Yadda Ake Soyayyen Dankalin Hausa Da Miyar Ƙwai

0
2416

 

Dankali na da matuƙar amfani a jikin ɗan Adam kuma ya kasance an haɗa shi da ƙwai, zai yi daɗi wajen ci, ga matuƙar amfani a jikin mutum.

Soyayyan dankalin Hausa:

Abubuwan da ake buƙata

Dankalin Hausa

Gishiri & maggi

Citta & kanunfari

Mai

Yadda ake haɗawa

A fere dankali a yanka shi dogaye ko round a wanke shi a tsame shi, a barbaɗa gishiri, a ɗora mai a kan wuta yai zafi, a yanka masa albasa, idan ta yi ja, sai a zuba dankalin, idan ya soyu, za a ga ya yi ja, in kuma farar suya ce, za a sa cokali mai yatsu a caka idan yayi baza a ji garas-garas ba, to ya soyu, sai a tsame shi a haka har a gama.

Miyar Ƙwai

Abubuwan da ake buƙata:

Ƙwai(egg)
Tomato
Attaruhu
Onion
Maggi & salt
Kanunfari & citta
Mai

Yadda ake haɗawa

A yanka albasa, attaruhu, da tumatir amma ɗan kaɗan,
A zuba mai a wuta, idan ya yi zafi, sai saka yankakkun kayan miyar nan a ciki, a soya su, sai a sa dakakkiyar citta da kanunfari a zuba,
Sannan a fasa ƙwai a kaɗa a ƙwara a kan soyayyen kayan miyar nan, sai a juya, idan ta yi sai a sauke
labarin da ya wuceYadda Ake Ƙosan Dankali Mai Haɗe Da Nama
Labarin na GabaYadda Ake Yam Ball (Ƙwallon Doya)
Khadija Yusha'u (Amira) Babbar ɗalibar Addini ce, wacce ta karanci abin ci da lafiyar sa (Food and Nutrition) da kuma ƙwararriyar mai haɗa abin ci da kuma koyar da aikin hannu.