Shugabanmu Annabi Muhammad (Sallallahu alaihi wasallam) shi manzon Allah ne, zuwa ga mutane baki ɗaya, cikamakin Annabawa, shugaban Manzonnin Allah ne.
1. Ya zo da addinin musulunci, wanda Allah ba ya karɓa (amsa) wanin addininsa ranar lahira.
2. Yana daga cikin dangin ƙuraishawa, mafificiyar ƙabila, a cikin Makkah abar girmamawa.
3. Dangantakarsa tana haɗuwa da Annabi Isma’il ɗan Annabi Ibrahim (Alaihis-salam).
Sharihi; Annabi: shi ne wanda Allah (Subhanahu wata’ala) ya umarce shi da ya aikata wasu ayyuka akan kansa kuma wanda ya kuɓuta daga dukkanin wani aibu, sannan ɗa ne ba bawa ba, kuma namiji ba mace ba, lafiyayye ba mara lafiya ba. Sannan adadin Annabawa an samu saɓani; amma ruwaya mafi shahara ita ce, dubu dari da ashirin da hudu (124,000).
Sai adadin sahabban annabi su guda dubu ɗari da ashirin da huɗu (124,000). Haka ma adadin taurarin da ke sama guda dubu ɗari da ashirin da huɗu (124,000) da adadin gashin da ake jinkin mutum guda dubu ɗari da ashirin da huɗu (124,00) da adadin numfashin da mutum yake yi a kowa ce rana guda dubu ɗari da ashirin da huɗu (124,000) ko kuma dubu ɗari da uku da ɗari shida da tamanin (103,680). Sai adadin lomar da SA na layya yake yi a kowace rana idan an bar shi .
Mazon: Shi ne wanda ya cika dukkanin sharaɗai na Annabta, sai Allah (Subhanahu wata’ala) ya zaɓe shi mayar da shi a matsayin ɗan aiken Sa (Mazon) ma’ana , wanda zai dinga ba shi saƙo zuwa ga wasu mutane, umarni ne ko hani ne ta hanyar mala’ika zuwa gare shi ko shi (Manzon Allah) wasu sun ce ɗari da uku da goma sha uku (103) ko ɗari uku da goma sha uku (313). Bugu da ƙari kuma, daga cikinsu Al-ƙur’ani mai girma ya faɗi sunayen annabawa guda ashirin da biyar (25) daga cikinsu kamar haka:-
Annabi Muhammad (Sallallahu alaihi wasallam)
Annabi Dauwuda (Sallallahu alaihi wasallam)
Annabi Ibrahim (Sallallahu alaihi wasallam)
Annabi Zakriyya (Alaihis-salam)
Annabi Musa (Alaihis-salam)
Annabi Ayuba (Alaihis-salam)
Annabi Nuhu (Alaihis-salam)
Annabi Sulaiman (Alaihis-salam)
Annabi Isah (Alaihis-salam)
Annabi Zulƙifil (Alaihis-salam)
Annabi Yusuf (Alaihis-salam)
Annabi Haruna (Alaihis-salam)
Annbi Yunus (Alaihis-salam)
Annabi Isma’il (Alaihis-salam)
Annabi Yaƙub (Alaihis-salam)
Annbi Adamu (Alaihis-salam)
Annbi Ishaƙ (Alaihis-salam )
Annabi Alyasa’u (Alaihis-salam)
Annabi Iliyasu (Alaihis-salam)
Annabi Salihu (Alaihis-salam)
Annabi Idris (Alaihis-salam)
Annabi Shu’aibu (Alaihis-salam)
Annbi Yahaya (Alaihis-salam)
Annabi Hud (Alaihis-salam)
Annabi Luɗ (Alaihis-salam)
Sannan kuma daga cikin su ne Allah (Subhanahu wata’ala) ya fitar guda biyar (5) ba su lamba ta Manzanni a ruwaya mafi, amma akwai ruwaya da ta nuna cewa guda goma (10) kamar haka:-
Annabi Muhammad (Sallallahu alaihi wasallam)
Annabi Yusuf (Alaihis-salam)
Annabi Ibrahim (Alaihis-salam)
Annabi Yunus (Alaihis-salam)
Annabi Musa (Alaihis-salam)
Annabi Ishaƙ (Alaihis-salam)
Annabi Nuhu (Alaihis-salam)
Annabi Isma’il (Alaihis-salam)
Annabi Isah (Alaihis-salam)
Annabi Yakubu (Alaihis-salam)
Sannan kuma ruwaya wacce ta nuna cewa ulul-azmi guda biyar ne su ne kamar haka;
Annabi Muhammad (Sallallahu alaihi wasallam)
Annabi Ibrahim (Alaihis-salam)
Annabi Nuhu (Alaihis-salam)
Annabi Musa (Alaihis-salam)
Annabi Isah (Alaihis-salam)
Sannan alama ta uku (3) Yace: Yana daga cikin dangin ƙuraishawa kuma cikin garin Makkah abar girmamawa’’. Saboda guda goma sha biyu (12) kamar: Banu-Adnan Banu-Hashim, Banu-Abdulmudamllab, Kuraishawa Banu-Sa’ad Banu-Zuhra, Banu Ka’abu, da dai sauransa amma duk cikin waɗannan ƙabilu.
