin tukunya, a zuba albasa da taruhu da tafarnuwa.
    2. A ɗora a wuta, a bar shi, ya yi ta dahuwa kamar awa 4/5 yana dahuwa.
    3. Idan an sauke, sai a raba shi da ƙashi da kitsensa, ko fata duka, a cire a mayar da tsokar a sa muciya a tuƙe shi, a sa seasoning da spices.
    4. Sai a zuba man gyaɗa har ya rufe naman a soya. Ba za a ɗaga ba, a na yi ana juya shi har ya yi.
    5. Sai a kwashe a saka a cikin abun tata a matse man. A tabbatar ba sauran mai, sai a zuba cikin sieve ko colander. A ci lafiya

    Domin sanin Yadda Ake Egg Muffin danna nan

  • Yadda Ake Egg Muffin

    Yadda Ake Egg Muffin

    Egg muffins abinci ne da ake yin sa daga ƙwai; ƙwai na da matuƙar amfani. Egg muffin yana da daɗi a karin kumallo ko tarar baƙi.

    Abubuwan da ake buƙata

    • Ƙwai Dafaffe
    • Dankali Turawa
    • Dafaffafen nama
    • Koren tattasai
    • Tarugu
    • Albasa
    • Maggi
    • Curry da thyme
    • Gishiri kaɗan
    • Butter Ko mai
    • Baking power

    Yanda ake haɗawa

    1. A yayyanka nama, albasa, taruhu da dafaffen ƙwan. Amma kar a sa dafaffen dankali
    2. A kawo Curry da thyme kaɗan a sa, A ɗauko Maggi na ruwa a sa (za a iya amfani da su ne normal Maggi). Sai a juye a ajiye a gefe
    3. A sami ƙaramin kwano a fasa kwai, a ciki sai a sa baking powder sai gishiri kaɗan Sai a kara juyashi
    4. A ɗauko muffin pan a shafa mishi mai ko butter
    5. Sannan ki ɗauko Dafaffen dankali (yankakke) kisa a ciki
    6. Sai a sa a cikin oven a gasa, har sai ya gasu (ya zama golden brown)
    7. Za a iya ci haka ko kuma a haɗa shi da soyayyen dankali Turawa. A ci daɗi lafiya

    Domin sanin yadda ake potato balls danna nan

  • Yadda Ake Kebab Sabon Salo A Sauƙaƙe.

    Yadda Ake Kebab Sabon Salo A Sauƙaƙe.

    Barkan mu da  kasancewa a fannin girke-girkenmu na WikiHausa, za mu koyi yadda ake kebab sabon salo a sauƙaƙe. Tare da ni Hafsat Shehu. 

    Abubuwan haɗawa
    1. Jan nama kilo
    2. Albasa 1
    3. Maggi 4
    4. Yajin barkono  cokali
    5. BBQ sauce chokali
    6. Ƙli-ƙuli (gari)
    7. Kayan ƙamshi
    8. Man gyaɗa ¾ cup
    9. Koren tattasai 2
    Yadda ake haɗawa
    1. Da farko za ki wanke namanki, ki masa yanka mai fadi ki ajiye a gefe.
    2. Sai ki haɗa yajin da man gyaɗa da garin ƙuli-ƙulinki da BBQ sauce ki sa maggi da kayan ƙamshi sai ki kwaɓa.
    3. Sai ki dinga shafawa a jikin naman gaba da baya.
    4. Sai ki kawo baking tray ki sa naman, sai a saka a oven bayan minti 15 sai a duba a juya shi, sannan a ƙara yaryaɗa haɗaɗɗen mai. Kar ki sa wutar ta yi yawa.
    5. Idan ya yi, sai ki sauke, ki yanka daidai misali, ki yanka albasa da koren tattasanki sannan a mayar oven na minti 2-3 sai a sauka domin albasa da tattasai su rusuna.
    Domin koyan Yadda ake danderun nama sabon salo danna wannan koren rubutun.