Mene Ne Kishi

0
850

Kishi shi ne, sosuwar zuciya da ɓacin ran da suke jawo fushi, a dalilin tarayyar da wani ya yi da wani, a kana bin da wanin ya keɓanta da son sa, ko mallakar sa.

Mene ne Asalin kishi

Asalin kishi shi ne ƙyama da ƙiyayyar munanan abubuwa.

Mene ne Abin da Yake Jawao Kishi

So da ƙaunar wanda aka yi kishi domin sa shi ne ke jawo kishi.

Mene ne Matsayin Kishi

Kishi wata maɗaukakiyar halayya ce, kuma wata kyakkyawar sifa ce da ta dace da a siffatu da ita.

Gaske ne kishi na da Fage-fage?

Na’am, gaske ne, kishi yana da fage-fage, da ake yin sa da aiwatar da shi a cikinsu, ga jerinsu kamar haka:
1. Kishi a fagen tsare addinin Allah da dokokinsa. An karɓo hadisi daga Aisha (Radiyallahu An ha) ta ce: “Manzon Allah tsira da amincin Allah su tabbata a gare shi bai taɓa dukan wani abu ko wata mata ko wni hadimi da hannunsa ba, sai dai a yaƙi saboda Allah, don ɗaukaka addinin Allah, kuma ba a taɓa munana masa bay a ɗau fansa; sai dai fa in an keta hurumin wata dokar Allah ne, sai ya ɗau fansa saboda Allah Maɗaukaki” .
2. Kishi a fagen tsare mutuncin kai
3. Kishi a fagen tsare darajar iyalai kamar mai gida ya sa tsaron da iyalansa ba za su samu damar yin shiga ta rashin mutunci ba, ko kuma yin barkwanci da maza ba.

Domin karanta cikakken bayani akan Kishi Iri Nawa Ne danna nan.

Wannan bayani anciro shine daga littafin Duhun Kai Gaba Da Kishiya wanda Abubakar Abbas ya wallafa shi Domin karanta cikakken littafi danna nan.

labarin da ya wuceCikakken Bayanin Abubuwan Da Sai Da su Aure Yake Zama Karɓaɓɓe
Labarin na GabaHaƙƙin Zaman Gidan Miji