WikiHausa

Tag: Yadda ake haɗa

  • Yadda ake haɗa Dambun Masara

    Yadda ake haɗa Dambun Masara

    KAYAN HAƊI 

    • Tsakin masara 
    • Mai 
    • Zogale 
    • Sinadarin ɗanɗano 
    • Albasa 
    • Attaruhu 
    • Gyaɗar miya 

    Yadda za a haɗa 

    A samu madambaci a zuba ruwa a ƙasan, sai a ɗora ruwan a wuta, sai a wanke tsakin masarar sosai a tsane a mararaki , a sa buhu a saman madambacin, a juye tsakin masara a ciki, a bar shi ya turara kamar awa 1. 

    A kwashe tsakin a faranti a kawo ruwa a yayyafa masa asa yankakkiyar albasa da attaruhu da sinadarin ɗanɗano da zogale da gyaɗa da mai ɗan daidai misali, a maida shi wuta a dinga yayyafa masa ruwa akai-akai har sai ya turara sosai ya yi laushi sannan a sauke.

    Domin karanta cikekken littafin Girke Girke  Danna nan 
  • Yadda ake haɗa Gima Macaroni Jallof

    Yadda ake haɗa Gima Macaroni Jallof

    KAYAN HAƊI 

    • Niƙaƙƙen nama 
    • mai 
    • Kayan miya 
    • Tafarnuwa 
    • Masoro 
    • Girfa 
    • Shammar 
    • Sinadarin ɗanɗano

    Yadda za a haɗa 

    Za a samu tukunya a zuba mai daidai yawan girkin, a sa naman a ciki a soya sama-sama, a zuba mai kaɗan a daka garlic da sauran kayan ƙamshi, a zuba abin ɗanɗano a jefa girfa. Idan ya soyu a ƙara ruwa kaɗan a ciki. 

    Domin karanta yadda ake Fish – Cakes Danna nan 

    A gefe kuma a dafa farar macaroni daban, kar ta dafe. Idan ta dahu sama-sama a tace a wanke ta da ruwan sanyi, sai a zuba a cikin tukunyar kayan miya, a sa ludayi a juya a hankali har ta haɗe jikinta, a rufe ta, ta turara kamar minti 3, a sauke.

    Domin karanta cikekken littafin Girke Girke  Danna nan 
  • Yadda ake haɗa Mulukhayya

    Yadda ake haɗa Mulukhayya

    KAYAN HAƊI 

    • Nama 
    • Kori 
    • Tafarnuwa 
    • Sinadarin ɗanɗano 
    • Gishiri 
    • Albasa 
    • Ba’adonise 
    • Thyme 
    • Ganyan Ayayo

    Yadda za a haɗa 

    Da farko a tafasa nama da albasa da thyme, idan ya tafasa kuma ya dahu sai a yanka ayayo ƙanana a daka shi a zuba sinadarin ɗandano da gishiri a kan romon da aka tafasa. 

    Sai a ɓare tafarnuwa a daka da ba’adonise a soya, a zuba a cikin miyar ayayon ana zubawa sai a rufe a kashe wutar, kar a bar shi ya yi kauri, kar kuma ya yi ruwa. A ci da biredin Larabawa ko shinkafa ko abin da kike so.

    Domin karanta cikekken littafin Girke Girke  Danna nan 
  • Yadda ake haɗa Miyar Kayan Ciki

    Yadda ake haɗa Miyar Kayan Ciki

    KAYAN HAƊI 

    • Tumbi 
    • Kitse 
    • Hanta 
    • Zuciya – huɗu 
    • Albasa 
    • Gishiri da sinadarin ɗanɗano 
    • Markaɗe 
    • Tafarnuwa 
    • Masoro 
    • Girfa 
    • Habbahan

    Yadda za a haɗa 

    A sami tumbi da kitse da Hanta da zuciya da huhu da hanji, sai a sami ruwa a tafasa. A ɗauko hanjin, sai a sa wuƙa a kankare shi, sai ya yi haske sai a yayyanka ƙanana, a wanke hanjin sosai a tabbatar ya wanku a tsane. 

    Sai a sa albasa, mai, gishiri, maggi za a ga ya yi ruwa, sai a sa markaɗe irin na farko, in ruwan ya yi kaɗan a ɗan ƙara a bar shi, ya yi ɗan kauri, sai a ɗauko tafarnuwa a daka da masoro a jefa girfa a ciki da habbahan. A juya in ta yi a sauke.

    Domin karanta cikekken littafin Girke Girke  Danna nan