Babu kamar ƙuraishawa a cikin garin makkah, sannan asalin sunan garin makkah shi ne Bakka saboda zuwan annabi Muhammad (Sallallahu alaihi wasallam) ya koma Makkah kamar yadda Alƙur’ani ya yi mana bayani a cikin Suratul Ali-Imrana aya casa’in da biyar (95). Haka ma garin Madinah kafin zuwan Annabi suna garin Yasrib, Saboda zuwan annabi ne ta koma Madinah, kamar yadda Alƙur’ani mai girma ya yi mana bayani a cikin Suratul Ahzab aya ta goma sha biyu (12).
Don karanta kakannin manzon Allah SAW danna nan
Haka kuma, a lambar ta huɗu (4), Yana cewa Dangantakar sa tana haɗuwa da (Annabi) Muhammad (Sallallahu alaihi wasallam) ne sai dai guda goma daga cikinsu. Sannan kuma a lamba ta uku yace “yana daga cikin dangin ƙuraishawa, a Makka abar girmamawa”. Saboda haka, Annabi Muhammad (Sallallahu alaihi wasallam) yana daga cikin mutanan garin Makka bakuraishe ne, haka kuma a cikin garin Makka akwai manyan-manyan ƙabilu har guda goma sha biyu (12) a cikin garin kamar haka;
Banu-Adnan
Banu-Hashim
Banu-Abdulmuɗallib
Banu-Sa’ad
Ƙuraishawa
Banu-Zuhra
Banu-Ka’ab
Banu-Fahra
Banu-Galib
Banu Mudrakata
Banu-Tamim
Banu-Nadhir
Haka kuma haihuwar Annabi ne ya sa garin Makka ta koma Makka wanda da can sunan garin Bakka kamar yadda ya zo a cikin Alƙu’ani mai girma a cikin suratul Ali-Imran aya ta casa’in da biyar (95), sannan kuma garin Madina kafin haihuwar Annabi sunan garin Yasriba, saboda zuwan Annabi ne ya sa garin ya zama Madina kamar yadda ya zo a cikin suratul Ahzab aya ta goma sha biyu.
Bugu da ƙari kuma, dukkanin Annabawa larabawa ne in banda guda huɗu daga cikin su su ne: Annabi Hud da annabi Yunus da annabi Salihu. Haka kuma wata rayuwar an ce daga kan Annabi Isma’il (Alaihis-salam) zuwa Annabi Muhammad (Sallallahu alaihi wasallam) akwai mutane guda Ashirin (20).
Haka ma daga kan Annabi Adamu (Alaihis-salam) zuwa Annabi Muhammad (Sallallahu alaihi wasallam) akwai mutane Talatin (30), amma saninsu da rashinsu babu abbin da zai ƙara mana, saboda kawai kissa ta Israliyat ko Banu-Isra’il.
Domin Karanta halayen annabi Muhammad danna nan
Edita; Rumasa’u Muhammad Kallamu
